[DEEWAAR- The wall of Love] ✔ J.Series

-1-

Edited

Azaan: "Assalam.o alaikum ammi jaan! Aaj kya banaya hay bhaiee mjhe bohat bhook lagrhi hay,aj tw itni lmbi class thi ke kya bataun.Thak gyi mai bohat zyada,lekin maza b bohat aya."

Azaan apni ammi se mukhatib thi.

Ammi: Acha? Tw mohtrma ko ab mazay b anay lagay,kya baat hay meri gurya tw bohat parhezgar banti ja rhi hay.

Azaan: " Ofho,Ammi jaan aap bhi naa.Main bhala kiun na banu achi? Jab Allah Taala hmain hidayat ki raah dikhata hay tw iska mtlb tw yahi hua na ke Usne hmai Khushnaseeb logo mai chun liya hay "

Ammi: Haan mera bacha! Chalo ab tum burkha utaaro aur munh hath dho kar ajao.Tumhare liye garma garm Parathe banaye hain,tumhari pasand ki bhindi ki sabzi ke saath.

Azaan: "Acha tw meri gurya ab mera khyal b rkhne lagi hay,kya baat hay bhaiee waah"

Ammi: Chalo jao nautangi ek number ki...Bus har waqt mazaq sujhta rehta hay.

Azaan: "Acha ammi jaan ab maaf krdain,wese bhi apko gurya hi tw bola hay aur kuch nahi bola.Shukar ada karain ke ap ki nazakat ki intehaa ko dekhte huay hum apko gurya bolte hain,wrna apki jild tw bohat jhuryon wali ho gyi hay"

Apa: Ayy barri ayyi hunh,tum kon hoti ho meri amma se aese bat krne wali.

Apa jaan ki awaz kitchen se arahi thi,jispr mai sirf khushbu ke bare mai soch rhi thi.Sabzi apa ne banai hay tw bohat hi mazedar hogi.Wrna apa aur kitchen ka tw chat'tis ka ankra hay.Zaroor ammi ne bola hoga apa ko sabzi banane ke liye tabhi apa hum pe garam ho rhi hain.

Azaan: " Arre waah apa aj kitchen mai,yahi mai sochu aj sooraj mashriq se kese nikal gya "

Ammi: Chalo tum dono jhagarna band kro,Azaan beta jldi se kha lo phir mai ne Hamida aunty ko bulaya hay wo apne bete ke sath tumhe dekhne arahe hain tw tayyar hojana.Ab main tumhari ek nahi sunugi,bohat bangyi ustani,shadi krlo phir araam se bnjao jo bnna hay.Sajid wese bhi acha lrka hay,dekha bhaala hay.Aur wese bhi tumhari apa ki saas ki behen ka hi beta hay.

Azaan: " Ammi jaaaaaaaaan! "

" Uff Khudaya,Ab ammi ko kese smjhaun jbtk main aalima nahi bnjati main shadi nahi krskti.Btaya tw hay apko! Dekhen ap na cheating kr rhi hain,apa ko tw mazay se seekhne dya jo unka dil chah rha tha jab wo sb seekh gyeen tbhi unko piya ke ghar bheja ap ne aur ab tw mai nanni masum si bachi hu sirf 22 saal ki.Abbu idher hain nai wrna unse kehdeti tw tb apko sunna prta naa! Meri tw yahan kisi ko fikr hi nahi,theek hay achi bat hay chali jaugi na susraal tb bohat yad ayegi apko meri "

Apa: Kya Husn hay! Kya adaa hay,ahaa ahaa.Galon ki surkhi tw dekho dil chahta hay noch noch kr aur laal krdu.Sajid barra khush qismat nikla! Uski tw nikal parri hay yaar! Hay na amma? Ab dekho zara kya qayamat lgti hay,bina makeup k bhi itni khoobsurat!

Azaan: " Aap bus nazar laga kr mjhse jalti raha karo.Ma Sha Allah Lahawla Wala Quwwata Illah Billah.Khuda bachaye nazre-bad se "

Apa: Charh gyin satwe asmaan pe?zara si ghalti se taareef kya hojaye madam ki par tw aese nikal leti hain jese barri haseen fakhta ho koi.

Ammi: Tum dono ke lgta hay kaan khenchne wali umar agayi hay phir se,kaha na sunai nai deta kya? Hira,jao tayar karo azaan ko.Aur wo Pink moti ke jhalar wala dupatta orhaana sar pe,halka sa peach shade ka touchup bhi krdo.Wo dress ispe bohat acha lagega.Iske abbu na khaas kr bheja hay aur kaha hay kal subah skype pe aunga aur dekhuga apni raajdulari ko.Chalo jao shabash asar ki namaz tak aate hi honge wo log.

**********************************

Main usse roz dekhta hun,lekin jitna bhi dekhta hu man karta hay aur dekhun.Kitni manchali hay wo!

Lekin bohat khoobsurat hay,itni ke maine apne aas paas bhi kbhi nahi dekhi.Wese bhi umoman hamare yahan ki aurton ko kuch zaada hi parde mai rakha jata hay.Ye nahi hay ke wo parda nahi krti,jb wo parda krti hay tw jadui tor pr uski dilkashi aur barh jati hay.Samajh nahi ataa apne baaba ko kese raazi karu.

Uss din bhi wo bohat pyari lgrhi thi jb maine usse pehli bar madrase jate huay dekha tha.Gher iraadi tor par mai wahan se uske piche piche chal parra.Uski awaaz uska andaaz-e-bayaan,jistarh se wo Quraan parhti mere ronghte kharre hojate.Magar ye sab mai hamesha chup chup kar dekha karta hoon,kiuke main musalman nahi hoon.

Ab main kya kehskta hoon shayad meri qismat hi aesi hay.Mere baaba ko musalmano se sakht tareen nafrat hay.Ab unko bhala bataun bhi tw kis munh se ke unka beta ek musalman lrki ke ishq mai deewana ho gya hay?

Yahan baat sirf ishq ki nahi,blke mazhab ki bhi hay.Kaash mai usse paa sakun,Kaash!

Aur jistrah main har bar kuch na kuch krdeta hoon taake uski shaadi na ho,wo sirf meri hay.Haan main jununi hoon,Haan main pagal hoon.Uska ishq itna pakeeza hay ke dil krta hay uske liye apni jaan,apni pehchaan,apna eeman sb kuch mitta du.Sab Kuch.

Sajid konsi khet ki mooli hay usko bhi main nahi duga meri mohabat ka hissa,meri mohabbat ka haq sirf aur sirf mera hay.Wo sharafat se maan le tw theek hay warna main usko khatam karduga,mitta kr rkhduga uska naam-o-nishan tk mitta duga!

Coming Up Next: Azaan sirf meri ho Tum,kal main tumse ye sab khud kahuga.Bohat ho gya chupa hua pyar kbtk karu akhir?Ab tumhare ilawa mere liye kisi ko sochna gunaah hay.Aur main mazeed gunehgaar nahi banuga.Main Islam qabool krluga!

To be continued....

-Hey/Salaam everyone! I hope and can only hope you'd like my story too.I mean apart from poetry I'm writing here for the first time.So,Bear with me and keep connected!

-I'll update this story every Thursday,In sha Allah.

-See you next Thursday!

Biha🌼