ملاك الرحمة

٨

ثاني يوم نزلت كعدت بالصاله طبعا جانت الدنيا ضهر وما نزلت تريكت جبت شبس وكعدت اكل اباوع بالتلفزيون لمحت واحد نزل من الدرج طلع عباس سلم عليه وراح
اني ضليت اباوع بالتلفزيون وبالي شارد بس حسيت اكو شي ع متني يدغدغ ولا اهتميت الشي صار يدغدغ ركبتي من جوة الحجاب عبالي خصله شعري بس بعدين حسته حشره دخيلك ربي طفرت طفره وصحت يييييييمة الحكوووني عااااا عاااااا وخري عني حبابه حبابه
اجه ركض أحمد هاي اشبيج اشبيج واني اجيت يمه حباب وخره وخره
هو: هي شنو شنو
صرصور عااااا وضليت مثل المصروعه واحمد نام ع القنفة يضحك خرب حضه ولا مال واحد يستنجد بيه
اجه عباس ها شكو
اني بصياح ها راحت احمد فدوة
عباس اشبيج
اني اكو مردانه اهنا حباب؟؟
هو : لا كل شي ماكو
اني : اهئ احمد كريه بعد ما احجي وياك
احمد: ههههههاي انتم البنات امركم غريب مو حتى الصرصور اتخبل منج
اني : قابل كتله تعال اصعد عليه
عباس : هاي كله عمود صرصر
اني باين عليه التقزز و الذعر باوعتله ببهوت ورجعت كعدت
احمد راح من حيث اتى
عباس هم راد يروح
اني: دكتور
هو: ابسرعه اندار عليه
اني: اني اسفه
هو: ليش
اني: ع كولشي
هو: مصار شي يستحق الاعتذار
اني : لا اني خجلانه من نفسي على الي سويته والله مو قصدي عليك انت ماكو منك
هو: اشمعنى يعني
اني : ماعرف
"على العموم يا هاجر مو كل الناس سواسية واني جدا يؤسفني الي يصير بالمشافي او الدوائر الحكومية من فساد
" رحم الله والديك
" ابتسم ووالديج
دخلت هيفاء
ها شنو دسوين هاجر
اني ولا شي حب اباوع
عباس : يلا اترخص
وراح
العصر اخذنا حازم كلنا وخالتي هم وودانه رحله للاثار ومناك رحنا للمتنزه اتفاجاء من شفنه احمد وحسين وعباس كاعدين بالكوفي شوب مال المدينة اثاري متواعدين مادري ليش فرفحت روحي من شفتهم او بالاخص من شفته ماعرف ليش من اشوفه احس بالامان
كعدنا خالتي واجه اهنا جاسم اخو هيفاء هم متواعدين وياه البنات كولهم وافقن يركبن لعبة حلوة بس كولش خطره الصراحه بس منظره مريب 😥
كولهم توجهوا اله اني حاولت اتهرب نور لطشت بيه لطش ما تقبل الا وياهه
اني : حبابه عوفيني والله اموت
" لا تخافين اني وياج اموت مثل ماجينا سوة نموت وتواعدت مع عزرايل ما يجينا هسه
" استغفر الله ولج انت شنو
"دتعاااااي
صعدنا من سوء حضي اللعبة كل اثنين سوة نور ام راس كعدت بصف حسين ها نسيت اكوللكم كلهن نزعن العبي بهاي الرحله بس اني عندت معرف بدونه
صعدت وشفت عباس صعد غفران جان يتعامل وياهه برقة وراح اشو ما كعد يمه اجت هيفاء كعدت يمه الخبيثه ههههههههه
هو اجه وكعد يمي لان الولد ماشاء الله ولا واحد حب يصعد يمي عطره موتني شتت افكاري واناقته خرب احس البنات الي بالمكان والناس تكول شنو هاي الجكمه الي كاعده يمه شااب وسيم ؛ رجولته وحضورهه الجامح يخلي بالي بس يفكر بيه طول ما هو يمي ضليت استرق النظرات عليه وعلى جلسته حتى بجلسته انيق اثاري الانيق بكلشي مو بس بالملابس وعطره الي أسرني
مشت اللعبة عبارة عن سكلات وبالهوى( عربة الموت)
اني بصراحه اول مابدت ودي اجيت بحضن الي بصفي وغطي وجهي من الخووووف هنوووب صاارت مرعبة اكثر متت واشوف البنات يضحكن وعادي وهاي سرور طاكه ضحك بس حضي ميته من الخوف
مع هذا ما طلعت صوتي اكو مرة ورانه سمينه حيل بس تعيط من حسيت راح اوكع اشاهدت بصوت مسموع😂😂 عباس باوعلي وضحك ضحكته الشهيره خل اوصفه الكم هي عباره عن هه هه يعني بالبداية متقطعه وبعدين ههههههههههههههههههههههههههههههههههه شطوله مايسكت ويسمعه سابع جار بس تخبل

