Moonsky: Secret of the Lost Kingdom

[35] Roaming Geas Agua ( Part 2 )

"Ayos ka lang bhe?" Tumakbo papunta sa akin si Klaria habang si Azura nakalevitate sa staff niya papunta sa akin.

"Ayos lang ako, sa snow naman ako bumagsak eh. Pag sa bato talaga, gugulpihin ko si Ice." Sabi ko at pinagpagan ang sarili ko, dinispell ko nalang ang mga snow na nasa paligid ko nung nag si-ski ako.

"Ambait mong ate, saya." Ani ni Azura, tinarayan ko nalang siya.

"Ayun na yung bahay!" Sigaw ni Coralline at tinuro ang isang malaking nipa hut. Nagpatuloy kami sa paglalakad habang nags-snow skiing parin si Ice.

Tumigil kami sa harap ng isang nipa hut, mataas ito at may hagdan paakyat sa pinto nito. Umakyat si Coralline at kumatok.

"Archmage Phril? Aaaarchmage Phril?" Patuloy parin sa pagkatok ng pinto si Coralline.

Bumukas ang pinto ng konti at may sumilip na lalaki na mukhang nasa 40+ ang edad, anak to siguro ni Archmage Fril? Phil? Phril!

"Altas Coralline?" Ani ng lalaki, binuksan niya ng malaki ang pinto. Mukha siyang nasa 40+ na tao.

"Coralline nalang po." ningitian ito ni Coralline.

"Anong meron at napadaan ka dito ,  at tila'y marami kang mga kasama. Mga kaibigan mo ba sila? Ngayon ko lang sila nakita." Pagtatanong ng lalaki kay Coralline, sumilip siya sa labas at tinignan kaming lahat.

"Hindi lang ho ako ang kaibigan nila, kaibigan sila ng buong Geas Agua." Ani ni Coralline, ningitian naman namin nung lalaki. Mapaghinala masyado eh.

"Halikayo at pumasok sa loob muna." Ani nung lalaki, isa-isa kaming umakyat sa hagdan at pumasok.

Malaki at malawak ang loob ng kubo nung Archmage, punong-puno ito ng mga decoration   sa pader. Tulad ng mga nakasabit na magical items, mga amulet, wand, magic stick, chakrams at necklace na may crystal.

"Umupo muna kayo." Ani nung lalaki, at pumunta siya sa... kusina? Umupo kami sa isang kulay aqua green na C-shaped na sofa.

"Andaming magical items nung Archmage, saan kaya siya nakakakuha ng mga item katulad ng amulet?" Pagtatanong ni Klaria at tinititigan niya ang bawat item na nakasabit.

"Sa mga naging mission niya dati, kapag hindi ginto ang ibinibigay sa kanya bilang reward, mga magical items." Sagot ni Coralline, napatango si Klaria.

Teka lang... Asan yung sinasabi ni Coralline na pinakamatandang aeryan dito sa Geas Agua?

"Coralline?" Kinalabit ko siya, napalingon siya sa akin at tila sinasabi ng mukha niya ay 'ano yon?' "Asan yung sinasabi mong pinakamatandang aeryan dito sa inyo?" Dagdag ko.

"HAHAHAHAHAHAHA!!" Tumawa siya ng malakas, napatingin sa kanya ang iba. Luh, tinawanan lang ako ng gaga. Gawin ko tong taong ice cube eh. 

"Bakit anong problema?" Tanong ko sa kanya, hinintay ko muna siya matapos sa kanyang laughing session.

"Yung lalaking nakausap ko, siya si Archmage Phril. Siya ang sinasabi kong pinakamatandang Aeryan dito sa Geas Agua."

EH?!

"I-ilang taon na siya?" Pagtatanong ni Ice, natawa na naman si Coralline. Seriously, parang nakahithit silang tatlo nila Stella at Azura today.