وأصبحت زينبي

أنت ورطة

#وأصبحت_زينبي

بقلمي السيدة العلوية

الحلقة الثامنة

الام:حبيبتك !!منو هاي

حسن:شنو ياحجية جاي تراقبيني ..

الام:مثل ماسمعت منو هاي ..

حسن:وحدة يمعودة وحدة اتسلى وياها شبيج سويتيها فلم

الام:حسن اتقي الله وعوف هيج امور ماتنفعك والله تضرك

حسن:علمود هاي جيتي يمة لو اكو شي ؟؟

الام بفرح :لكيتلك العروسة المناسبة

حسن بأستهزاء:ليش انتي جنتي تحجين صدك !!

الام:اكيد ماجنت اتشاقى والعروسة هي ملك''

حسن:العقد !! ملك المعقدة ''ليش يمعودة هاي العقد تزوجيها اللي ..تصوري يوم اللي رحت اجيبها من الجامعة لكيتها لابسة عباية ضليت خجلان منها ..واني اباوع على بنات الكلية ولبسهن اللي يخبل وهاي لابسة عباية

الام:شكلت هسة !!

حسن:افكر .. واردلج خبر

يومان وحسن يفكر

(امي اذا مااتزوج راح تضل تلح ..مابية حيل الملحة اوافقلها واخلص وشراح يصير هي وحدة وتضل يم أمي واصلا شراح تفرق بحياتي ..حبيبات وعندي وونسة وطلعات ..)

حسن :يمة اني موافق على ملك

كان الخبر مفرح جدا للام

ان صديقك اما ان يكون دليلك للجنة او ان يغويك ليصل بك لجهنم

معتز:وراح ينسجن ابو علاوي

مروان:يضحك اي والله ولك مو هذن البنات والطلعات شبيك يحظي

حسن:ماتسولف على روحك اشو ثنيناتكم متزوجين

معتز ودخان الاركلية يخرج منه :اي ماتشوفني جاي انصحك ..

بعد عقد القران جلس حسن وملك للتحدث على انفراد من العائلة

ملك:مبروك حسن

حسن:الله يبارك بيج

ملك:حسن عندي سؤال ووو

حسن:ووو شنو كولي

ملك :انتة مقتنع بية ؟!

حسن بتردد وتأخر بالاجابة : اي ..اي اي اكيد وبداخله يقول(انتي ورطة تورطت بيج)