[ Unicode ]
လူတွေကထင်ကြတယ်
ဇာတ်ကောင်နှစ်ယောက်ပေါင်းဖက်သွားပြီဆိုတာနဲ့ ဇာတ်သိမ်းလှပြီပေါ့.......
ထို့နောက် ထို့နောက်ဘာဆက်ဖြစ်လဲဆိုတာ သူတို့မသိချင်ကြတော့ဘူး ......
ဒီဇာတ်လမ်းဟာ ချစ်သူနှစ်ဦး ပေါင်းဖက်အပြီးမှ ထပ်ပြီးကြုံတွေ့ရတဲ့ လောကဓံရယ်ပါပဲ....
~~~~~~~~~~~~~~~~~~~~~~~~~~
" သတ္တံ့ ...... လရိပ်ရော ..... "
ထိုသို့သောမေးခွန်းများကို ကျွန်မဘယ်လိုဖြေရမည်နည်း ........
လရိပ် .........
သိပ်ကိုရင်းနှီးခဲ့သောစကားလုံးတစ်လုံးဖြစ်သလို အခုအချိန်မှာ သိပ်ကိုဝေးကွားလွန်းလှသော ဝေါဟာရတစ်ခုလည်းဖြစ်သည် ။
အနာဂတ်ကိုလက်ချိုးရေခဲ့ရတဲ့ရက်တွေရှိခဲ့ပေမယ့် အခုအချိန်မှာတော့ အနာဂတ်ကိုလက်ချိုးရေဖို့ထက် အတိတ်ကိုသာကျွန်မပြန်သွားချင်နေမိသည် ။
သူမမရှိသည့်အနာဂတ်သည် ကျွန်မအတွက်မျှော်လင့်ချက်မရှိ ၊ ရည်ရွယ်ချက်မရှိ ၊ ခေါင်းစဉ်မရှိ ၊ ပေါက်လွတ်ပဲစားဆန်နေလိမ့်မည် ။
ထိုအကြောင်းအရာများကြောင့် အနာဂတ်ကိုကျွန်မမုန်းပါသည် ။
မရည်ရွယ်ပါဘဲ ........
သူမရယ်သံတွေကိုအမှတ်မထင် မကြာခဏ ကြားရသောအခါမျိုး
သူမခေါ်သံတွေကိုလည်း တစ်ခါတစ်ခါ အဝေးမှလွင့်ပျံလာသလို လွမ်းဆွတ်ဆွတ်ကြားရသောအခါမျိူ းများ၌
သိပ်လှခဲ့တဲ့အတိတ်တွေကိုလွမ်းမိသည် ။
မိဘတွေသဘောတူမှုကိုရဖို့အတွက် ကြိုးစားခဲ့သမျှ
အရာအားလုံးအလဟတ်သတ်အဖြစ်ခံကာ ......
သူမကျွန်မကိုထားခဲ့သည်လေ ။
~~~~~~~~~~~~~~~~~~~~~~~~~~~~~~~
" ရှေ့မှာ .........
အား....... "သူမရဲ့နောက်ဆုံးအသံလေးနဲ့အတူ ကျွန်မအိပ်ပျက်ညတွေများခဲ့လေပြီလေ ။
" ဒီလောက်နှိပ်စက်ရ တော်ရောပေါ့ အရိပ်ရယ် "
ပန်းစည်းဖြူ ဖြူ လေးကိုကိုင်ရင်း သူမအိပ်စက်နားခိုရာ အုပ်ဂူဖြူ ဖြူ လေးရှေ့ တီးတိုးညီးတွားမိသည် ။
ထိုအချိန် လေပြည်တွေနဲ့အတူ သူမကျွန်မကိုနွေးထွေးမှုပေးလိမ့်မည်ဟုမျှော်လင့်ရင်း ..........
~~~~~~~~~~~~~~~~~~~~~~~~~~
" သတ္တံ့........ သတိထားဦးလေ "
လူတချို့ရဲ့အော်သံတွေက ကျွန်မနားထဲကို နားဝင်မချိုစွာ ဝင်ရောက်လာသည် ။
မှိတ်ထားသည့်မျက်လုံးကိုကြိုးစားဖွင့်ရင်း အနီးအနားကိုဝေ့ကြည့်လိုက်မိတော့ ဘယ်သူမှရှိမနေ ........
" သတ္တံ့ ....... အရိပ် ဒီမှာလေ ........ "
ခေါ်သံကြားရာသို့လှည့်ကြည့်မိတော့ .......
အရိပ်.........
ကျွန်မချစ်လှစွာသော ကျွန်မ၏ လရိပ်ချို ..........
" လာလေ သတ္တံ့ ဘာလုပ်နေတာလဲ ? "
..........
ဤအရာသည်အိပ်မက်တစ်ခုဖြစ်လျှင် ကျွန်မဘယ်တော့မှနိုးထချင်တော့မည်မဟုတ် ........
သို့ပေမယ့် .......
ရက်သတ္တပတ်မျှအကြာ ကျွန်မကြားလိုက်ရတဲ့သတင်းတစ်ချို့က ......
ခင်သတ္တံ့တစ်ယောက် accident ကြောင့်ဆုံးသွားပြီတဲ့လေ ။
~~~~~~~~~~~~~~~~~~~~~~~~~~
နေုာက်ဘဝကျ ကိုယ်ချစ်ရသူနဲ့သေတဖန်သက်တဆုံးပေါင်းဖက်ရမည့်ကံမျိုးနဲ့ပြန်လည်မွေးဖွားလာနိုင်ဖို့ဆုတောင်းရင်း ........
#ချစ်သောသူနှင့်ကွေကွင်းရသောဒုက္ခမှစာဖတ်သူများအားလုံးကင်းဝေးကြပါစေ ။
![](https://img.wattpad.com/cover/128402644-288-k660579.jpg)