الجزء 18
بقلمي السيدة العلوية
بديت اشتاق للبيت لان سلوى خلت للبيت صوت وحركه وجنت مرات اكعد العب وية نور لكن حتى استمع لكلامهم ..فقط هذا جان اسلوبي ونسيت شغلة النهوه وعمري مافكرت بيها ..
▲سلوى▲
كانت عمتي بوقت امتحان التمهيدي توديني وتبقى وياي لحد ماارجع الى يوم ماجنت متوقعته ..عمتي صبحت مريضة وضهرها يوجعها ..
الام:يمة سلوى اليوم روحي للامتحان بوحدج مااكدر اوديج اليوم اني لان ضهري حيل يوجعني..
سلوى: بس بس شلون اخاف ..
الام:صيري سباعية وهو اليوم اخر امتحان بس ها ديري بالج تسولفين وية غريب لو تصعدين وية احد روحي بالباصات ..
●□عقيل●□
كنت فرحان راح ارجع للبيت لان خلص المشروع وانطوني اجازه اسبوع كلت اسويها مفاجأه ..وصلت للبيت ..
عقيل:نور حبيبتي ..حبيبة بابا ..
الام:هلة ومية هلة ..الله يساعدك يمه ..
عقيل: تسلمين يمه فدوه حضريلي غده جوعان كلش بينما اسبح وانزل ..وين نور لعد ..اكيد يم سلوى ..الام:هااا اي نايمة..(الله يستر بس لا يدري وتوكع بيها المسكينه ..ربي دخيلك)
صعدت وغيرت ملابسي وكنت فرحان انه راح اشوف سلوى وكلت اغير اسلوبي ويايها لان شفت نور شكد متعلقه بيها ..يلااا بلا سوالف خل انزل..
صادفت نزلتي ودخول سلوى للبيت ..عيوني بقت مستغربة المشهد ..ليش سلوى طالعة ؟ وين جانت !!شدايصير!اقتربت منها وجريتها من عباتها وفقدت اعصابي..كنت عبارة عن نار من الغضب
وين طالعة حضرتج ومنو سمحلج تخطين بره البيت جاوبي ..ومستمر بضربها
سلوى:بالامتحان جنت وخلصت ورجعت والله عمه تدري ..
عقيل:امي تدري يعني اني هيج بالبيت ..بصعوبة فلتت من ايدي وركظت ختلت ورى اميامي :يمه عقيل اتعوذ من الشيطان والله البنية اني اوديها واجيبها وبس اليوم ..
ماانتبهت لكلام امي ..
كان اول مرة اسمع صوتها وحيل اذتني ..ماعرفت خفت عليها لو شنو..
:عقيل عليك الله والله ماسويت شي ..ياعباس الحكلي وغطت وجهها بايدها خوفا من تتابع ضرباتي
تركتها وصعدت لغرفتي..
YOU ARE READING
النهوة
Romanceحين تجرد من ادميتك وتصبح مسخا بيد التقاليد الغير مفهومة تجد نفسك دمية بين براثن تعسف وهمجية وتبتعد عن الانسانية هكذا وجدت بطلتي نفسها بين يد تقاليد بالية وبين قلب يحمل كل الحب والامنيات