#فصليه_ملوك

14 والاخيرررر

#فصليه_ملوك
#الجزء14_والاخيرررر
#بقلمي
ام آيه
#اماسي_الليل

عسل:كمل دوامنه ورحت ويا رضاب وفتنه بمطعم وجان رومانسي وهادئ والاضاءه خافته،كعدنه ننتظر ايهم..
مصطفى:رحت ويه ايهم الهوسه وامري لله، فتنا للمطعم جان مكان كلش هادئ ورحنا على ميز واتفاجئت بعسل..
ايهم ورضاب:باعوا من الاخير احنه مرتبين وضعنا والحمدلله..بس هذا اللقاء رتبنا الكم حتى تحلون سوء الفهم لان حرامات تتطلكون..واحنه نعرف بسالفتكم كلها..ورايحين نكعد على ذاك الميز بين متحلوهاااا.
عسل:تفاجئت بالي حجو ايهم ورضاب والي فاجئني شلون عرف معقوله رضاب كالته بسيطه اذا هيه ..
مصطفى:فرحت بتصرفهم وجنا محتاجين نكعد وحدنا ونكشف اوراقنا..بس رغم هذا اني ادري بيها كلبها مو يمي
مصطفى:شنو عسل راح تبقين ساكته..
عسل:شنو احجي اني ماعندي شي جديد كلشي على حطت ايدك من عفتك، بس الي استجد انقبلت طب بالبصره..الدور والباقي يمك الي هوايه تطورات صارت بحياتك.
مصطفى :مثلا شنو ست عسل؟
عسل:والله انت ادره دكتور
مصطفى:ليش تلفين وتدورين ليش متدخلين كبل وتتركين الالغاز..انتبهت عليها تباوع على حلقتي طول الكعده.
مصطفى :اني راح احجيلج من اول يوم طلعتي من البيت،عفتيني وجنت شبه انسان ميت لان اكتشفت اني حبيتج بذيج الفتره مو تعويد وانتي نفس الحاله هم حسيتج تبادليني المشاعر.
بس اني قطعت عهد على نفسي لازم اتغير علمودج وتحبيني باارادتج مو الظروف جابرتج
قررت اوكف على حيلي اول شغله بعت البيت صح جان كبير بس قديم وبدون فايده واشتريت بمكان ثاني بغير منطقه وبنيت احلى بيت يليق بنت الملوك
مصطفى:كمت اداوم ساعات اضافيه بالمستشفى وجتني ترقيه وزاد راتبي وحصلت رخصه وفتحت عياده بالفلوس البقت من البيت وردت اصير دكتور مشهور تتباها بي بنت الملوك
من فتحت العياده تحسنت ظروفي والحمدلله اخذت سياره صحيح بالاقساط بس الحمدلله دادفع اقساطها بدون تعب
يعني بالمختصر المفيد غيرت نفسي علمود اليق بيج ومتحسين انوا انتي مرتبطه باانسان معدم
عسل:طبعا هو يحجي واني دموعي تجري لان كلامه كله بحب
عسل:كلتلك من قبل عمرها الفلوس متسعد الانسان..كلامك اثربيه وبدليل دموعي تصب بس كل هذا ميبررلك زواجك الثاني واني على ذمتك
مصطفى:ظليت مصدوم يازواج بابا؟
عسل:اني من اجيت للبصره جنت متلهفه على شوفتك وطلبت من عمتي تجيبني لبيتكم،وخطيه مكذبت خبر ودتني ورحنا البيتكم بقينا ندك بالباب وماكو محد يطلع،اخر شي طلعتنه حجيه وكالت يمه الدكتور اخذ زوجته وشال لبغداد،حتى اني استغربت وكتلها خاله انتي متوهمه خاف ماخذ امه وجاوبتني امه توفت وشال هو وزوجته
انقهرت على وفاه خاله بس حبي الك تحول كره وحقد
مصطفى:تحجي واني اضحك بداخلي،اولا امي الحمدلله حسها بالدنيا وثاني شغله اني بعت بيتنا لدكتور ويايه بالمستشفى جان باقي هنا بس علمود امه الحجيه ومن توفت شال لبغداد
اثاري حاقده عليه عبالج مزوج هههه
حبيبتي هاي الحلقه الي بايدي هيه حلقتج واني لبستها حتى دائما اتذكر اني مزوج ومافكر بغير وحده،وحتى بالمنطقه الجديده وصيت امي تكلهم مزوج وزوجتي تدرس بغداد...
عسل:مااعرف شنو احجي انت صدمتني ،انت اروع انسان صادفته بعمري،بالمناسبه اني ماعندي شخص ثاني بس حبيت اضوجك..
