بتقوليهو قوم شوف امل كبرت و بقت عسل والله يا ولدي عاجباني عجب ، انت كان ما دايرة بخطبا لي نادر ، قاليها امي هوووي البت دي من صغيرة شينه و مجلحه و علي العليها سمرة ، انا داير لي وحدة كدا لون وجمال ، يا امي باختصار بت اختك دي م بتنفع معاي ، طبعا انا سمعت كل الكلام دا ، الحيوان الما بيسوي مليم يقول عني انا كدا شافني وين هو وحات الله يا مختار الكلب اندمك واخليك تسف التراب سف ،
امه ردت ليهو بضحكة ، قالت ليهو ليك حق تقول كدااا بس علي العموم لمن تشوفها ما تغير رايك وتجي تبكي لي يا امي اخطبيها لي ، اتفقنا ؟ قاليها هأ اتفقنا طبعاً ( بأستهتار)
طوالي دخلت ل لمياء قلت ليها انا حنزل تحت ، قالت لي انتظري ولا انتظرتها ،نزلتها
مشيت لامي قلت ليها انا صدعتا يلا نرجع ، قالت لي لسة شويه ، قلت ليها يلا عليكي الله ، قالت لي طيب ، لحظة ،، كلمت خالتي و خالتي اصرت انو نبيت ، انا رفضتا و اتمسكتا بي كلامي وسمر برضو رفضت ، المهم رجعنا البيت ، و من غير ما احس رفعت راسي لبلكونةجيرانا القصادنا ، م لقيت حاجة حزنتا كدا ، بس المؤثر فيني اكتر انا م عارفه دا شنو الاحساس داا
طلعنا غيرناا ، طبعا دي غرفتي براي لكن سمر بتقعد فيها اكتر من غرفتا ، المهم جاتني و بقت توزيني في فساتين لخطوبتا وكدا ، و انا ذوقي صعب صعب صعب شديد ما اي شي بيعجبني ، المهم قلت ليها كلهم ما حلوين او بمعني اصح م كنته مركزة معاها ، لمن مشت طوالي طلعت البلكونه و جريت الكرسي و قعدت عاينت اكتر من مرة كان مافي ، لمن بطلت اعاين ، و بقيت بلعب بالتلفو ..
فجاه سمعت صوت بسبسة ، اصلو ابيت اتلفت قلت اكيد م لي ، لمن الصوت زاد رفعت راسي و شفتو ، ابتسم لي ابتسامة لحد ما اموت ما حنساها ، رغم كرهي للرجال ، لكن دا غيرررر حاجه غير ، حتقولو لي غير في شنو ياهو راجل دقن و شنب زيهم ، بس م عارفه كل الحكايه اني بحب اشوفو شديد ، بعد شفت ابتسامته ، طوالي قبلتا منو وبقيت عامله فيها مشغوله بتلفوني ،
و هو سكت و واقف شايفاهو بطرف عيني و ما فكرتا ادخل كلو كلوو ، قعدت مسافه لمن نعستا قريب الفجر ، فجاه جدعني بمشبك ّطوالي وقفتا ، و عاينتا ليهو بغضب كدا ، ودخلت اتوضيت و صليت و نمته ..
يوم السبت ، جاتني تقي ، قالت لي تعالي اشربي الجبنه ، قلت ليها فللي ، كلمت امي و اتشطفتا و عملت كعكه و لبست التوب ومشيت ، وانا طالعه لمحت زوووولي زاتو واقف قدام بيتهم و معاهو صحبو ، بس م رفع عينو فيني نهائي ، انا كمان مسكت دربي و مشيت ،، بخبط ف الباب مافي زول فتح ، بخبط فتح لي اخوهم الفتح لي المرة ديك ، مد لي يدو قلت ليها معليش م بصافح ، البنات جوة صح ؟ قال لي ايوة ، خشيت وريحه البخور والجبنة تسوي كدي 👋 انا قاعده قصاد الصالون والبنوت في وشي ، اشوف ليكم اخوهم دا يأشر من بعيد و انا عامله فيها ما جايبه خبر ، اصلو م رفعت راسي ، نطط و اتشقلب ولا جبت خبرووو ،
انتبهتا بطرف عيني انو ماسك حاجة ، الشمار رفع لي راسي ، عاينت لقيت ....
