#فصليه_ملوك

3

#فصليه_ملوك
#الجزء3
#بقلمي
ام آيه
#كروب_اماسي_الليل

طلع عمي مهند معصب وابنه الحقير مثله قتيبه ديفور ويغلي لان ميكدرون يكسرون كلمه بابا ..
اني وناديه وعلوش رحنا للبستان نركض ومتونسين
وشويه وسمعنا صوت طلق وراها تعالت الاصوات والصياح اشتغل...
رجعنا نركض لان صوت الطلقات قريب كلش..
وره شويه انكلبت الدنيا يمنا بيت الشيخ وبده العياط وكالوا قتيبه ابن عمي مهند انكتل ...
قتيبه: من طلعنا من بيت الشيخ اني قافل من وره عمي ومعصب ودار نقاش بيني وبين ابويه كلش حاد..
قتيبه:يابا ترى اخوك هوايه مستصغرك واني احسك تضعف كدامه ومالك راي
مهند ابوقتيبه: احترم نفسك لا اخاف منه ولا شي بس اني صدك جرت على عمتك وهذا ميصير ولو مو زن امك العكربه ورايه وكبرتها براسي مجان وصلت الامور هيج..
قتيبه: لخاطر الله كافي والله اليوم اسويها عزه واني اعلمه لااخوك الشيخ
ابو قتيبه:سد حلك وامشي على كيفك مو طاير بالسياره  وتسوق بخبال ..
يمعودد قتيبه هوبك هوبك الرجال طشرته..
نزلنا اني وابويه نركض ولني رجال يطلع نهايه الخمسينات غركان بدمه دعمته من عصبيتي وسرعتي...
نوفل:عمري 15 سنه سمعت سياره شحطت باب بيتنه وصوت احد اندعم وطلعت اركض وشفت ابويه طامس بالدم وبلا وعي طبيت جبت سلاح ابويه وضربت الولد ابو السياره طلقه براسه وكومته
ابوقتيبه:وكعت بالكاع من شفت قتيبه انكتل كدامي وراها محسيت بروحي اغمى عليه...
اجتي العالم تركض لبيت الشيخ سلمان.. وصلنا الخبر وانكلبت الدنيا وعمي مهند بالمستشفى صارت عنده جلطه وصار بي شلل نصفي...
مصطفى:عمري 26 سنه دكتور متخرج صار فتره واداوم بمستشفى بالناصريه من عائله فقيره بس متعففه والدي انسان بسيط عنده محل غذائيه مطلعه من البيت يادوب مطلع اللكمه وبيتنا بسيط بس ملك وعندي اخويه اصغر مني اسمه نوفل والدتي امرآه تملك من الطيب والحنيه مالايوصف تخيط ملابس للعرف...
من فتحت عيني على الدنيا وشفت حالتنا وبساطتها قررت اجتهد واتفوق واجيب معدل عالي حتى اصير دكتور واساعد اهلي والحمدلله ماخاب املي وجبت معدل وانقبلت طب البصره وصار 3 سنين تخرجت واتنسبت للناصريه وبعد فتره انتقل لمستشفى البصره...
شويه بدت احوالنا تتحسن لان صار عندي راتب واساعد بجزء بسيط ويه عائلتي ..وامي جبرتها تترك الخياطه لان صار عدها دسك(سوفان بفقراتها العنقيه)بسبب المكينه...
اني بالمستشفى ودك تلفوني
امي الحبيبه يتصل بك..
هلو يوم شلونج حبيبه
مصطفى الحكلي طفت شمعة بيتنا وكامت تبجي ومفهمت شي
الو يمه وينج شكو شصاير
خابرت على خالي الجبير
خالي شلونك شكو شصاير شبيها امي
عزاني خالي وفهمني السالفه واجتي على راسي مثل الصاعقه وطلعت بوجهي للبصره وكلبي نار على ابويه ...
اخذنا عزا والدي وكملنا الثالث والتموا عمامي وشيخ عشيرتنا وراسهم والف سيف يقتلون الثاني لان يكولون هذا حكنا.
اني ادخلت لان اتصرف بعقل وكلتلهم اني صاحب الشان ولهنا وكافي اولا صارت قضاء وقدر وثاني شغله زين من العالم عافوا نوفل واعتبروا طفل ومحروك دمه على ابوه...
كافي دموم لخاطر الله
شيخ عشيرتنا:شبيك انت شدتخربط شنو احنا دافنين راس بصل هذا زلمه من عشيرتنا وموش اي عشيره تريد اتضحك علينا الوادم والعربان ..
انت لاتتدخل احنه ناخذ الثاني وشيصير يصير..
مصطفى :شيخنا لخاطر الله مو هيج تحلها لا الله ولا كتبا يرضوها ترى كلشي ولازهق النفس..
شيخ عشيرتنا:خوشن يالربع عندي حل يوقف الدم
جاوبه عمي :شنوه شيخنا نطلب فصل فلوس يعني؟؟
شيخ عشيرتنا:لايبعد اخوك احنا دم زلمتنا مايشترة بالفلوس..راح ناخذ مره منهم فصليه لا ابنه الدكتور مصطفى..
مصطفى:شيخنا كلامك على العين والراس بس اني اعترض ...
شيخ عشيرتنا:شني تعترض اذا مايعجبك كلامي نرد على الاول وناخذ زلمه ثاني والخلقك..
عمي:مصطفى وليدي نرضه بفصليه المره ونوقف الدم لان شيخناا مبين قافل
مصطفى :حسبنا الله ونعم الوكيل الي تشوفوا صح سووا..
مصطفى:الي فهمته بعدين انوا شيخنا عنده حك يم شيخ عشيره قتيبه الجد(ابو سلمان) الي توفى ويريد يكسر خشمهم..
#اماسي_الليل
ابن شيخنا راد امل بت الشيخ ابو سلمان من قديم بس رفضوا لان جان ابن الشيخ يشرب وابو نسوان ..
والشيخ ابو سلمان نطه بنته الوحيده لفلاح فقير بس جان صايم ومصلي ويخاف الله..
فشيخنا اعتبرها اهانه الهم انوا فضل لبنته الرجال الفقير على ابن الشيخ...
اجتمعوا شيخنا وعمامي بمضيف الشيخ ودزوا على شيخ سلمان وربعه...
واجوي لبيت شيخنا وصارت كعده ورست بالاخير ناخذ مره فصليه منهم..
وقبلت عشيره شيخ سلمان...بس شرط عشيرتنا
لو ياخذون بنت شيخ سلمان لو ينكتل ابن الشيخ الجبير...
شيخ سلمان انصدم ونضرب براسه شلون انحط بموقف محرج وهو شيخ واليطبقه على الناس لازم يجرى عليه..ونحط بين نارين لو يضحي بنته الوحيده عسل لو يخسر فلذه كبده الى الابد
نطه رأيه الشيخ سلمان بقبول فصليه بنته...لان اذا يخالف ينطرد وميصير شيخ لان يعتبر كسر اعراف وقوانين العشاير...