راسين في الحلال ©️ كاملة ✅

الفصل السابع

الفصـــل السابع :

تعجب آيــــاز مما فعله رامي ، وأمسك بقدح الشـــاي وقربه من فمه ليرتشف منه بضع قطرات قبل أن يتشدق بـ ...

-آياز متسائلاً بفضول : عملت كده ليه ؟

-رامي مبتسماً ابتسامة زائفة : عـــادي يعني

-آياز بنبرة شبه جادة : عادي ازاي ؟ في حد يدفع حساب واحدة مايعرفهاش ، ومعاها أصحابها كمان ، ويقول ده عادي ، إلا إن كان الموضوع فيه حاجة

-رامي بهدوء مصطنع : ماتحطش في بالك يا إيزوو

-آياز بعدم اقتناع : أووكي ..

أســـند آياز قدح الشاي أمامه ، واستدار برأسه للجانب ليلمح تلك التي قابلها في المدرسة ، فقطب جبينه ، و...

-آياز لنفسه متسائلاً بجدية : مش دي البنت إياها

استمع رامي لصوت غمغمة غير مفهومة تصدر عن آياز ، فحدجه بنظرات دقيقة ، و...

-رامي بهدوء : انت بتقول حاجة ؟

-آياز بنبرة غير مبالية : لأ عادي

-رامي مبتسماً ابتسامة مجاملة وهو يغمز له : برضوه

-آياز مبتسماً ابتسامة عريضة : بالظبط ، محدش أحسن من حد

-رامي بنبرة متريثة : لو خلصت يا ريت نقوم

-آياز بهدوء : اووكي ، I am done ( أنا خلصت ) ، يالا

أشــــار رامي للنادل بإصبعيه لكي يحضر إليه ، ثم همس له بكلمات غير واضحة ، فأوميء النادل له موافقاً ، ومن ثم نهض الاثنين عن الطاولة بعد أن وضـــع المبلغ المطلوب لفاتورة الحساب بداخل الحافظة المخصصة لهذا ...

تابعتهما عاليا بنظرات ضيقة ، وتنهدت في ارتياح حينما رأت رامي يبتعد .. و...

-عاليا وهي تتمتم لنفسها بنبرة شبه فرحة : كده أحسن

قطبت ســـارة جبينها في حيرة حينما رأت تبدل ملامح عاليا للانفراج ، و...

-سارة متسائلة بفضول : في ايه يا بنتي ؟ انتي بتكلمي نفسك ولا ايه ؟

انتبهت لها عاليا ، وحاولت أن تبدو طبيعية في انفعالاتها ، و...

-عاليا بهدوء مصطنع : لألألأ .. أنا بس بافكر بصوت عالي

-سارة بعدم اقتناع : بتفكري !! في ايه يعني ؟

-عاليا بنبرة شبه متلعثمة : في آآ... في الشغل ، واللي .. آآ... والحاجة يعني المطلوبة مني

-سارة وهي توميء برأسها إيماءة خفيفة : أهـــا ...

-عاليا بجدية وهي تشير بعينيها : البنات جوم ..