قاعدين نهي و رانيا مع امهم بتونسو و يشربو شاي.. سميه حالتها بقت احسن كتير من الاول.. يجي مصطفي يلقاهم قاعدين يقعد معاهم..
مصطفي:( محمد ماف كلعاده? )
سميه:( طبعا.. بمشي الشغل و من الشغل مرات م بجي بمشي لاصحابو م بجي الا بليل بعد ننوم)
نهي:( اصلا محمد طول عمره م بقعد في البيت)
مصطفي:( بس م لدرجه دي جد طلعاتو كترت.. حاتفاهم معاهو انا)
رانيا: (خليهو براحتو)
مصطفي:( في اصحاب ابوي و ناس لسه بجو.. مفروض يكون موجود)
سميه:( والله اصحاب ابوك م قصرو خاالص)
رانيا: (ااي والله)
مصطفي: (حتي ناس العماره هنا م قصرو..ناس الطابق الاول فتحو شققهم للرجال و خدمه و مويا و شاي و اكل)
رانيا:( م قصرو والله..حتي عمي رجب و رجب م قصرو في شي)
مصطفي: (والله رجب ده وزع كميه خياليه من المويا و الشاي مع الناس.. لمن قلتا ليهو تعبتا كفاك خليك.. رفض قال لا الا يشتغل)
رانيا: (صح م قصر كل يوم الصباح بجي هنا بسال من حاجات السوق بديهو العربيه بمشي يجيب كل الحاجات.. م احتجنا لحاجه الا لقيناهو جابا)
سميه: (اولاد اصول والله.. الله اديهم العافيه)
نهي تفرح بكلام اهلها عن رجب...
يحيي رقد في البيت تعبان م واعي.. الدكتور ادااهو حقن مهدئه لانو كل م يصحي بكورك و ببكي .. امو و ابوهو و سميره اختو و وليد و اصحابو كلهم قاعدين معاهو بس هو في عالم تاني م واعي بشي...
قاعدين وليد و سميره و هنادي في الصاله..
سميره: (امي انا خايفه علي يحيي شديد)
هنادي: (ببقي كويس ان شا۽الله)
وليد: (الصدمه بس محتاج وقت و برجع كويس)
هنادي: (بحبها شديد روحو فيها)
سميره:( هي كانت طيبه والله جد تتحبا..الله يرحما)
هنادي:( ااي والله..تتختا علي الجرح يبرا.. الله يرحما و يعوض شبابها الجنه.)
وليد:( اللهم آميين)
يقول وليد في نفسو ( الله يستر علي يحيي.. و يعدي الايام دي علي خيير)
محمد بقي بتونس مع تسنيم طوالي و عرف عنها اي شي بتقرا وين و كده.. و قال ليها انو هو معجب بيها بس م كلم ابوها عشان احتمال ارفض..
تسنيم :( ليهو صح ابوي م حارضي نتكلم مع بعض)
محمد: (ااي عشان كده م تكلميهو ولا تكلمي اااي زول.. خلي موضوعنا ده بيني وبينك)