وأصبحت زينبي

مولع باللعب

#وأصبحت_زينبي

بقلمي السيدة العلوية

الحلقة الاولى

انا أسمي حسن ..سأخبركم عن قصتي ..مثال لكل شاب بعيد عن الدين والجادة الصحيحة كنت انا .. فتيات وسهر هنا وهناك ..دخان وشراب حرام والى اخره من الذي ممكن ان يتوقعه اي شخص عن شاب مثلي ..احيانا نتوقعة ان ما يختارانه الوالدان خطأ واننا على حق هكذا كنت اقتنع..

الام:حسوني يمة اريدك بشغلة

حسن بتململ:كولي!!

الام :عندي فد مشوار يم الدكتور تاخذني وبالرجعة نروح لبيت خالتك .

حسن بضحكة مصطنعة:تدللين يمة

أمي امراءة متدينة حنونه جدا ونيتها بيضاء ..

حسن:يلة يمة استعجلي وراية مشوار مهم اوديج واطلع ..

الام :لعد والدكتور منو يرجعني

حسن :كولي لعلي ابن خالتي يرجعج

عند وقت الغروب .. عادت الام مع ابناء أختها .. جلسوا سويا مع الاب يتسامرون ويضحكون

الاب بحسرة يهمس لزوجته:احسن من ابنه كعدوا ويانه وماملو من عدنا ..

الاب :علاوي شعجب ماعندك تلفون مثل كل الولد هالايام وين مايمشون بيدهم مايملون

علي:عندي عمي بس مااهتم بي الا من احتاجه

..خالة هسة لازم اترخص وراح ابقي يمج ملك حتى تداريج ..

قاربت الساعة الواحدة ليلا ليعود حسن ..