قاعد وليد مع يحيي في غرفتو
يحيي فاتح اللابتوب و بتفرج في صور ندي.. و بعلق ل وليد.. يحيي: (شوف الصوره دي حلوه كيف.. اليوم داك كنا في البحر في ماليزيا..الجو كان حلو شديد.. و شوف دي كنا بتعشا في مركب علي البحر.. و كان في هوا شديد و هي خافت قالت الا نرجع.. و شوف دي يوم مسافره في المطار جايه السودان .. وعاين دي يوم كنت مشتاق ليها قلتا ليها رسلي لي صورتك.. قالت لي انا منكووشه و نعساانه م برسلا ليك كده.. قلتا ليها بس رسليها لمن رسلتا بقيت بضحك فيها زعلت.. )
يحيي بقي اضحك بس دموعو في عيونو..
يحيي:( و شوف دي...... )
حكي كتيير عن كل الصور و وليد بعاين ليهو بشفقه و ببتسم ليهو... وليد متاثر شديد بحاله يحيي و م قادر يطلعو منها و م عارف يتصرف كيف..
محمد مراقب ايمي و اواب..لقاهم بتلاقو طوالي في محلات عامه الونسه و الضحك.. صورهم مع بعض.. و مشي رسل صورهم ل راجل ايمي من رقم غريب..
قاعده هنادي و سميره في الصاله.. هنادي بتلعب مع ملك بت سميره و سميره مشغولا في تلفونها..
هنادي: (اكلتي البت دي ي سميره?)
سميره:( ااي ي امي)
هنادي:( كويس)
هنادي: (انتي ابراهيم اخبارو شنو? )
سميره:( كويس قبل كم يوم اتكلمتا معاهو)
هنادي: (كم يوم? ليه م بتتكلمي معاهو كل يوم?)
سميره:( لا)
هنادي:( ليه?)
سميره: (عشان يشتاق لي و يعرف قيمتي.. عشان لمن ارجع هناك يقعد معاي و يبطل طلعاتو الكتيره دي)
هنادي: (ي بت ده راجلك م تتعاملي معاهو كده 😒)
سميره: (بتعامل)
هنادي:( انتي جنيتي والله)
تجي نازله الشغاله شايله صينيه اكل..
هنادي:( يحيي م اكل? )
الشغاله: (لالا) و تمشي علي المطبخ..)
هنادي: (و بعدين مع اخوك ده.. داير يقتل روحو??)
سميره:( والله ي امي غلبتا معاهو..اتكلمتا معاهو بس م نفع)
هنادي: (جد كترا الولد ده..بعد ده حاقوم اشاكلو كان رضي كان زعل)
سميره:( لالا ي امي اوعي تشاكليهو الفيهو مكفيهو)
هنادي: ( لمتين لكن?)
سميره:( اصبري بس و ادعي ليهو ربنا يبرد نارو)
يوم وليد امو كانت عندها فحوصات مشت المستشفي و وليد كان عندو شغل قال ليها بلحقك.. خلص شغلو و مشي المستشفي لامو.. لقاها في الغرفه.. و معاها دكتوره.. دخل..