الناس جو لخطوبة... والحصل والما كان في الحسبان ....انو الرجال بعد جو لخطوبة قعدو مع بعض ....ولاقو محمد حاج وقبيلتو ....واهل التومة الرجال ....قاموووو كدا .....واتفقو برة علي عقد .....ايوة عقد..... وجابو المال مية مليوووون .....ومعاهم حلاوة وبارد كمية ...والدبل للعرسان ....كويس انو سعادة سمعت كلام ناس سبأ....سبأ قالت ليها ناس السفر ديل غالبا بعقدو ....عشان ما اهجموك .....ختي حسابك ياسعادة علي عقد ...لانو سبأ حصل معاها كدا.. وبنات الحلة ماااقصرن جيهن سعادة ....واجرن ليها فستان اسود بسييييط وظريييف .....وشالن ليها ايدينا ورجلينا بالحلاوة......ورسمن ليها الحنة ..... لزوم التصوير لخطوبة وكدا .......ماكانن قايلات فيها عقد .....بس اللبسة صراااحة كانت عسسسسسل .....وفكو ليها شعرا ....وسبأ بتعرف تمكيج ظبطتا ليك ......وسعادة مشاءالله عندها كل موهلات الجمال ..... واسم الله عليها طلعت عسل ....وجا عيسي عم سعادة للتومة........ قال ليها الناس ديل برة دايرين اعقدو..... اها رائكن شنو؟ ....التومة قالت كيف الكلام دا ؟؟؟؟النسوان فرحن وقالن جاهزات ....التومة اترددت واتوترت.. بس اختا فاطمة .. قالت ليها قبيييل وريتك ناس السفر ديل كدا ... بقولو خطوبة ويهجمو الناس بعقد ....والتومة بعد الحريم اتكلمن معاها... قالت اشوف صاحبة الشأن اووول....وفعلا دخل محمد حاج والتومة علي سعادة ....وكان معاها البنات..... ويلا سألوها تقبلي بالعقد ؟؟.....سعادة اتهجمت و سكتت....التومة قالت ليها سعادة يابتي عارفة يعني شنو عقد؟..... يعني يابتي تبقي مرة راجل ... يعني ممكن في ااي لحظة بعد العقد اسوقك معاهو ...وتبقي ست بيتو في ااي لحظة ......وسعادة اتوترت لما تلجت...... وابوها قال ليها الناس منتظرين....... لو موافقة امش انادي مأذون الحلة ...سعادة دنقرت وقالت لابوها البتشوفو انت يا ابوي ...رد ابوها لالاا يا بتي..... دي الحاجة الوحيدة المابقدر اشوفا انا ....التومة قالت ليها خلاص يابتي ردي علي ابوك.....انتي دايرة وضاح راجل وابو اولاد ليك...... سعادة خجلت وضحكت ...ابوها ضحك وقال ليها علي خيرة الله..... التومة دمعتا جرت ... .وقالت ليها حتبقي عروس يابتي.... وحضنت سعادة وعصرتا عليها ...وطلعو هي ومحمد حاج ....كلمو الناس البت موافقة ونحن كمان...... يلا جا الماذون .....وتم العقد..... والبنات سريع سريع صلحن لسعادة الميكب والاكسسوارات علي وضع عقد........هههههه وطلعت بعد العقد علي النسوان..... بعد جا داخل وضاح بالبنطلون الاسود والقميص الابيض بارك لسعادة وطلعا برة.....وكان شاكي يعني قاطع نص ....وحالق حلاقة مشاءالله.... والجزمة والساعة باللون الاسود ..ومع حبة جمال سيدنا يوسف داك...مع الطول والوجاهه طلع مشاءالله ....جا سلم علي سعادة وهي بترجف .للعرسانتة برة قعدو لبسو الدبل .....والزغاريت داكو...صادف المادح محمد حسن الماحي ....كان بالحلة جا مع الفرقة لي حولية شيخ بالحلة ...... ويلا واعد ونمارق عملوها وهمة واتفقو مع المادح علي اليوم دا ....واصلا المادح خلص من ناس الشيخ ومسافر بنفس يوم العقد راجع الخرطوم.....بس قعد ليهم ......وكانت ربة مديح ظررريفة .......والناس مبسوووطة.... قالو يلا شهر واتم العرس .....واتحركو بليلهم داك .....الا وضاح قعد بتحرك بكرة... معاهو واعد ونمارق وامو كمان قعدت .....يلا ناس السفر قدر ماقعدهم...اسافرو الصباح ...ابو اقعدو.... و قالو ماف طريقة ابيتو....وسافرو .....وناس الحلة مشو بيتم بعد المديح الكااارب داك... بس فضلت ام وضاح ...وحوا... ونمارق ....والتومة بتونسن جوة البرندة....ومحمد حاج في الديوان معاهو واعد واخوان نمارق بتونسو ...وفي الحوش خلو العرسان اتونسو حبة لاووووول مرة ....سعادة خجلانة خجل ....لانها اول مرة تقعد تتونس مع راجل غريب .....واكون راجلا .... وضاح بالفرحة حسا سعادة دي ماقاعدة في الكرسي قاعدة جوووووة قلبو ......وبشاغل فيها ومبسوووط .....وهي تتبسم .....قال ليها مبروك علي انتي ...قالت ليهو بخجل الله ابارك فيك ....قال ليها شفتي القدر ظريف كيف؟ ....رفعت سعادة راسا حبة.... وبابتسامة برمت عينا ....وقالت ليهو كيف؟