.
.
.
.
.
لمن رفعتا راسي لقيت ، المجنون دا شايل ورقه كبيرة مخطط فيها اسم امل بالخط الرقعه و جميله جمال بهرتني ، استغربت فيهو و ابتدا يأشر لي = تعالي
قلت لتقوي انتو اخوكم دا اسمو منو ؟ قالت لي منو بالضبط انحنا ماشاءالله عندنا خمسه ، قلت ليها اصلووو ما معقول خمسه ماشاءالله بس ما حصل شفتهم ، قالت لي اي طافشين البيت دا بجو للنوم ، قلت ليها طيب الفتح لي الباب دا اسمو منو ؟ قالت لي الفاتح ، قلت ليها عشان بيفتح الباب يعني ههههههه قعدو يضحو ، قالت لي دا روشه ما تركزي معاهو ،
قلت ليها ثمح ، تاني ما عاينت ليهو ولا اشتغلت بيهو ، استاذنت منهم ورجعت البيت ، و جايه داخله بالسفنجة والتوب والحاله ديك اتفاجأت بالصالون مليان رجال ، يا ربي اخش من وين ولا ارجع محل كنته ، بقيت بتاوق عرفت انهم اهل مهيد و اظن اصحاب عبودي ، الليله وووووب اخش كيف بخلقتي دي ، بقيت ماشه وجايه زي المتار ،
اذ فجأتاً القي صاحب عبودي داك جا طالع ماسك سجارتو ، وحاتكم قايلني عبرتو ، ولا كأنه قدامي ولا ركزت معاهو ، بس بقيت ماشه وجايه وماشه وجاية ، قال لي يا خاله انتي مضيعه حاجه ؟ طبعاً غاظني غيظه ولا رديت ، و بفكر ادخل كيف خجلانه خجل ، قال لي يا خاله ، وووب دي شكلها النوع التقرب من اضانا وتقعد تصرخ ،
دنقرتا شلتا لي حجر قلت ليه والله كان ما سمتا بفلقك ، عمل لي كدا 😳 ، انا زاتي احترت انا مالي جنيت ، وثم تانياً ما ادخل كدا هما جاين يخطبوني انا و لا يخطبو سمرر ، جرجرتا التووووب و بقيت داخله ، ودا واقف قال بقول البت دي مجنونة ، رجعتا عاينت ليهو قلت ليهو قلت شنو ما سمعتك ؟ قال لي اضانك خزلتك ، قلت ليهو سمح ، و دخلتا و وشي في الارض وخاته التوب في وشي ، قلت سلاااام و فللي علي الاوضه ، مشيت لامي في المطبخ ، قلت ليها البيت دا مالو مليان كدا ؟ قالت لي م شفتي زول في الصالون وانتي داخله ؟ قلت ليها خشيت جري عشان بالتوب ، قالت لي طيب مفاجاه حلوة ، امشي ودي ليهم الصينيه دي وتعالي وريني شفتي شنو ، قلت ليها دقايق اللبس ، لبست و شلت الصينيه ، و دخلت ختيتا و سمعت صوت راجل بيتكلم و قلبي دا عمل شششششح ، وووواي من المفاجاه ما بصدق ما بصدق ، لقيتو ابوي حبيبي ( محمد ) جريت عليهو في حضنو والله ولا اشتغلت بالضيوف ، ابوي دا حته من روحي بالجد و فعلا زي ما قلت ليكم مدلعني شديد .. سلمت عليهو وقعدت جمبو ، و ابتدو يتكلمو في العرس وما العرس وان ابوي اجازتو بسيطه ، قامت ام مهيد ، قالت ليهم طيب العرس للاختين في نفس الفترة عادي امهم ؟
انا رفعت راسي ، اختين منو ديل ؟ ابوي قال لي رايك شنو انتي عندك مشكله ؟
استككانة 💚~
يتبع .....
VOCÊ ESTÁ LENDO
انثى من عالم اخر
Romanceو كلما أحتضنني المووت ، طالت علىّ الحياه .... روايه انثي من عالم آخر واقعيه بأحداث معدلة ... بقلم / سحر سمير انتظرونا يوميا السابعة مساء
