سعادة بالليل جاها مغص شديييييد حماها النوم .....والتومة ومحمد حاج قالو الا يودوها المركز الصحي .....وفعلا طلعو الشارع التومة قالت ل محمد حاج اصلواصلو مابتدور اللوري ....انا مابدورو مابدورو ...ولاااا بركبو مكجناهو عدييييل ....محمد حاج هاج في التومة وقال ليها نان اجيب ليك هسي ليلي علوي من وين ؟.. . البت تعبانة يامرا ارح .....مابتتلصقي فيهو اللوري دا بتنزلي منو..... وبعد تنزلي تاني ماتركبي زاتو😡....التومة حلللفت .....قالت ليهو البت ذاتا عندها مغص يعني مابتقدر تطلع الشئ العااالي في السما فووووق دا .....سعادة قالت ليهم يلا انا تعبانة شديد بمش بكرعيني انشاء الله بس ارحكم .....والتومة قلبها علي بنيتا بس كمان بتخاف تركب اللوري....واتفقو اركبو رقشة ااي عندهم رقشات في الحلة زي تلاتة اربعة كدا ...يلا محمد حاج قال ليهن خلاص انا بسبقكن امش اشوف ود اللمين دا عندو رقشة بقرشا فوق البيت امشي ليهو وانتن اتقدمن وراي .....واتقدم محمد حاج قدامن ... التومة مسكت بتها وبقت تقول ليها اها ماخفة عليك المغص حبة ياحشاي .......سعادة قالت ليها والله يا امي سكاكين بتقطع فيني جوة ......ردت التومة اتصبري ياسعادة ود اللمين ضمان بتلقي ....ابوك بجيبو هسي وبنصل المركز .....اول ما لفن اللفة الاولي وفي اللفة التانية .....شافن من هنااك عربية الشاب الوسيم جاية عليهن.....التومة قالت ليها واااي داااك ضيف ناس حوا ياريت لو ابوك قريب كان كلمو اوصلنا ....سعادة بقت تفتح يالله تشوف كلام امها صح زي المامصدقاها .....وفعلا شافت العربية .وقربت العربية عليهن..... التومة لمحت الشاب معاهو راجل راكب قدام ....اجي .....العربية وقفت جمبهم ....التومة شافت الراجل الراكب قدام محمد حاج اجي ....ونزل من العربية ....وبقول للتومة ارح اركبن لقيت المبروك دا جمب بيت حاج ابراهيم راجل حوا.....و قال بودينا ربنا يجزيهو خير....التومة بقت منططة عيونا قدر الهجمة .....وسعادة زي المغص زاد عليها .....والشاب ماسك الدريكسون وعامل وضعيعة ابتسامة عريضة اتهجم وعرفن ديل ناس الشكلة القبيل بس سكت....ومحمد حاج بقول ليهن يانسوان مالكن متنحات كدا ارح اركبن ...وفتح ليهن الباب ورا ...وركبن الاتنين التومة سلمت علي الشاب ....رد عليها اهلاااااااان وسهلا رد معرفة ....والتومة عرفت الشاب دا الليلة بفضحا مع محمد حاج بقصة الشكلة القبيل.....محمد حاج قال للشاب دي التومة مرتي وسعادة بتي ...ومحمد حاج استعدل في قعدتو وقفل الباب ....وقال للتومة ...دا وضاح ياسعادة اخو واعد راجل نمارق بت حوا .......وضاح رد اهلا ياخالة وربنا اكتب السلامة ....سعادة خجلت وقالت في سرها غايتو ابوي بكون عملا وفضحني مع الضيف.....والتومة خااايفة وضاح اجيب سيرة عن الشكلة القبيل قدام محمد حاج ....بس كأنو وضاح قرأ افكار التومة ....لما وصلو ماجاب السيرة كأنو ناسي القصة....ووصلو المركز ....التومة نزلت سعادة ....ومحمد حاج نزل بشكر في وضاح وقفل الباب وبقا اشكر فيهو ...بس وضاح قال ليهو بنتظركم .....محمد حاج رفض ليهو انتظر.....وقال لوضاح كتر خيرك وصلتنا ياولدي... هنا بنلقا رقشة... من جمب المركز ماااصعبة ..... بس وضاح اصر انتظرم....والتومة بقت تأشر لمحمد حاج وهي في مدخل المركز بتناديهو استعجل اجيهم لانو القروش معاهو والبت تعبانة ......وفعلا جاهم دخلو المركز للدكتورة .....وماطولت شديد مع الدكتورة كتبت ليها حقنة مسكنة...... وسعادة من طعنوها الحقنة رقدت مسافة ....التومة قالت لي محمد حاج ....الولد ضيف مشيت شحدتو اوصلنا وكمان انتظر عيب عليك ياراجل ....محمد حاج برم عينو للتومة وقال ليها يا مرا هوي كيفن شحدتو انا مشيت لي ود اللمين فوق البيت ولقيتو مافيش ورقشتو مقرشة بالبيت....ولما طلعت اشوفو بورا البيت علي الدكان.... لقيت وضاح خاتي ليهو كراسي بالشارع وقاعد ومعاهو ود اللمين زااتو وكم ولد ....سلمت عليهم وقلت لي ود اللمين قوم ودينا المركز بتي عيانة ........ود اللمين قال الرقشة قاطعة سلك نص ...من قبيل والا دفروها دفر حتي جابوها الحلة ودخلوها البيت جوة ....قلت ليهو ود بلال رقشتو معاهو بالبيت ....قبل ارد علي ود اللمين .....وضاح قال لي ارح ياحاج بوصلكم انا المركز.....انا ماشحدتو براهو والله ....واصلا هو بعرفني.... اتلاقيت معاهو في سوق الخضار كمممم مرة مع حاج ابراهيم وعرفني عليهو .....سعادة حست براحة بعد الحقنة قامت اتقلبت ...امها وابوها عينو ليها ...سالوها بقت كيف بعد الحقنة ....قالت احسن شوية ....التومة قالت ليها يلا قومي نمش تمي رقادك فوق البيت .....الولد من زوقو جابنا مايبقا دمنا تقيل ونتأخر عليهو .....يلا .....وفعلا سعادة نزلت لبست سفنجتا وصلحت طرحة العباية وطلعو .....وضاح كان بتكلم بالتلفون شكلو كان خاااالط ....اول ماشافم قربو عين لسعادة .....وقفل الخط ونزل سلم عليهم في يدينم ....وركبو وصلم البيت .....وشكروهو .....ودخلو نامو تاني يوم .....
يتبع....
