ينزل يحيي من العربيه و معاهو ندي( ندي لونها اصفر و شعرها طويل بتعملو كيرلي طوالي و عيونها حلوه.. و جسمها مليان شوويه.. )
ندي: (هم اصحابك هنا? )
يحيي:( ايوا تعالي اشيل منهم حاجاتي و نمشي يلا سرعه ماف وقت)
يمسكها و يدخلو سرعه.. يصلو الطابق الفوق يكون مظلم اول من يصلو بفتحو الانوار اصحابا و صحباتها و اصحاب يحيي و يغنو ليها ( happy birth daaay nada) ندي تتخلع و تقعد تضحك و تعاين للصاله المزينه و الصفره الكبيره مليانه توتات و حلويات و اكل.. و تعاين ل يحيي و هي مبسووطه.. و يحيي بكون بغني معااهم.. يخلصو الغنيه..يحيي يشيل باكو ورد كبيييييير يديهو ليها تضحك ...
ندي:( ي مجنوون 😍)
يحيي:( المجنون ده بحبك و بموت فيك)
ندي: (ربنا يخليك لي ي يحيي 😍)
يحيي: (و يخليك لي حبيبتي)
وليد شايل كاميرا بصور فيهم فيديو من اول من وصلو و الاغنيه و كده.. ياخد يحيي علبه يمدها ليها تشيلا تفتحا تلاقي سلسل الماس رهييب 😍..
ندي: (ليه التعب ده حبيبي?)
يحيي: (حاجه تليق بمقامك حبيبتي)
ياخد منها يلبسو ليها و هي مبسووطه دايره تطيير من الفرح.. بعدها يمشو يقطعو التورته و يقعدو يتونسو و ياكلو مع اصحابهم ..
يحيي بعشق ندي شديد..و هدفو بس في حياتو انو يعرس ندي و تكون مبسوطه.. بحب يخليها مبسوطه بنسي نفسو و ينسي سعادتو بس بهتما بيها هي و سعادتها.. صحباتها بحسدوها عليهو..اتعرف عليها في ماليزيا.. كانت بتقرا كورسات هناك.. و حباها و اهتما بيها و هي حبتو من حبو ليها و اهتمامو.. و بقت تحبو شديد...
قاعدين رانيا و مصطفي و محمد بتناقشو في موضوع ابوهم و عمهم..
محمد: (انا شايف ابوي م يسيب حقو 😒.. و احنا متاكد انو ميرغني زور الورق 😠)
مصطفي: (ياخ كلنا عارفين انو ميرغني زور بس عشان م نعمل مشاكل و محاكم و مقاطعه اهل..دي صله رحم)
رانيا: (صح.. خلي ابوي يتنازل عن القضيه و يسيب عمي.. عمي بعدين ربنا بحاسبو براهو)
محمد:( لا م بنسيب حقنا ليهو 😠)
رانيا: (ي محمد ياخ احنا الحمدلله عندنا البكفينا و ذياده..م محتاجين لعمي و لا لورثه جدي)
محمد: (بس برضو م بنخليها لعمي 😠..ان شاءالله نرميها الشارع م بنخليها ليهو 😠)
رانيا: (حتحصل مشاكل كتيره و حنقاطع بعض بسببا.. و ربنا حيحاسبنا بعدين في صله الرحم)
محمد: (صله رحم? هو عمك بفهم حاجه ذي دي?? و ربنا برضو حيحاسبو في التزوير)
مصطفي: (كدي نتكلم مع ابوي و نقنعو انو يخلي القضيه)
