النهوة

Untitled Part 6

الجزء6
بقلمي السيدة العلوية
محمود: وهذا منو ؟؟ وانتي شمدريج!! شنو تطلعين من وراي؟!لو احد اجه؟
هناء: والله يامحمود تدري بية مااطلع ومااعصيلك كلمه اني هيج اهلي علموني وربوني..بس هذا ابن عمي حسام!!

حسام! ابن عمها؟ ووو... لا لا ياربي دخيلك ..الحكلي يارب ..معقول اخوي يشمرني هيج شمره..لا ااا مااوافق حتى اصير اني واخوي ..وبلا شعور ولا وعي واذا بي اصرخ:مستحيل نجوم السما اقرب من هالشي؟؟
اخوي بقى متحير لتصرفي ومنتضر اكمل واذا بالطامه الكبرى تحدث
هناء: تتزوجين وغصبا عليج فوك ماتوسلت بي!!
محمود: تتوسلين ؟؟ليش بوية شصاير احجن !!

حينها توقعت اللي راح يصير وبقيت بس اباوع لاخوي ومرتبكه اكول لولا!! شهالورطه يارب..
باوعت بنظرات توسل لهناء بلكت تسكت وماتجرح اخوي ..

تخاف الله فيهم وهم ابعد وابعد عن طريق الله..اي ارادة تلك تجعلنا نتوقع ان بيدنا مصائر غيرنا..نظلم فيهم ونؤذي فيهم وكانما نحن بعيدون عن سلطه الله عزوجل..
اي شقي هذا الذي يفكر هكذا ؟؟لا بل هو الشقي من هو هكذا ..

لكن هناء ماوكفت عن مخططها الشيطاني(والله الا اتغده بيج واخلص منج ياسلوى بس اصبريلي): باوع محمود مو فوك زينيتي هيج اختك تكول ..اني لازم اكلك ع الشفته بيوم روحتك لبغداد'' شفت سلوى واكفة وية حسام ابن عمي وتسولف وتضحك وياه واني لو مااخاف على سمعتك ماهيج اسوي وانزل روحي واتوسل حتى يستر عليها '' تاليها هيج يصير ..

لم يمهلني الوقت كي اتنفس بكلمه ..بحرف واذا بالضربات تتوالى ..دموعي تصب صبا ..صح كان يضرب بجسدي ووجهي ..لكن مالها روحي هي التي تتألم..ماعلاقة روحي بتلك الضربات..ياابن امي مهلا فقد كسرت روحي ..ان الشخص عندما يضربه احدهم يحرك يدا او جسدا لكي يدافع عن نفسه ..يحاول ان يدفع عن نفسه الاذى لكن انا كانت الضربه الاولى كفيلة بان تصدمني