وأصبحت زينبي

سأعوضك

#وأصبحت_زينبي

بقلمي السيدة العلوية

الحلقة الواحد وعشرون

كانت هذه الفترة ..ايام الفاطمية الثانية ..كان يشاهد اسم الزهراء عليها صلوات ربي اينما

اتجه ..كانت اول خطواته بتجاه حرم سيد الشهداء كفيلة بأن ينكسرقلبه ويرق ..ادمعت عيناه وهو يقترب ليصل الى قريب من الشباك المطهر ليقف

نبضات قلبه تتسارع '' يتعرق خجلا لينتبه لنفسه واقفا بأحدى الزوايا ..جرت الدموع لاأراديا وشعر بأن قلبه قد انتزع منه .. هل من توبة مولاي.. سامحوني جنت بعيد عنكم ..استمر بالحديث شيئا فشيئا بدون ان ينتبه واذا بالجموع من الزوار وبحركتهم الاعتيادية قد حركوه ليصل الى الشباك .. كأنما سيده قد اجابه ليوصله الى شباكه المقدس ..كانت رائحة المكان كفيلة بأن تجعله يذوب من البكاء والشوق

بعد ان هدأت انفاسة..خرج الى الرواق كان هناك مجلس عزاء ..جلس يستمع واسترسل الخطيب يقرأ مصيبة الزهراء ..لكنها لاذت وراء الباب رعاية للستر والحجاب ..لكن عصرت ،،لطم خدها ،،احمرت عيناها من الضرب ،،انبت بسمار بصدرها واسقط جنينها ..تلك الكلمات كانت كفيلة بان تجعل حسن يجهش بالبكاء مجددا ..

عاد الى ملك ،،التي بادرته ببتسامه لم يتوقعها ليرتمي الى حظن زوجته المريضة ..

ملك:عمري مازعلت منك ولافقدت الامل لكن بلحظة جان لازم اعوفك لفطرتك ولسيدتي الزهراء حتى ترجعك الي حسن:حتى بعد اللي شفتيه مني .. ملك حيل كبرتي بعيني ..

ملك: ابدا ماجنت ازعل منك لسبب بسيط لانك جنت غركان وماتعرف الطريق واللي جانو وياك يصورولك فعلك حلال ..

سولفلي عن زيارتك .. اكو ازدحام لو نكدر نروح سوية بس بس...

حسن :بس شنو لاتخافين اني وياج ..

ملك:خذني بالكرسي المتحرك ..

حسن :ان شاء الله.. كان الوقت التاسعة ليلا .. تجهز الزوجان ..حسن اكو مكان اريد من نوصل يمة اسولفلك ليش حبيت العباية.. اكملا الزيارة ووصلا الى المخيم فستغرقت ملك بالبكاء خصوصا عند خيمة السيدة زينب ... كان حسن خائف عليها ..

ملك: حسن اوعدني ..

حسن:بشنو ..

ملك:ابد ماترجع بعد لذاك الطريق وابد ماتخليني انزع عباتي ..حسن عباتي هي اللي حفظتني الك وهي الطريق الوحيد حتى اوفي حق اهل البيت ..

حسن ممازحا :اني خلاص حبيت وحدة ثانية وهي اللي ممكن تطلبين منها مو مني .حبيتها وكلبي انكسر بس من سمعت اللي صار عليها .. تعرفيها....

ملك بأستغراب ودلال : منو حسن ..

حسن:وتكولين اني ذكية .. طلبتج منها وطلبت تحفظج انتي والطفل واني وعدتها ..أكون زينبي..

انتهت