#فصليه_ملوك

6

#فصليه_ملوك
#الجزء6
#بقلمي
ام آيه
#اماسي_الليل

عسل:اتنهدت يعني راح يبقون يعاملوني بجفاء كم يوم الما يروحون...
ام مصطفى:حبيبتي عسل انقلي غراضج وغراض مصطفى بغرفتي لان راح تنامون بيها سوه كدام الخطار واني اخذ غرفة مصطفى لان بيت اختي ينامون بالهول...
صار خاله ادللي ..كلش ارتاحيت وياهم ولا عبالك اني فصليه ناس طيبين وحبابين ورغم بساطة عيشتهم بس كلش مثقفين..
مصطفى:تعالي عسل للغرفه...
اول مره يصيحيني مصطفى جاوبته واني مرتبكه جايه وراك..
مصطفى :خالتي ميعاد عدها بنيه اسمها جنات
عسل:قاطعته وبدون ارادتي كتله تحبها
مصطفى:استغربت من قاطعتني وسألتني، لامو حب بس اعجاب بس هيه تحبني حاس بيها من تصرفاتها
عسل :المطلوب مني شنو اقوي رباط الحب بيناتكم..عزه اني شبيه اشو انفعلت هسه شيكول الولد..
مصطفى :ضحكلي بمكر شنو غرتي لازم
لايابه على شنو اغار هو اني بعد 3 اسابيع واروح لااهلي ،مو لو غيرت قرارك..
لا طبعا بعدنا على العهد وانتي متتحملين عيشتي واني انسان بسيط ورغم اني دكتور وبعدني مفاتح عياده ومستقل وراتبي يادوب معيشنه وانتي بنت ملوك انولدتي وعشتي بقصور...
عسل:بقيت ساكته وبكلبي لو يدري شنو الي دحسه تجاهه وحاسه نفسي بديت اضعف كدام عيونه،
تدري مصطفى السعاده متنشرله بالفلوس اهم شي النفوس وعفته وطلعت..
مصطفى :سطرتني بكلامه شنو تقصد ..
عسل: نظفنا البيت اني وخاله ومصطفى كمل الطلبات وثاني يوم جان موعد وصولهم للمطار ساعه 6 المغرب لان يجون بالطياره من اربيل لمطار البصره وراح مصطفى يستقبلهم..
خاله كالتلي يمه البسي الوان حلوه انتي عروس ولتتقيدين بلبسج لان بس اختي وبتها جايين..
عسل:صار خاله تدللين،طبيت سبحت واتعطرت ولبست تراكسوت اسود والاكمام حمر والسترابلس احمر وسويت ظفيره صفح وبشرتي صافيه وبحكم عيالي حزانه مااكدر احط مكياج..
رحت على خاله اخذت رأيها اذا ميعجبج اغيره..
لايمه يخبل صلوات عليج الله يحفظج ابقي لابسته..
اندك الباب وطلع نوفل واتصور همه الي وصلوا..
فات مصطفى وبيده جنطتهم ودخلوا وصرت كبال مصطفى بقى صافن عليه وابتسملي ..
سلمت على خالتهم ميعاد جانت حبابه مثل خاله بس خاله مبينه كلبها طيب اكثر..
جنات فاتت وصافحتني وبطارف عينها تباوعلي
شلونج ، شنو اسمج؟؟
نوفل صاح اسمها عسوله(اول مره يدلعني نوفل)
تشرفنا عسل وبطارف خشمها تحجي.
جاوبتها الي الشرف عيني.
حطوا غراضهم بغرفه مصطفى القديمه الي هيه مالت خاله حاليا..
وبين مابدلوا وارتاحوا اني كملت العشا ومصطفى ساعدني وسكف السمجه..
عسل: مصطفى اليوم انت فرحتك متنوصف عيني
مصطفى:افهم قصدها واضحك ومغلس،ليش يابه عسل خانم..
بهالاثناء طبتلنا جنات وعيونها مبين عليها غيره وحقاره...
جنات:شلونكم على الزواج اكيد متنسجمون ومراح يحبج مصطفى لان انتي فصليه والفصليه تصير مذلوله وميحبها رجلها وعيالها..
عسل:بقيت ساكته ودمعتي حايره ومعرفت شنو اجاوبها
مصطفى:جنات ماله داعي هالحجي ،
عسل تره السمجه كملت اذا تريدين صبي
عسل:صار،احجي وصوتي مخنوك
مصطفى :حسيت عسل حيل انغثت من وره جنات المغروره ومن كلامها واباوع عليها طول العشا مدنكه واكلت قليل...
مصطفى:والله الا اخبلها لجنات واشوفها عكس ماكالته، بله اني شلون جنت معجب بجنات يمكن جنت معمي على عيني رغم هيه كلش جميله،بس قلب عسل الابيض غلب وكلب كل الموازيين...
مصطفى:عسوله وره هالسمجه يرادلنا جاي مهيل وثكيل من ايدج...
عسل:بقيت صافنه بوجهه اول مره يدلعني ،اكيد هيج يسوي ديثير غيره جنات لان هو معجب بيها.
كمت دااسوي جاي واني مفرحانه بالدلع لان دلعني حتى يشعل الغيره بكلب جنات حبيبته..
جنات:هذا اشو هيج يعاملها شنو معقوله يحبها..
سويت الجاي وعزلت المطبخ وجنات يمي وحجيها كله تفاهات..
مصطفى :داجي للمطبخ وبالصدفه سمعت جنات دتسال عسل وكالتلها انتي ومصطفى ازوجتوا زواج حقيقي لو بعدكم؟؟ واعرف عسل راح شراح تجاوب فلازم ادخل بسرعه واحلها.
عسل:انصدمت من سؤالها معرفت اجاوبها ويه ما داحجي دخل مصطفى..
مصطفى:عسوله كافي عيوني تعبتي اليوم هوايه وانتي ظهرج يوجعج خاف تطلعين حامل..
عسل:صخام هذا ليش هيج يحجي لازم تخبل ادري هو مو من مصلحتهم يبينلها احنه متزوجين زواج حقيقي، معقوله لهالدرجه رايد يخبلها.
#اماسي_الليل
جنات :وجها كام يكلب الوان وبعد متعرف شنو تجاوب..
كملت المطبخ وجبت صينيه الفواكه وقدمتلهم كلمن ماعون كدامه ،واني طول الكعده عيوني تراقبهم ،جنات مشالت عينها عن مصطفى وهو ولايمها بالعكس كل شويه انتبه يباوعلي واني اغلس
ظلينا نسولف وتعللنه وخاله ام جنات كالت لمصطفى يحجزلهم عكب باجر لااربيل ..
راسا مصطفى وخاله جاوبوها بعد وكت ليش مستعجله..
ام جنات:والله عفت ابو جنات مريض والولد ميدبروها وهاهيه مادام اطمئنيت عليكم وشفت العروسه ومبينه بنت اوادم هاهيه ارجع لبيتي ..
عسل:اشكرج خاله
فرشت فراشين بالهول لجنات وامها وسلمت وكلت تصبحون على خير ورحت للغرفه..
اول مفتت جنت حيل مرتبكه شلون راح نام بغرفه وحدي ويا..شفت مصطفى يكلب بتلفونا ومدد على الجربايه ..