يحيي كل يوم بجي ل رانيا و هي تكشر ليهو و تمشي م تتكلم معاهو.. يوم كان عيان م جاها.. عندو كحه و حمه رقد 3 يوم في البيت م قدريطلع..
رانيا افتقدتو بقت تعاين مكان كان بقيف تلقاهو ماف قالت في نفسها( شكلو ملا خلاص.)
حكت لامل ..
امل : (بكون ملا يااخ.. بمشيي يفتش غيرك 😂😂 )
رانيا: (ااي 😂😂..)
بعد 3 يوم يحيي بقي كويس و جا.. من شافتو رانيا فرحت م عرفت ليه فرحت بشوفتو.. مع انو يحيي حلاتو وجيه و اسمر و عريض بس طريقتو الدخل بيها فيها م عجبتا غير كده كان عادي ممكن تعجب بيهو..
مشت عليهو..من شافها جايه عليهو فرح..
رانيا: (فكرتك مليت 😊 ي .. )
تسكت..
يحيي: (اسمي يحيي.. معقوله امل منك 😊.. بس كنت عيان والله 😔.)
رانيا:( ليه م جيت عملتا فحوصات 😓? )
يحيي: (انتي ابيتي تعمليها لي.. لو بتعمليها لي انت اسي بدخل معاك المستشفي.. )
رانيا تضحك..
رانيا: ( سلامتك..كان عندك شنو? )
يحيي:( حمه و تعب من الشمس البجي بقيف فيها دي.)
رانيا: (شنو الجابرك 😒?)
يحيي: (انتي 😍)
رانيا: (م مجبور 😊)
يحيي:(طيب اديني رقمك اتكلمي معاي.. خليني اجي البيت اعملي ااي حاجه تريحني من الوقفه دي 😔😔.)
رانيا: (اكتب رقمي طيب 😊.)
يحيي يفرح.. يطلع تلفونو تديهو رقمها يسجلو و اديها رنه في تلفونها..
يحيي: (كده رقمي برضو بقي عندك 😍)
رانيا:( ايوا 😊. يلا سلام 😊.)
و تمشي..
يحيي يكون داير يطيير من الفرح 😍😍..
يضرب ل وليد يسالو انت وين يقول ليهو في الشركه بمشي ليك في شغلك..
يحيي: (خلاص جاي عليك)
و يمشي ليهو.. يحكي ليهو بالحصل و هو مبسوط.. وليد يفرح بفرح يحيي..
يحيي: (م بتصدق نفس طريقه الكلام نفس المشيه 😍 نفس الضحكه 😍 نفس ااي شي 😍.. انا حاسي ربنا عوضني ب ندي مره تانيه 😍😍)
وليد:( و حتعمل شنو?)
يحيي: (حاتكلم معاها و حامشي اطلبها من اهلها 😍😍 م حاخليها تضيع مني تاني)
وليد:( بس انت م بتعرفا)
يحيي: (كفايا العارفو 😍..كفايا الشبه 😍😍.. م داير ااي شي تاني 😍)