الجزء19
بقلمي السيدة العلوية
مابالنا نعتقد ان كل الامور تحل بالعنف والقسوه..ان الغضب مدخل من مداخل الشيطان للانسان..يعمي ابصارنا ويجعلنا نتخبط ونتصرف بطرق خاطئة اذا استمعنا وانصتنا لنفسنا الامارة بالسوء..
♡سلوى♡
اطلب من منو يسمعني! لااب ولااخ ..اخ يتركني بهيج وضع وهيج حاله..مافكر يسأل عني ولافكر يسمع مني..
وفجأه واني مستسلمه لدموعي وحسيت بأيد ناعمه :ها حبيبتي وبعدها شفت عمتي.
الام: سوده عليه يمه ..شبيدي اني ..والله ماراضية على عقيل لان هيج جاي يسوي ..
سلوى:عقيل ماعليه صوج ..الصوج بابن امي الي خلاني هيج حالي..
الام:لا يمه ..لاتكولين هيج ..
مرت الايام عادية جدا .واني مجرد وحده اخوها شمرها عند بيت عمه..لافكر يسأل عني ولا فكر يكول ..عقيل جان يجي ويروح ومن ذاك اليوم قررت ابد مااتواجه وياه واحاول اختفي اثناء وجوده..الحمدلله نجحت وحصلت شهاده ثالث متوسط وبديت اقرأ وكانت تسليتي القراءة .بديت اوصي بنت جيران عمي والحمدلله كانت الكتب والقراءة ..حسيت شخصيتي تغيرت وتمنيت اكدر اكون شجاعة وادافع عن نفسي
مرت سنتين واني عند عمي ..لاعمي اليحجي ولا اخويه بيوم شفته..شلون اكدر اسامحكم ..شلون اكدر اغفر ..ربي انت حسبي ووليي ..
الام: سلوى تحبين نروح اليوم للحنه مال بنت ام حسين؟
سلوى: اتمنى بس اخاف من عمي وعقيل..
الام:معليج اني اترخصت من عمج ..
دخلت للحنه مال البنات..تمنيت روحي مثل كل بنية ..استقر واخلص من محنتي..بقيت فرحانه وقررت انسى كل وجع مر بحياتي ..اول مرة افرح ..
فجأة واجت جارتي ام حسين سألتني عن سلوى وجانت تريدها لابنها علي ساعتها ماعرفت شأكول وشأحجي
الام(جنت اراقب سلوى ..المسكينه ليش هيج جاي يصير بيها..لازم اشوف صرفة وية الحجي )
بيومها رجعت واني كلش فرحانه باللي شفته وهوسه البنات..
YOU ARE READING
النهوة
Romanceحين تجرد من ادميتك وتصبح مسخا بيد التقاليد الغير مفهومة تجد نفسك دمية بين براثن تعسف وهمجية وتبتعد عن الانسانية هكذا وجدت بطلتي نفسها بين يد تقاليد بالية وبين قلب يحمل كل الحب والامنيات
