قعدو لحدي المساء محمد فتح بس تعبان.. اجي رجب و ابوهو اتطمنو عليهو و امشو..
رانيا : (امشو البيت ي امي انا بقعد معاهو)..
سميه: (لالا انتي امشي مع راجلك و انا بقعد معاهو)
مصطفي: (لالا امشو كلكم انا بس البقعد)
سميه: (خلاص طمني عليهو)
مصطفي: (حاضر ي امي انتي بس امشي ارتاحي و م تقلقي)
سميه: (طيب.)
نهي: (محتاج. حاجه ي مصطفي اجيبا ليك?)
يحيي: (لو داير حاجه من البيت بمشي اجيب ليك)
مصطفي: (لالا م داير شي انا كويس)
رانيا: (بجيك. الصباح بدري.. حاوصي ليك ناس المستشفي هنا..و امل بتجي اسي.. )
مصطفي:( ماف مشكله..)
رانيا: (يلا سلام.. )
يطلعو يمشو..
في العربيه رانيا مع انها تعبانه و مرهقه بس مبتسمه و تعاين ل يحيي بفخر شديد.. يحيي اركز ليها.. يبتسم يحيي:(مالك بتعايني لي? )
رانيا:( معحبه.)
يحيي: (هههه كويس بقي عندي معحبين..)
رانيا: (ربنا يخليك لي ي يحيي بالجد انت نعمه من السما.. )
يحيي: (و يخليك لي حبيبتي.. داير امشي ناس امي.. انزلك و امشي?)
رانيا:( حتتاخر?)
يحيي:( لالا شويه بس.. )
رانيا:( خلاص بمشي معاك.)
يحيي:( طيب..)
و يمشو البيت يلاقو هنادي و امين قاعدين تحت.. اسلمو عليهم و اكفرو ليها لمحمد و اقعدو.. هنادي تشتكي من سميره.. و زعلانه..
هنادي: (البت دي حتخرب بيتها بيدها.. ليها كم قاعده هنا و م عايزه ترجع..راجلا بضرب بشتكي منها.. شاكلتها م رضت.. اعمل ليها شنو بس? )
يحيي:(انا بتكلم معاها )
رانيا: (لالا خليك انا البشوفا..احنا بنات ذي بعض و بنفهم بعض..)
هنادي: (الله يرضي عليك ي رانيا شوفيها خليها ترجع لراجلا.. )
رانيا:( طيب حاطلع اشوفا..)
و تطلع.. تمشي فوق ل سميره تلاقيها قاعده في غرفتها و ملك نايمه و هي بتحضر في فيلم..
رانيا:( سمسم 😊.. )
سميره: (رانيا..اتفضلي 😊..)
تدخل تسلم عليها و تقعد
سميره(سلامه اخوك.)
رانيا: (الله يسلمك.. كيف ملك? )
سميره: (كويسه يدوب نامت تعبتني..)
رانيا: (كلهم متعبين..ربنا احفظا بس..)
سميره: (اللهم امين..اخباركم شنو?)
رانيا: (تمام بس تعب المستشفي.)
سميره:( اي والله متعبه..)
يسكتو شويه..
رانيا: (سميره..مالك م دايره ترجعي? خالتو زعلانه منك..)
سميره: (م مرتاحه هناك..)
رانيا:(ليه? شنو المضايقك?)
سميره: (ابراهيم طول الوقت مشغول و م فاضي لي و قاعد مع اصحابو وله بمشي وين م بعرف.. انا بقعد براي في الشقه.. حتي ماف ناس جمبي اتونس معاهم كلهم اجانب.. عندي صحبتي بعيده مني م بخليني امشي ليها ولا بخليني ااطلع حته براي و هو م بطلعني..انا بقعد طول اليوم براي.. لمن انوم حتي هو اجي بجي ينوم بس و بصحي يمشي الشغل.. لا بياكل لا بشرب معاي لا ونسه لا اي شي.. كلمه كلمتين في اليوم و خلاص.. انا م بقدر اعيش كده جد تعبتا.. امي م حاسه بي بس دايره ترضي ابراهيم حتي لو كان علي حساب راحتي..)
سميره دموعها تنزل.. رانيا تحن عليها شديد..
رانيا:( يحليلك م قايلين الموضوع كده والله..)
سميره: (امي عارفه.. انا كل يوم بضرب بشتكي ليها بس هي م شغاله بي..)
رانيا:( خلاص اهدي انا بحل ليك الموضوع ده..م تزعلي روحك..)
سميره: (م ماشه من هنا.. داير يطلقني خلي يطلقني اخير لي من الرجعه هناك و الحبسه..)
رانيا: (لالا بعد الشر ياخ.. خلاص يلا امسحي دموعك و انزلي معاي.. وانا البتكلم ليك معاهم.. ) سميره : (طيب..)
تمسح دموعها و يطلعو يجو مارين بغرفه يحيي..
رانيا:( دي غرفه يحيي صح? )
سميره: (ااي.)
رانيا تحاول تفتحا م بتقدر..
سميره: (مقفوله م بخلي زول يدخلا)
رانيا:( ليه?)
سميره: (عندو اسرار)
رانيا تضحك (: كويس.. يلا م مشكله..)
ينزلو يقعدو مع ناس هنادي في الصاله..
رانيا تحكي ليهم الحكتو ليها سميره كلو..
رانيا:( هي مظلومه من حقها انو تعيش كويس ليه اسجنا كده.؟. لازم يجي هنا و تتفاهمو معاهو و تتفقو دي م حياه العايشاها هي...ليه تدفن نفسها بالحياه كده!! )
امين: (معاك حق.. انا بكرا بضرب لابراهيم و اقول ليهو تعال نتفاهم هنا.. )
يحيي: (انا ذاتي بضرب ليهو و بكلمو يجي )
سميره تنبسط من كلام اهلها شديد..
تجي امل الغرفه تلاقي مصطفي قاعد تسلم و تطمن علي محمد..مصطفي:(نايم م صحي.)
امل: (محتاج حاجه? )
مصطفي: (لالا بس مليت براي.. )
امل: (اقعد اونسك شويه?)
مصطفي: (ي ريت )
امل : (طيب.. )
و تقعد تتونس معاهو..
يتبع.....