اهنا حطيت اديه على راسي و دنكت حيل ومن غير شعور مني ' الانسان من يحس بالخوف يالتجأء لأي شخص قريب عليه ما بالك اذا هذا الشخص دوم تحسه امان الك!!
ماحسيت بنفسي من حنيت راسي على كتفه
اني مادري اشلون اصلا اجتني الجرئة اتقرب من رجل بس صدك لا كالو حلات الروح كلشي اسوي...
اتوقف الوقت والزمن و احساسي بالخوف هم من ايده التمست متني اهنا حسيت بالخجل ورفعت راسي عنه شفته يباوع الي وبوجه القلق عليه
ضحك ابسرعه حتى لا يحرجني وكال
" لا تخافين ترة حلوة
انت بس ارفعي راسج لفوك
اوف انت بس شيل ايدك عني مو راح اموت من لمسته الي
بس اني رفعت راسي وحتى الخوف راح والرجفه هم؟
وضليت اباوع واتمتع مثلهم كأني طايره
لكن بنهاية اللعبة شال ايده عني ورجع احساس الخوف يراودني وكأني راح اوكع وعرفت قوتي قبل شويه مكانت غير أطمأنان بثه عباس بيه...
نزلنا اني انتهيت جني عصفور مهلس هو ساعندي على النزول كوة
كتلهم ودوني يم خالتي وانتم ارجعوا كملو لعب مكدر اني
نور "وين تعاي نموت سوة
اني كدامهم كلته بعفويه ا
"ي اي اشوفج كعدتي يمي اشو كل وحده كعدت يم... سكتت ما كملت وضحكت وغفران هم ضحكت واجت يمي كالت بهمس هف هاي هيفاء لازك الي اشون بيه ما تخليني ع راحتي مع عباس
اني ضحكت كتله الله يساعدج عمي ماتنحمل هههههه
رحت يم خالتي وهمه راحو مدري وين المكان كبير شفت خالتي تاخذه حسبه واجيبه حسبه رحت افتر وحدي وجان اشوف مراجيح تخبل تصعد لفوك وتنزل
رحت باوعت كلت هسه خل اصعد لا من شاف ولا من درى
صعدت مع الاطفال وطرت اني وعباتي بالسمااا تخبل

عباس انظر اله وهي طايره بغير عالم عالم مليئ بالبراءة والنقاء ...

اني: نزلت راسي داشوف الناس من جوة وجان المح عباس واكف وحاط ايده ع فكه السفلي ويده الثاني بجيبه ويبتسم الي اني خننننب شجابه واه فشلتا هسه عرف زوغت منهم حتى اركب لعبة الجهال

من خلصت اللعبة
نزلت وكأني مرتكبه ذنب منزله راسي خجلانه
عباس بروح مرحه وابتسامه عريضه
" يا هجورة اشوفج اهنا
خنب لا تخجلني يمعود
"اشجابك
" ههههههههههههه لا تخافين ما اكول بس تعاي خل نروح يم امي
اني هم ضحكت على روحي ورحت خلفه

ورة ايام باشرت بالدوام بفضل عباس طبعا بعد رب العالمين جان دوام سهل مجرد اقيس ضغط الحوامل وحالي حال الموظفات ارجع الضهر دوام يخبل والبيت قريب جدا عليه شريد اكثر رجعت للبيت
لكيت خالتي محضره الغده بدلت وبدات اثرم زلاطه
وجان تدخل نور جايه من الدوام وراهه حسين صاير نار
حسين : هي انت دا احجي وياج
هي: انت مالك كلمة عليه اووك
هو: بعصبيه شنو يعني اعوفج ع حل شعرج
صار صياح بينهم وادخلت خالتي و غفران هم يردن يفهمن الموضوع ... يتبع