#فصليه_ملوك

الجزء الاول

فصليه ملوك
الجزء الاول
بقلمي همسات الليل(ام آيه)

الساعه 6:00 صباحاا..دق المنبه⌚
عسل:اصبحنا واصبح الملك لله ، اللهم افتح قلبي على حبك ونور طريقي ووفقني في حياتي وسهلي كل صعب في امتحاني وانطيني معدل عالي على كد تعبي..
اني عسل طالبه صف سادس علمي متفوقه جدااا اتمتع بخلق وشكل جميل والحمدلله..
عايشه مع اهلي والدي اسمه سلمان استاذ جامعي بكليه القانون بالجامعه المستنصريه وبنفس الوقت شيخ العشيره واستلم الشيخه من جدي الله يرحمه وهمه من عائله مرموقه ومعروفه ويملك مئات الدونمات الزراعيه والاسواق التجاريه في البصره..
والدي طموح جداا،كمل دراسته بغداد وعاش فيها وجان يروح للبصره بالعطل ..وبما انه هو الكبير فااستلم الشيخه بعد وفاة جدي وبطلب من العشيره.
حاليا احنا مستقرين بغداد بس من يستوجب الامر وجود والدي بالبصره يترك كلشي ويروح..
امي حبيبتي تصير بنت خالة ابويه تزوجها عن حب صغيره صف ثالث متوسط..اخذها ويا لبغداد وساعدها تكمل دراستها وصارت مدرسه لغه عربيه ..
احمد  مرحله ثانيه لغات وعلوش صف خامس ادبي احلى اخوه الله وهبهم الي..
الام:تعالي عسل تريكي وروحي للمدرسه هاي امتحان البكالوريا ولازم تاكلين..ماماتي مااشتهي سويلي لفه واشتري عصير من الحانوت واكلها قبل ماطب الامتحان بعد مالحك اجتي مريم..
صباحوا مريومه اشو بوكت
هلو عسوله لاعيني نفس وكتنا بس تلكين نفسج التهيتي تراجعين بالدروس  ..نابغه
يولي والله اراجع واشوف نفسي ممسيطره
الله كريم ان شاءالله نخلص ونجيب معدلات عاليه ياربي
امين عسوله ولو اني ادري 70 اكثر شي عندي 😊
لا مريومه ربج يسهلها ترى البكلوريا جنص والله كريم..
لج باعي هذا ابو السياره الحلوه هم اجه وشوفي شلون يباوعلج راح ياكلج عسل..
يمعوده عوفي اني بالي وين وانتي وهوه وين..
طبعااا اني منتبه عليه صار سنه ومن اشوفه تتحرك مشاعر بداخلي بس اني بالي بالمعدل..
اني سيف مرحله ثالثه بايولجي احب بنيه ساكنه ويانه بالمنطقه صار سنه ويوميه امشي وراهم قبل لا اروح لكليتي ..جذبني الها جمالها واخلاقها وما فديوم التفتت وتمضحكت بالشارع..اني كلش معجب بيها وناوي احجي وياهااا قبل لتكمل سادس ..واليوم نويت ..
لج عسل وخري راح يدعمج حيل كسر علينا
عسل وبنتر متكلي شبيك عميت راح تدعمنا
وكفت السياره ونزلت..
صباح الخير اني اعتذر واسف مو بقصدي..من الاخير ..اني سيف ومعجب بيج جدااا واني صار سنه اراقبج واخلاقج عجبتني وجايج من الباب ورايدج على سنه الله ورسوله..
دنكت ومحجيت شي بس بداخلي ردت اطير من الفرحه..كتله اني امشي برأي اهلي وعفته ومشيت..
عافتني ومشت والي افتهمته هي ماعدها اعتراض واهلها اصحاب القرار...
لج عزه بعجينج عسل شكد مبخته منا متفوقه بدروسج ومنا بت شيوخ ومرتاحه ومنا كبل حبج وخطبج بدون لعب .
شبي حضي اني بالدراسه زفت ومروان ابن خالتي شالع كلبي بسوالفه ويوميه يكولي هالاسبوع اجي اخطبج وماكو نتيجه..
دولي مريم على شنو حاسدتني،امشي بابا خل نلحك الامتحان...
سيف:رحت لكليتي ورجعت كلتلها لاامي على عسل وكيفت لان اني وحيدها على 4 بنات وكلهن مزوجات..وكالت العصر اروح اني وبيبتك نفتح وياهم الموضوع..
رجعت من الامتحان فرحانه كلش لان جانت اجابتي ممتازه ومنا كلام سيف ظل يدك براسي،لا لا عيني التهي باامتحاناتي هسه اهم..
صار العصر ندك الباب وفتحه اخويه علوش طلعوا نسوان اثنين جايين على امي وطببهن واستقبلتهن امي ..
عسل:دخلت ام سيف بالموضوع وكالتلها لاامي ابني طالب جامعي وابو تاجر كبير وميسورين والحمدلله، يعني نفس مستوى اهلي..وجايين نريد بنتج ..
امي رحبت بيهم وطلعوا عرف وكلتلهم نشرف بيكم بس اشور ابوها واخوانه...
قضوا العصريه يم امي وطلعوا ...وراها صعدتلي امي والابتسامه متر..
ها عسوله تشتغلين كله دفن
شكو ماما شبيج
اجتي ام سيف خطبج لاابنها
الصدق تفاجئت متصورت هيج مستعجل وجدي كلش ..عزه هسه مريم تنجلط وتضربني عين ترجعني قرن..
سولفت ويه امي كلشي بصراحه وهيه تصدكني لان اكو ثقه زرعوها بيه من الصغر ..
امي حجت ويه والدي وطلع يعرف والده واخوتي عرفوا سيف وكالوا حيل خوش ولد وماعنده لازايده ولا ناقصه...#اماسي_الليل
امي وره يومين خابرت على ام سيف وكالتلها احنه نتشرف بيكم ..بس ابوها يكول نتمم الموضوع بعد اسبوعين من تكمل امتحانات عسل لان هذا مستقبل وماريدها تلتهي...
كمت اشوف سيف يوميه وتطورت علاقتنا بتبادل النظرات والابتسامات.
هالمره اجه مشي مو بسيارتا واني داامشي نطاني ملزمه وبيها ورقه...
اني تفاجئت وارتبكت وبنفس الوقت فرحت..
مكتوب
(سلام على من دخلت القلب بدون استأذن وتربعت في حدائق عمري ودخلت الاوطان...
هذا رقمي واتمنى تتصلين بيه اليوم ساعه 10 وصدكيني مااخذ من وقتج الا القليل...المتيم سيف)
مريم:نزول عليج شلون ساطره الولد سطر ..راح تخابري مو؟؟
والله ماادري يعني مبي يصبر مبقى غير كم يوم ويصير شي رسمي..
دنجبي عاد كافي تبيعين مثاليات خابري الولد اكيد عنده شي ضروري..

#الكاتبه
همسات الليل (ام آيه)