أبنة السفير اصبحت خادمة

اصبحت خادمة

#ابنة السفير اصبحت خادمة
البارت التاسع
وصلنا لبريطانيا بسبع ساعات وجانت لارسا تنتظرنا هناك هذا الحجي ب2004 جانت كاتبة لافتة اول مشفتها عرفت هذا خط لارسا اللافتة مكتوب عليها مقطع من اغنية محمد عبد الجبار ( تانيتكم .. احتاجيتكم گد الهوا والماي انا احتاجيتكم ) فركضت عليها وركضوا عليها كل اخوتها من البچي والعياط صفنوا المطار كلهم .. فأخذتنا بتكسي لأوتيل صغير يكرب الروح والجو بارد زمهرير الجهال لابسين قماصل بس ثلجنا كلنا گالت ماما ابقوا بهذا المكان منا لباجر لحد مااجرلكم غرفة نتگضى بيها لحد ماالله سبحانه وتعالى يفرجها علينا الجهال اختنگوا الغرفة يمكن قياسها 2*3 يعني اصغر حمام عدنا ابيتنا بحي الخضراء بكد هاي الغرفة .. احتصرت ورثت جكارة وگمت ابجي ابجي الى ان غفيت من التعب كعدتني لارسا من الصبح وسوتلنا ريوك وجابت بيض وجبن من السوبر ماركت وصمون من المخبز وكعدنا اتريكنا هي تحجيلي عن معانتها من اول مجتي للملكة الى ان وصلنا هي تحجي واني دموعي اتكت عليها فباستني گالت اعوضج ياامي لتنقهرين واخوتي كلها شكم سنة ويعوضونا.. من وصلت للندن حاولت ازهار تتواصل وياية مجنت اريد اشوفها لان موگفوا وياية رغم انه هي طبيبة وزوجها طبيب بس  نفسي عزيزة ومااطلب مساعدة منهم ... لكن مرة من المرات لحت بالتلفون يمكن فد عشرين مرة خابرت گلت خل اشيله هو ماكو وراهم غير المصايب فاول مشلته داريد انهد بيها گالت سموأل امي ماتت اني انهاريت وظليت اعيط لج يوم مبقالي احد بهل دنيا  حتى انتي عفتيني ورحتي ظليت بذيج الايام لا اكل ولا شرب ضعفت كلش وگمنا اني ولارسا اندور شغل الي ملگيت غير اصير اما معينة بدار العجزة وشرطهم انه اغسل وابدل واشطف للعجزة ولگينا شغل لاخ هذا اهون شوية خادمة ابيت مال عراقيين مقيمين من السبعينات يعني حتى حچيهم مكسر .. اني طبعا شغل الخادمة وبيت مال عراقيين اهون علية من دار العجزة فكمت اشتغل وباشرت بعملي من ثاني يوم گمت انظفلهم لان عدهم جهال هواية وكلسع موصخين وكمت اغسل المواعين واغسل هدوم ايدي ترجف من البرد وكل شوغة بية ارفع راسي للسما اني بنت السفير اشتغل خدامة حكمتك يارب .. الجهال طبعا باقين بالبيت لان لامدارس ولا شي ومگدرنا نحصل اقامة لان الاقامة متوقفة على واحد من ولدي عمره 15 سنة اعتبروه تربل ميكر .. يعني مسبب مشاكل فأقامتنا كلنا متوقفة عليه فبهاي السنة ايهم اتخرج من الطبية وجان لازم نسحبه يمنا بلكي يشتغل ويساعدنا حتى يكملون اخوته ادهم واوسم ..كدرنا نجمعله شكم فلس وسحبناه يمنا اجة وفرحان بشهادته وقدمها لشهادته لكن مع الاسف معترفوا بيها الا اذا درس سنتين بلندن يعادل بيها شهادته ،، زين شلون نكدر اندبر المبلغ هذا ..منعرف شلون گال عندي فكرة ليش ماارجع لبغداد واروح ابيع وحدة من عماراتنا او نبيع بيتنا لحجي دحام احسن معاصي بي اني لزمته من هدومة وگلتله اذا تروح لبغداد وتفكر ترجعلها راح اذبح نفسي بهاي السجين ،، فصارت مشاكل لان هو ملگة شغل وامه واخته خدامات بالبيوت فظل يبجي مثل البنات وگال لازم اسوي حل الي ولاخوتي ولامي