[DEEWAAR- The wall of Love] ✔ J.Series

-12-

*Huzbaan: Assalam-O-Alaikum!
Azaan.*

Main apna kaam krne main msroof thi jo exams ki tyari ke hawale se tha.Koshish kr rhi thi ke tawajja du aur prhu.Kiuke ab ye impossible ho chuka tha.Apa ne jbse mjhe btaya hay ke mjhe Sajid se jldi shadi krni pregi mjhe smjh ni araha tha wo kya keh rhi hain aur aesa kiun ho rha hay mere sath.Mtlb... Blkl achanak... Itni jldi shadi!

Meri sochon ka bandh torne ek nihayat purkashish awaz mere kanon se tkrai mgr hasbe tawaqa koi nazar nahi aya.Lekin is bar maine bhi tahaya krlya tha ke ye jo koi bhi hay,chupan chupai ka khel mai nhi khelugi.

Azaan: Walaikum assalam!!
Na dikhai deni wali mkhlooq ap jo bhi koi ho,mjhe bohot sare wazife atay hain aur iske ilawa aik ayat-ul-kursi prh ke phoonk du tw apka kaam tamam hojayega.Phir ap sochye ke apke ghar walon ka kya hoga.Apki tw hrkaton se wazeh hota hay ke bohot manchale hain ap,shadishuda tw honge nai kiuke shadi ke baad kahan ye majal ke marziyan chalen!

Prhu ya batate hain ap apne bare main?

Countdown start kr rhi hu main abhi,1..2...3...4...5...6...7

Huzbaan: UFF! Bohot bolti ho tum! Kya isitrah ghar main sbko pakati rehti ho?

Azaan: Jee,ap kon?

Huzban: Wahi makhlooq jisse ap abhi kuch der pehle mukhatib thee aur barri barri dhamkiyan de rhi thee!

Azaan: Main koi dhamkiyan nai deti,jo bolti hu karke bhi dikha deti hu.Ye tw kher manayye ke maine countdown shuru krke apko jalwanasheen hone ka sharf bkhsha wrna ap ne tw shayad sirf pardanasheen rehne ka azm kr rkha tha shayd.

Huzban: Hahahahaha,apki batein tw bohot kamal hain.Dil agaya hay mera ap pe kya karu.

Azaan: Pehle tw ye batayye ke ap konsi makhlooq hain,aur ye kya bdtameezi hay maan na tw maan main tera mehman,huhh!!

Azaan: Ammiii,apa....

Azaan,Ssshhhhhh!!
Pagal ho kya,unko kiun bula rhi ho? Darr jayege bechare.Main jin hu.

Hahahahahahahahaha,very funny.
Aur main churail hun.Nails b brre brre thay ab bus jumme ko hi kaate hain wrna noch dalti tumhari ankhen!

Azaan,main Huzban hu. Aur main jhoot nahi keh rha,main ek jinn hu.
Mjhe maaf krdo kiuke mjhe tmse mohabbat hogyi hay,lekin ismai bhi mera koi qasoor nahi hay.Ye baat maine Danish ko btai thi.Maine hi usse mana kya tha ke ye baat tum tk na pohnche.Main khud tmse milna chahta tha.

Tw,main kya karu? Shrafat se jao wrna,intehai sharafat ki zaban bhi mjhe ati hay!!

Yaar pls,aik baar meri poori baat sunlo. Main sach main tumse bohot mohabbat krta hu,bepanah mohabbat.Itni ke shayad mjhe bhi andaza nahi.Lekin tum is bat se anadaza lga skti ho ke maine tumhare liye apna mazhab tabdeel kya,take main tmhare deen ko apna kar tumhe apna saku.Tumhe paa saku.Sbko kehte suna hay ke mohabbat sirf paa lene ka naam nahi hay,lekin wo mohabbat hi kya jo hasil na ho sake.Ek kamyab mohabbat pr Khuda khud meherbaan hota hay aur ye sirf Uske fesle hote hain.Duaon namazon se agar mohabbat mil jati tw maine tumhe kbka paa lya hota.Mohabbat aese hi nahi miljati.

Aerhyan ragrani prti hain,Ishq ke chakkar katne hote hain,Pakeezgi ka ehtram krna hota hay aur phir ja kar kaheen Mohabbat ke jazeere main zamzam phoot parta hay.Jisse rooh sarshar hojati hay.

Ohh,tw tum mohabbat ke waqeel ho? Llb ki hay kahan se? London? NY? Australia?

Main mazaq nahi kr rha,Khuda ra mere jazbat ka tamasha na banao!!
Wallah,main tumse mohabbat krta hu.

Mjhe pata hay ke ye mere liye jaiz nahi blke ek gunah hay ke main tumse pyar karu,blke aesa sochna bhi mere liye baies azab hay.
Lekin kya karu,dil ke hathon mjboor hu.

Main chahta tw tmhare badan mai utar kr tmhe apna bana skta tha,lekin maine aesa nahi kya.

Kiun? Mohabbat main mar dena tw aksar logon ka pesha hota hay.Ap ne kiun nahi kya aesa?

Kiuke main ...
Tum nahi smjhogi.

Mjhe tumse sirf ye janna hay,blke janna nahi btana hay. Sajid se door raho. Main tumhe koi warning nahi de rha,bus tum usse shadi krne se mana krdo.Maim tumhe wada krta hu koi nuqsan nahi pohnchauga.Na hi tumhe takleef duga.Bus tum usse shadi nahi krna.

Acha.
Kiun nahi karu main usse shadi?

Tm smjhti kiun nahi ho meri baat ko?

Is bar huzban bohot ghusse main chilaya tha aur us ne shayad na chahte huay mere bazoo ko jhatke se hilaya tha aur mjhe shadeed drd mehsoos hua,aesa laga meri sari haddyon main aag utar di ho kisi ne.Jalan se aur dard mai kanp rha tha mera wajood.Sar ghoomne laga aur ankhon ke samne andhera chane laga.Aese lgrha tha jese usne apni baat khud rad ki ho aur wo mukar gya ho.Mjhe thori der ke liye laga ke wo mere andar sama chuka hay,magr shayad aesa nahi tha kiuke mjhe kuch hi der main wapas hosh ane laga aur dard ki shiddat khatam hone lagi.Jabankh kholi tw wahan pr Huzbaan nahi tha.

Mjeh andaza hogya tha ke wo ghusse ka bohat tez hay aur jb usse control nahi hota tw wo cheekhta hay aur aj kiuke main uske qareeb thi islye usnw mjhe ghusse se jhinjora bhi tha... Aur shayad isi wajh se mjhe aesa laga ke mai kisi aur dunya mai chali gyi hu.

Mjhe ye bhi pata tha ke pichli bar jb aesa hua tha tb so Sajid ke roop mai mere samne tha aur aj wo apne asli roop mai samne tha.Insani roop main.

Uski ye bat mjhe mutasir krne lagi thi ke usse meri tkleef se tkleef hoti hay aur wo waqai mjhse mohabbat krta hay,wrna uske liye konsa mushkil tha ke apni taqat ka istemal krke mjhe apna leta.Lekin is baat se usko farq prta,kiuke meri zindagi lazmi chali jati.Mjhe uski dunya main shamil hona prta zbrdsti aur uski wjah se wo dilshikasta mohabbat ki aag mai sulagta rehta.

Wo ye baat janta tha ke uske aesa krne se meri jaan ko khtra hoga,lekin phir bhi wo mjhse mohabbat krta raha.Aur aj usne mere samne akar...

Mjhe uske baare main ab nahi sochna chahye,bus!