ملاك الرحمة

27

هي : اندارت طلع المحبوب خجلت منه دوم ينسى نفسه ويتصرف وياهه بتملك ليش احرجه خننننب
هو شافه صافنه ومدنكه راسه خجللانه رادت تروح هو اوكفي
هي وكفت وهو ضل وراهه
هو: اولا البسي شي داخلي تحت ثوبج
هي بعد صارت طماطة
هو: ثانيا اديج غطيهن لا اقطعهم ونزلي الاكمام .. عصبت حيل من طريقته المستفزة دائما مستفز ويتعامل وياهه بطريقه متسلطة
رادت تكول شي هو سكته من كال : ثالثا مشتاقلج كال بصوته المعهود الي ينبع منه الحنان
هي دارت وجه اله وعيونه كامت تلألأ
هو: مشتاقلج حيل وانت تساعديني بالعمل
هي قطبت حاجبه
هو: ما ترجعين يا بت خالتي لا توجعيني اكثر..
هي: حسويلك جاي .. وراحت
صدك خدرت الجاي وقدمته الهم  جانو كاعدين بالاستقبال بس كامل جان كاعد بالهول وحده ويه الجهال الي تهوس
تقدمت هاجر منه وانطته الجاي
بعدين كعدت ع القنفه المجاورة اله
وسالته ليش كاعد اهنا هو كال والله مبيه حيل اسولف ويه الشباب ..
هي : ليش اشو مبين تعبان
هو: اي والله
هي: ليش
هو والله مدا اشبع نوم الان بالليل اقضيه سهر ويه جماعتي والفجر اتسحر وانام ورة اشويه لازم اكعد للدوام والعصر اروح للمحل اشتغل وماعندي وقت انام
هي:عاااا وانت ليش تسهر الا تروح ويه جماعتك ما تنام
هو والله سوله
اهنا دخل عباس جان كاعد ويه والولد بس من شاف كامل مو وياهم الفار لعب بعقلة وراح يشوفه وصدك لكاهه كاعد ويه هاجر ويتمضحك وهي مدري شنو تكول اله جن عباس من المنظر اجه كبل الهم وكعد يم كامل بنفس القنفه حصر الولد حصر بكعدته
وصار يفصل بينهم يعني بنصهم وكال : اي كامل سولفنا اشونك بالتعين الجديد
كامل والله دكتورنا تمام ماشي حالي ..
اهنا عباس لعب بفونه اشويه ورجع سال كامل هم اي وعساك مرتاح ..
كامل: بالبداية واجهت صعوبه وخاصه المدير العام متشدد بس هسه اشويه سيطرت .. طبعا كامل بسره يكول خرب هذا شجابه يمي هسه ..
وصل مزج لهاجر طلعت فونه من جيبه لأنه رساله من عباس فتحته :::: الرساله:---- ثواني اذا ما كمتي من يمنا ياهاجر اكسرلج اسون كامل بوكس ..
هي كولش اتنرفز شالت عيونه من الموبايل وباوعت اله هو انطاهه نظره مستفزه وابتسامه خبيثه وهي كامت ابسرعه من يمهم وراحت لغرفته ... افيييش طلع صدوك يحبه لان الغيره فضحته ... فرحت حيل ....
#أنامل_مخملية
الجزء التاسع و العشرون
... خلص الشهر الفضيل واجو بعد طول غياب نور وسرور للبيت اول يوم شبعت من ولده ام عباس احمد وحازم وحسين ..
ثاني سوت عزومه جبيرة عزمت خواته وولدهم ...على الغدة .. ودزت عباس على هاجر وغفران  و هيفاءيروح ياخذهم بالليل حتى من الصبح يكعدن يشتغلن وياهه هي ونرجس ... صدوك عباس ما جذب خبر راح بس يريد يشوف المحبوبة ..
طلعت هيفاء تركض اله من رمش عليهم وهو بسيارته راسا ركضت بالصدر يمه واجن غفران وهاجر كعدن لورة .. هاجر طالعه روحه من هاي ست هيفاااء المزعجه ...
وصلن اخذن خواتتهن بالاحضان
سرور : ليش هجورة عفتي البيت
هاجر: ها احسن تغير
نور  لا اجذبين ترة العصفورة كالت النا كووولشي واحنه بيران
هاجر باوعت لغفران  . غفران سوت نفسه ما تدري
غفران: اي كتلهم عندك اعتراض
سرور : هم عوزه احنه مانعرف
نور: اي ولج سولفي النا اشون طعم قبلة عباس 
اهنا جفتت هيفاء عليهم:- شنو ولج شنو مصخمه ويه الرجال؟!!!
هاجر : وجه كام ينطي الوووان خرررب هاي شنو تسنط عليهم
نور: ولج مو عيب عليج تتسنطين علينا
هيفاء لا اني اجيت اكعد يمكم سمعتكم
سرور: اي ولج اشبيج بالحلم شافته لو الحلم حرام ! لزكته هههههه
هيفاء :- يا والله انتم ما تستحن تتحلمن بخلق الله .
هاجر: رايحه انام
