وأصبحت زينبي

أكمل نصف ديني !!

#وأصبحت_زينبي

بقلمي السيدة العلوية

الحلقة السابعة

حسن ينظر لامه ..وهو يراها مترددة في ماتريد ان تقول ..

كولي حبيبة قلبي

الام:شوكت تكمل نص دينك ؟!

حسن بأنزعاج واضح:كولي سجن كولي كأبة كولي تقييد لحريتي

الام:وليش هيج قابل كل المتزوجين هيج ؟!

حسن :كل اصدقاء المتزوجين يلعنون الزواج وبصراحة ماريد اقيد روحي .. ثم وين اكو بنات شريفات

الام بصوت عالي:دخيلك ربي ليش تكول هيج مو كل اصابعك سوى لاتحجي على اعراض الناس..

حسن:يمة دنزلي للشارع الله يخليج شوفي شلابسات شوفي كلامهن ..الوحدة منهن تلكينها تعرف عشرة

الام:اسكت ولاتفتح هيج أمور وياي ..النماذج اللي تحجي عنها هيج توافق اللي مثلها ..الطيور على اشكالها تقع ..

حسن كي ينهي النقاش :يلة خوش عود بس تلكين وحدة مثلج اقبل ..قالها ليس عن اقتناع بل لكي ينهي كلام لم يعجبه

نعود لزينب وملك ..

زينب :ملك باركيلي انخطبت لابن عمتي ..

ملك :هذا احلى خبر..تستاهلين اجيج اني وماما حتى نباركلج ..

اتصلت ام حسن بملك ..

ام حسن :ملوكة بنتي عندج شي اليوم لو تكدرين تجين وياي للدكتور..

ملك :حتى لو عندي ماابخل عنج بوقتي ..

في غرفة الانتضار ..

ملك:صدك خالة تدرين بزينب انخطبت والله فرحتلها..خطيبها خوش ولد ..

ام حسن:يوم اللي الج ..ملك شنو رأيج بحسن ؟

ملك بتعجب :من شنو مثلا هو ابن خالتي واخوية

الام:لااا ملك اني ماالكة وحدة تصون أبني مثلج

ملك:لان بنت اختج موووو

الام:لاااا لانج ملتزمة وصاحبة دين ..

وانتهى الحديث .. لتعود ملك للبيت ..

ربي دائما جنت ادعي انه تجعل حسن من نصيبي وجنت دأئما اطلب هالشي بصلاتي ..لكن مااعرف ليش قلبي يوجعني واحس بأنقباض..

الام بعد ان دخلت غرفة حسن ..سمعت حسن يتحدث مع فتاة لكن كلامهم جدا بذيء ..

وقفت امامه ..حسن خلص المكالمة بسرعة

حسن:يلة حبيبتي مع السلامة ..