مصطفى:ضحكت ادري لان ايهم كلي ممرتبطه كالته رضاب...
عسل:لزم ايدي وحسيت روحي ذابت بلمسته واجوي المراقبين يركضون ويضحكون وحضنتني رضاب ومصطفى كام وحضني كدام الناس بدون خجل وكلي انتي مرتي وماعوفج طول العمر..
عسل:من طلعنه اخذني لبيتهم وفتت شفته كلش حلو وخاله شافتني وبجينا اثنينا ونوفولي كبران وصاير خوش شاب..
اخذني مصطفى وصعدني فوك للغرفه وفتح الباب والغرفه شكلها يجنن ابيض وكلها مرصعه بفصوص فضيه
عسوله هاي غرفتنا،تقبلين تبقين ويايه..
بجيت وحضنته كتله شلون اعوف روحي.
مد ايده بجيبه وطلع سلسله كلش نازكه ولبسنياها ودنك على رقبتي وباس مكان اللدغه وذبت،دفعني على الحايط وظل يتامل شفايفي بنظراته وباسني لاول مره واحساس عمري محاسته بس حسيت رجلي متشيلني وراح اوكع..
مصطفى:بعد مااتحمل ثارتني شفايفها وكوه لازم نفسي وكتلها امشي ننزل لان راح اتهور..
بقيت يمهم للعصر ورحت للبيت ،خابرت ماما وسولفتلها..
كملت امتحاناتي ورجعت لبغداد وحجيت ويه بابا ورحب بكل الي مسوي علمودي،واتفق يجيب خاله ونوفل وياخذني مثل اي عروس من بيت اهلي
اجه حبيبي وعقدنه بالمحكمه لان جان عقدنا مال سيد ،ومصطفى طلب من بابا اطلع بفستان ابيض وزفه من بيت اهلي..
#اماسي_الليل
اجه يوم العرس واجه حبيبي لابس قاط وهو يخبل اسرتني عيونه من اول نظره..شافني انبهر لابسه بدله بيضه والطرحه
مصطفى:شفتها راسا سميت بداخلي لان طالعه لعابه ،صعدنه بالسياره دنروح للفندق شاورتها اليوم العب بيج لعب..اوف اموت على خجلها..
وصلنا الفندق حاجز يومين وامي ونوفل رجعوا بيت عسل لان الشيخ ميقبل يباتون الا بيته..
عسل:يمه مصطفى الهادئ اليوم غير واحد نظراته تخوف ومتهوره الله يستر
مصطفى :وصلنه الغرفه وبالباب شلتها وذبيتها على الجربايه ومددت يمها وبديت ابوسها داطلع اشتياق الماضي...
وراها كامت البنيه منتهيه ساعدتها ونزعتها البدله ولبست سيت ابيض يجنن وخرت الروب اريد اتمتع وهيه خجلانه ...
طلبنه الاكل وبديت اوكلها واسمعها كلام حب وغزل واحرجها .،اكلي حبيبتي ورانه شغل للصبح.
عسل:دمرني بكلامه يجنن ورومانسيته هاي وين جان ضامها..بس اني ميته من الخجل بس احبه واموت عليه..
عسل:غسلنا ورحنا نمنا وعفته على راحته لان يستاهل حبيبي ،تمت المهمه بسلام وعيشني ليله من الاحلام..ولو احنه كل ليالينا جانت من الاحلام..
داومت مرحله ثانيه وصرت حامل وشرف ليوثي حبيبي وتولت تربيته خاله لان اني ملتهيه بدراستي وحبيبي ابد معافني جان دائما يساعدني..
ايهم ورضاب تزوجوا ومصطفى ساعده مادياا علمود يفتح عياده وتحسنت ظروفه ورجع المبلغ...
اتخرجت وجبت بنوته تشبه حبيبي نفس العيون وسميناها ملاك..وحبيبي اشتهر وصار دكتور مشهور
واني اتعينت بالمستشفى وتخصصت نسائيه..
وعشنا عيشه سعيده..
 

تمت قصتنا والحمدلله..
المعنى من قصتنه انو العجز هو الي يكسر الانسان بس بالطموح نكدر نغير اصعب الامور...
نصيحه لتعيشون بالظن ونقيس الامور من زوايانا لازم نصارح الي نحبه حتى منخسر بعض...
🌸🌸🌸🌸🌸🌸🌸🌸🌸
تمت القصه  اتمنى تكون نالت رضاكم واستحسانكم..منتظره ردودكم وانتقادكم للقصه واعذروني من الاطاله
مع حبي