.................
ثاني يوم جابو ذبايح ذبحوهه وطبخو طبخ اهواي كولش المشرفه عليه ام عبوسي والبنات الي يشتغلن والشباب هم يسعادون ... واجو الخطار الهم .. ووزعوا منه وتغدو ....
بعد الغدا
الخوات اجمعن ام عباس وام جاسم وام جمال
ام جمال:: ام عبوسي اريد منج هجورة اريدج تحاجين عمامه انت عندج حجايه وياهم اريده لكامل
اهنا ام عباس جانت تشرب جاي نزلت الاستكان من حلكه ابسرعه وباوعت لام جمال.  وكالت بكلبه يااا ما لكيتي غيره ما صدكت عباس يباوع لوحده ..
ام جمال: ها ام عباس وين صفنتي
ام عباس: اي اي ميخالف يخيتي بس بداخله ضاجت
ام جاسم:- اي زوجي وفرحي بيه وهاجر خوش ابنيه معدله .. ام عباس يوم لعباس وهيفاء ونشوفهم بيتهم يارب
ام عباس ما جاوبت جان باله مو يمهم باله بأبنه الي ماتعرف هو شنو يريد ...
فجاء صار صياح بالمطبخ ..
عباس اول ما سمع جان كاعد بالهول طفر من مكانه وراح للمطبخ شاف البنات ملتمات ويصيحن هاجر اشبيج!!!
وخرهن حتى يشوف والقلق كتله باوع لكاهه كاعده وللزمه بطنه وتون من الألم ..
اجت ام عباس وكامل وكل الولد  البنات وعباس كام من يمه وكال للبنات  ودنه لغرفة امي افحصه اهنا بعد هاجر فقدت الوعي ونامت ع الارض وانرفع ثوبه اشويه ابسرعه عباس عدلة اله وشاله وركض لسيارة حازم وحازم يسوق بيهم وام عباس بالصدر  وعباس بالمقاعد الخلفيه حاط راسه ع صدره وهي تون وتتألم بحضنه اتمنى بذيج اللحظه الألم ينتقل اله ولا يشوفه تتلوة كدامه .. ... طبعا عباس عرف حالته زائدة دودية ..
وصلو للمستشفى الخاص الي يداوم بيه عباس وخلوهه للعمليات بعد الفحص .
وطلعت هاجر من العمليات جانو حازم وخالته وعباس وياهه بس مو عباس الي عمل اله العمليه .. 
..كعدت هاجر شافت يمه خالته  وغفران اجت يمه هم
خالته:: يمه حمدلله على سلامتج يرووحي خوفتينا عليج ..
غفران : حمدلله على السلامه ..
هي الله يسلمكم ... كالته بتثاقل ..
بعد يوم طلعت من المشفى وعباس ابد ماتركه والكل انتبه اله اشون يتعامل وياه ..
عدة الايام ورجعت هاجر بيت خالته ام عباس  ...
رجعت هاجر لعمله وكل يوم تتأمل عباس يجي يخطبه لكن لا حياة لمن تنادي ... ...
وسافر عباس لبغداد يناقش رسالته ...
وضلت هاجر تتمنى شوفته وهو ابد ولا يسأل .. فتحت الفيس   على صفحته  .. هو بالعاده قليل المشاركه بالفيس بس شافته ناشر منشور قبل ساعه ..
كاتب بيه خاطرة
حبيبــــــــــــــــــــــــــــــــــــــتي
ملكة قلبـــــــــي ليس همي أن يقول الناس عني أنني أحببتك
ليس همي أن يقول الناس لماذا اخترتك من بين النساء
كل همي أن أعيش العمر في عينيكِ
كل همي أن تختارى مكانك في قلبي
كل همي أن ألبي نداءك عندما تناديني
بكلمة أحبـــــــــــــــــــــــك
حبيبـــتـي الغــــائبه
مسافات كبيرة تفصل بيننا
لكنكِ قريبه مني
فأنتِ دائما في البال
وأنتِ دائما في القلب
رغــــم المسافــــات
فأنا ياسيدة قلبي
أحبك وأحب أنوثتك الرائعة وروحك المتواضعة
سحرني كلامك وحنانك
سحرتيني أنتِ فما أحلى سحرك
سيدة الاحساس الرقيق
ملكة الحروف والكلمات يا
فتاة العشـق الفريد...... يا ذات #الأنامل_المخملية أعشقك 

هي ضلت تعيد كل كلمة كاتبه ودموع الفرح بعيونه حست كل كلمة هي المقصوده بيه ..  نزلت لجوة سمعت ام عباس تحجي بالمطبخ ويه بته نرجس جانت يمهم
ام عباس :-- اعتقد عباس مايريده
نرجس ماعرف اعتقدته من اتحسنت حالته راح يخطبه بس هو مغلس وحاجيته ع زواج كال مو وقته
ام عباس يعني مو باله لعد راح احاجي البنيه وكولله ام جمال تريده الأبنه كامل .
غوركن عيون هاجر ...وراحت بغرفته وبعد يوم اجه عباس .. من السفر ..