نصفي الآخر

الجزء 25

يحيي:( رانيا.. انتي جد فارقه معاي.. الفتره الفاتت دي م قدرتا انساك ولا ثانيه.. انا مشيت اتعالجتا عشانك.. داير اكمل معاك.. لو كنت داير ندي م كنت مشيت اتعالجتا كنت خليتا جواي..بس م دايره انا.. دايرك انتي بس.. ندي كانت حلم بس انتي حقيقه..حقيقه عشتا فيها و حبيتها جدا)

. يقوم اقعد علي رجلينو قدامها..

رانيا:( يحيي قوم الناس.. )

يحيي: (م بقوم الا توافقي ترجعي لي،، رانيا ..انا دايرك رانيا انتي.. م دايرك رانيا ندي الكنت دايرها زمان.. )

رانيا:( يحيي قوم.. الناس بتعاين لينا.. )

يحيي: (وافقي طيب..م جبر بس حب.. عليك الله وافقي ترجعي لي.. انا حرقتا كل صور ندي و ااي حاجه تذكرني بيها.. حتي صورا الفي اللابتوب و الفيديوهات مسحتها.. ماف ااي حاجه بقت تذكرني بيها.. انا اسي يحيي جديد.. و دايرك انتي بس ..)

رانيا:( خليني افكر ي يحيي..دايره وقت.. )

يحيي: (طيب اخدي راحتك بس عليك الله م تظلمي روحك و تظلميني.. )

و يقوم اقيف..

يحيي: (حاستناك.. م تتاخري علي..)

و يمشي يركب عربيتو و يمشي..

رانيا تكون في دوامه.. مبسوطه و زعلانه في نفس الوقت.. م عارفه تعمل شنو..

ترجع بيتهم تقعد في البلكونه.. تجيها امها تتكلم معاها.. تحكي ليها ب يحيي و القالو..

سميه: (والله ي رانيا يحيي زول كويس كان خاتيك في عيونو...ااي صح هو غشاك في الاول.. بس اسي تعاملو ده كلو بثبت حبو ليك.. والله زول ككويس و اخلاقو عاليه..حاولي سامحيهو و ارجعي ليهو.. )

رانيا: (م عارفه حاقدر وله لا.. )

سميه: (اخدي وقتك و فكري و شوفي.. رائي قلتو ليك.. يحيي ماف ذيو.. )

رانيا: (ياسر برضو قال دايرني و مستني كلمه مني.. )

سميه: (ياسر كويس.. بس يحيي راجلك و بقي معاك علي الحلوه و المره و م حصل اتنازل عنك.. لمن طلقك كان ده طلبك انتي و نفذو ليك..)

رانيا: (صح.. م عارفه والله.. اعمل شنو.. )

سميه: (استخيري.. بتلقي الحل الصح.. )

رانيا: (صح.. حاستخير.. )

رانيا تستخير لمده اسبوع.. بعد اسبوع تحس انها مرتاحه ل يحيي..

تقول تضرب ليهو بس تتردد.. المسا۽ كده اضرب ليها يحيي..

يحيي:( عملتي شنو?)

رانيا:( استخرتا..)

يحيي:( اها 😨.. )

رانيا: (م عارفه.. )

يحيي:( كيف م عارفه 😨 رانيا م توقفي قلبي يااخ 😨..)

رانيا تضحك:( مرتاحه لرجوع ليك والله ي يحيي 😍..)

يحيي اضحك و اكورك من الفرح.. رانيا تضحك عليهو.. يحيي:( اسسسي حاجي اسوقك 😍.. )

رانيا تضحك:( : خليهو بكرا.. )

يحيي: (لالا اسسي بجيك بس اجهزي.. م بقدر اقعد يوم تاني بدونك والله.. )

رانيا :( طيب .. )

تقوم مبسوطه تجهز في هدومها و هي مبسووطه.. بعد ساعه اضرب ليها يحيي يقول ليها جاي عليك.. تقول ليهو طيب...بجي يسلم علي امها و يسوقها و يمشي..

في الطريق كلو مشغل اغاني عروس و يغني معاها و رانيا تضحك فيهو.. اصلو البيت..

تدخل افتح ليها الانوار تلاقي البيت كلو مزينو بالورد و كاتب اسمها بالورد في نص الصاله و في صورتها كبيره في نص الصاله بشكلها القديم لمن كانت قاصه شعرها... و مجهز عشا۽ و شموع...

رانيا من تفرح شديد و تضحك..

يحيي: (عجبك? )

رانيا:( جدددا 😍😍..)

يحيي: (ادخلي طيب..)

تدخل.. يحيي اخت ليها شنطتها في الغرفه و اجي طالع شايل باكو ورد احمر كبييير اديهو ليها..

رانيا: (ورد تاني 😂?)

يحيي:( طبعا.. الورد لورده حياتي.. )

رانيا: (ثانكس حبيبي..)

يحيي:( انا جيعان من مشيتي انا م اكلتا..)

رانيا: (ي سلام 😒.. )

يحيي: (اكلتا بس م شديد كده.. )

رانيا تضحك..

يحيي : (يلا..)

تخت الورد علي الطربيزه و تمشي اجر ليها الكرسي تقعد و اقعد هو..

رانيا: (في الساعه دي بس زينتا البيت?)

يحيي: (حتصدقي لو قلتا ليك لي كم يوم بزين فيهو من وقت لاقيتك في البحر..مع اني مم ضامن انك راجعه بس برضو زينو و جهزتو ليك..)

رانيا: (لدرجه دي كنت دايرني ارجع? )

يحيي: (و اكتر من كده..)

رانيا: (لو م كنت رجعتا? )

يحيي: (كنت حاستناك طوول عمري..)

رانيا:( بالجد? )

يحيي: (طبعا حبيبتي..اوعي يوم تشكي في حبي ليك.. )

رانيا:( حاضر 😊..)

رانيا كل خوفها من يحيي و الحصل يمشي.. تبقي متطمنه ليهو.. لانو نلقي شخصيه تانيه غير يحيي القديم..و كل يوم بثبت ليها حبو ليها هي. .و يبعد عن ندي و سيرتها... و يعيشو في تبات و نبات و تجيب تؤام.. بت و ولد... عثمان و جمانه....

........ الـنـهـايـة ........