روُح خُلقّت لروُح (مكتمله)..

part (1) play >>>>

زي كل يوم متأخر كالعاده على التدريب ، متأكد إن الأعضاء في اللحظات دي بيسخنوا توكي هيونج عليا بس على مين !! ، شوية حركات مني من بتوع الماكني دول و هسيطر بسهوله على القلب الحنين بتاعنا ، أنا مش لئيم و لا بستغل طيبة هيونج على فكره ؛ أنا بس مش عارف يا جماعة أصحى بدري زي كل الناس و هما مش عارفين يقدروا الحته دي فيا ، أوكي أوكي ما علينا مش ده موضوعنا خالص ، إممم الكلام إلـ بيتسجل في ريكورد ده هو أحلى لحظات حصلت في حياتي لوقتنا ده ، معرفش ليه فجأة كده قررت و أنا في طريقي لشركه أحكي قصتي معاها ؛ برغم إنها بقت الماضي و الحاضر و المستقبل بالنسبالي بقت كل حاجه في حياتي فعليًا ، بس الحقيقه مش هي لوحدها ، هي و.... (صمت لثواني مع إبتسامه بشوشه ) إمم ما تيجي نحكي الحكاية من الأول ! ..

أول ما بقيت عضو في الفرقة كانت في ضغوطات نفسية كتير عليا ، شويه عدم تقبل الناس وجودي لفترة ما في الفرقة كعضو جديد فيها و شويه عدم تقبل الأعضاء نفسهم لوجدي كجزء منهم ، بس مرت اللحظات دي بتعبها و وجعها و بقت ماضي لما أفتكره أضحك من قلبي عليه ، أهلي و الأعضاء و إلـ ELF (المعجبين) وجدهم في حياتي كان عامل زي الهوا إلـ بتتنفسه متقدرش تستغنى عنهُ مهما كان بيجيله أوقات بيبقى متعب و مليان بشد و جذب كتير ، بس هيفضل أهم حاجه في حياتك و متقدرش تستغنى عنُه ، كُنت فاكر وقتها إن هما بدون منازع أهم حاجة في حياتي لحد ما قبلتها و وقتها كل حاجه في الحياة دي إتغير من درجه لــ 180 درجه ، لما كُنت بسمع إن القلب بيرفرف لما يحب كُنت بحس الكلام ده في مبالغه غير منطقية بالمره ، خصوصًا الكلام عن الحُب من أول نظره ! ، في إيه يا جماعه ما تعقلوا الكلام قبل ما تصدقوه ، حُب إيه إلـ يحصل من أول نظره ده !! ، بالفعل هو ده كان تفكيري قبل ما القدر يجمعني بيها و أخد بالي منها لأول مره في حياتي ، ضحك مع تنهيده ببشاشة ، و أقع فيما يعرف بإسم الحُب من أول نظره ، تنحنح ، إحم مش عايز تريقه ! ؛ آه وقعت في الحُب ده و قلبي رفرف كمان ..

بعنين بتلمع ..

تاي أجمل بنت شفتها عنيا ، لوقتنا ده مش قادر أنسى أول مرة شفتها فيها أو نقول أول مره أخد بالي منها أو الأصح إنتبه ليها ! ، بحُكم صداقتها مع ريووك كل فتره كانت بتيجي الشركه يتغدوا سوا ، مقابلات سريعه لسبب ما بينهم و هكذا ... طول الوقت كُنت شايفها الطالبه الجامعيه إلـ بيصادف كل مره أشوفها بتبقى بلبس عملي و نضاره طبيه بشعر قُصير مُهندم إلى حد ما ! ، و أكيد مش هنسى الكُتب الكتير إلـ كانت دايمًا شيلاها ، بس مش هنكر إن برغم البساطه إللي بشوفها بيها على طول ، إلا إن قدرت بسهوله أشوف جمالها إلـ مخفي ورا الإستايل ده ..