النهوة

Untitled Part 24

الجزء24
بقلمي السيدة العلوية
يعني بين فترة وفترة اروح للبصرة وارجع ..عمر الطريق ماجان مشكله ان طال وان قصر
اليوم ليش الطريق لبغداد من كربلاء هيج ..اتمنى الطريق يخلص اريد اشوف سلوى .. اريد اعرف رأيها ..خفت فعليا من فكره ان تتركني وتترك نور وبيتنا.. صير قوي عقيل واصبر..

وصلت متأخر للبيت لكيت بس امي كاعده..ونور يم سلوى ونايمات..يلة عقيل ان الله مع الصابرين..

سلمت على امي ونمت ..الصبح اول الكاعدين اني..فعلا ملهوف لكن للاجابه بس ..لكيتها بالمطبخ ..
عقيل:صباح الخير
سلوى: صبا..اا..ح الخير هسة اكمل ريوكك..
عقيل(يامسكينه لعد شكد مسببلها رعب اني بحيث بالكوه تجاوب،، وفجأه واشوفها لابسة جفوف وتسوي الاكل): ههههه ليش لابسة جفوف؟؟ تخافين على ايدج

سلوى(دخيل الله هذا يضحك اليوم..اكيد متوهمة اني ):علمودك لبستهن ولو هن صعبات واحد يشتغل بيهن

حاجبي مرفوع ومستغرب :ليش يابه علمودي
سلوى: انتة تكول اني مو نظيفة وكمت استعملهن من اسوي الاكل..
غصة صارت بصعوبة كدرت ابلعها..شكد جارحها اني ..تشتغل وتخدم ابوي وامي وبنتي واني هيج سممتها بكلماتي..
ردت اطلع من المكان واذا اشوف نور لازمة برجليه ..حبيبة عمري..
سلوى(اعذروني باللي راح اكوله لكن فعلا اغار من اشوف نور تلعب وية غيري):هااا عيني ..من شاف احبابه نسى اصحابه ..نور شوفي ! وطلعتلها النساتل مالاتها..
بسرعة نور تركتني وركضت لحظن سلوى وماكدرت اتمالك نفسي من الضحك لهذا درت وجهي وطلعت من المكان ..خفت لاتروح هيبتي وصلابتي كدامها..
بقيت اضحك بالحديقة وفرحان بتصرف سلوى.
بعد الفطور وفترة الضهيرة ..صليت وكلت خل اتوكل على الله..

عقيل:سلوى تعالي عندي سالفة وياج..
سلوى:كول عقيل..
عقيل:كلما احضر اكول شي يروح من بالي..سلوى اكو واحد تزوج وحده حبابة وخلوقة وجانت حياته سعيده كلش