بيت الزار

الجزء 06

رجعت ليكم اتم ليكم شفته شنو تاني

اها مرة عمو كانت لابسة عباية لونا احمر وطربوش زي بتاع الخديوي 😂😂😂 بقت تشبه لي الديك بس قعدته اضحك بعد الحال الانا فيها .. اتمنيت لو تلفوني معاي كان صورتها وفضحتها في الفيس .. وكانت برضو لابسة ليها حاجات كتيرة كدا في رقبتا ما قدرت اشوفا كويس .. يلا بعد شوية مشت علي البت القاعدة في النص دي وبقت تبخر فيها بالمبخر وبعدا بقت تلف علي القاعدين واحد واحد وتبخر فيهم .. تاني جو نسوان داخلات شايلا صينية فيها اكل شكلها ومزينة بالخيوط الحمرا والخضرا ختوها في الارض ومشو .. شفت مرة عمي مشت لي جوه واختفت زي عشرة دقايق وبعد شوية جات جارة معاها خروف معمول ليه زي الحنة في راسو وفي ظهرو خاتين ليه شال احمر وفي قرونو لافينهم ليه بي خيوط حمرا .. وملبسنو حجابات نازلة منو كان عرفتها من ماما لما بتحكي لينا .. بعدها شفتهم بخرو الخروف وجابو البت ركبت فيه ولفت بيه حولي الكرسي سبع مرات .. وشوية قامت النسوان يدقو في الدلوكة ويضربو في الدفوف تم تك تم تك تم تك .. وقاامو نسوان بقو يضربو علي رجولهم في الارض وواحدات قاعدات علي ركبهم وبضربو بي يديهم وبهزو بي راسهم .. وصوت الدلوكة والدفوف بدي يعلا ويذيد زيادة .. مسكتني رجفة وخفته شديد من الحصل ..

ﺑﺸﻴﺮ ﻟﻮﻣﻲ ﺑﺸﻴﺮ ﻟﻮﻣﻲ

ﺳﻮﺍ ﺍﻟﺠﺒﻨﺔ ﻟﺒﺸﻴﺮ ﻟﻮﻣﻲ

ﺍﻃﻠﻘﻮﺍ ﺍﻟﺒﺨﻮﺭ ﻟﺒﺸﻴﺮ ﻟﻮﻣﻲ

ﻗﻮﻟﻮﺍ ﺩﺳﺘﻮﺭ ﻟﺒﺸﻴﺮ ﻟﻮﻣﻲ

دستور دستور

وصوت الغنا والدلوكة بقي عالي شديد .. بعدها جابو طشت كبير .. وضبحو الخروف وخلو الدم يتدفق في الطشت وشالو الاحجبة الكانو ملبسنها للخروف وللبت واللابساها مرة عمي كبوها في الدم .. واشوف ليك البت شالت شربت من الدم دا .. في الساعة ديك غلبني استفرغته قبلي وبطني قلبت شديد .. وبعدها شالو من الدم لخبطوه في وشها وهدوما ورجلينها ..

ما قدرت استحمل المنظر المقرف زحيت وجريت علي جهة الماسورة اغسل وشي وانا ببكي وخايفة.. وصوت الغنا والدق سامعاه جوه قلبي ..

ﻣﻠﻴﻠﻴﻚ ﻳﺎ ﻣﻠﻴﻠﻴﻚ

;ﺳﻠﻄﺎﻥ ﺍﻟﺤﺒﺶ ﻳﺎ ﻣﻠﻴﻠﻴﻚ

تم دق تم دق تم دق

جيت رقدته في سريري بقيت برجف وبتزكر في شكل النسوان البتوقعو في الارض وبرقصو بي هستريا ومرة عمي الشكلها يخوف .. حسيت بي حمي وبرد وبقيت بستغفر وبقرا في السور الحافظاها ونمته دموعي في وشي متمنية اصحي والقي دا كلو حلم ...

يتبع.....