ملاك الرحمة

1

من كتابات زهراء العراقية

......أسمي هاجر عمري 22 عام من بغداد عندي ثلاث اخوات غفران عمره 25 محامية . سرور 23 عمره مدرسة لغة انكليزية و تؤمي 22 اسمها نور طالبة مرحلة رابعة كلية ادارة واقتصاد .
بعد وفاة امي وابوية بيوم واحد اثر حادث سير عشت أتعس أيام حياتي اني واخواتي ضلينا عايشات بذلة نسوان العمام وصرنا خدم الهم وشفنا انواع من الظلم والافتراء واتهجولنا من بيت لبيت رغم احنه عدنا بيت ابويه بس تركناه بسبب العادات والتقاليد الي موتتنا الى ان طفح الكيل ...
احنه ابونا بغدادي بس امنا من الحلة واهله كولهم بالحلة وما عدنا خوال بس خالات ثلاثه مزوجات وبيبي وجدو من جهة ماما وبابا متوفين
خالاتي شفناهم اخر مرة بالفاتحه حتى ما متأثرات حيل بوفاة امي بس خالتي الكبيرة جانت كولش تعبانه وبجت بجي على امي وضلت تتواصل ويانا وما قصرت ويانا وبالاخص اني جانت حيل تحبني تكولي طيبة قلبي اذكره بأمي الله يرحمه ... اني جنت هادية و ما احب الكلام الكثير
ربت بيت ممتازة عكس خواتي مو كولش بشغل البيت ولا بالطبخ كل همهن الدراسه .
اما اني مو كولش جنت احب الدراسه لهذا اختصرته ورحت من الثالث متوسط تمريض وتخرجت وكمت ادوام بأحد مستشفيات بغداد للولادة وبحسب شغلي لازم ابات يومين بالمستشفى خفر وهذا كان مسبب الي مشاكل جبيره مع عمي الكبيرة الي جنت اني يمه ونور تؤمي يم الوسطاني وغفران وسرور يم بيت عمتي كتلنا الفراق ووجع اليتم .. رجعت كالعاده الصبح من الدوام تعبانه طول الليل سهرانه وراسي صاير طبل من الحوامل صوتهم يدك براسي . اول ما دخلت صبحت على مرت عمي كاعده بالمطبخ واني دخلت من الممر الخارجي الى المطبخ .
هي : ها عيني ست الحسن توج جايه
هاجر : اي خاله
هي : عيني انت ماكاعده بفندق بس وقت النومه
هاجر : سكتت ما رديت
هي: : عود مو جريه نومه اكعديه سوي غده اني تعبانه ومرة عندي فقرات
ردات تحجي اسطوانته اليوميه مثل كل مرة اني قاطعته بنعم خاله انام ساعتين واكعد احضره يلا اني رايحه ورحت للغرفه انام طبعا مو عبالكم وحدي لا وياية بناته اثنين مراهقات شالعات كلبي بعراكهن مع بعض وكل وحده عده خمسين حساب فيس وسهر الليل كوله اشوفهن من اريد اتبول او اشرب مي يراسلن ولد . كنت ادعي الله يستر عليهن وما كلت لأحد لان امهن متعرف تصرف وهم منو يكول تصدكني بس جنت انصح وهنه ولا يمي عبالهن اغار منهن عقولهم متحجره .. نمت واخذتني النومه كعدت ع صوت البنات جايات من المدرسة يتعاركن كالعاده اخترعت كمت ركضت الشفت الساعه ب 1 الضهر .. عزة نسيت الطبخ 😥رحت للمطبخ مابي لا جدورة ع النار ولا ريحه طبخ ركضت للثلاجة جبت بانيه وحطيت اللحم ع النار ورحت انكع تمن اهنا دخلت مرت خالي للمطبخ دخلت من المرر الخلفي جانت طالعه بره يم جارته يمكن .
هي :عزة ولج توج تطبخين خرة بيج وين جنتي عمج ع جية
اني : صوتي يرجف والله اخذتني النومه
هي : الله لا يوفقج تردين عمج يطلكني ولج ..
اني كملت تنكيع ورحت اقرم البانيه سمعت صوت سيارة عمي اشو هاي اخذت مني البانيه وهي بدت تقرمه وكامت تحجي دخل عمي سلم ماردت هي عليه كبل استلمته وحالته عليه وكالت اله هاي بت اخوك كالت اطبخ واني مريضه رحت للمستوصف اجيت لكيته كولشي ما مسويه خزرني عمي وراح بدون كلام
ثاني يوم اجن يمنا خواتي غفران و سرور كالن ما مرتاحات يم بيت عمتي لعمي بس هنه بالحقيقة جانن شاردات منهم عده ابن مزوج وعينه صلفه ومشيبهن بنظراته اجن اهنا ع الاقل عمي ماعنده ولد شباب .. ونور من سمعت بيهن جايات اجت يمنا هم .. مرت عمي طلعت روحة وكل يوم تتعارك ويانه الف مرة .. احنه كلنا نداوم مع هذا شلنا الها البيت .. اختي غفران تخبل كولش حلوة وعيونه خضر وجسمه منحوت نحت وعده ثقة بنفسه واشويه غرور بس طيبه ..
سجى بت عمي اجت لغفران
سجى :غفورة تعاي ناخذ سلفي
اختي جانت تقرة كتاب كالعاده::
غفران:- ها ولج وخري عني اني صايرة صورة
سجى كعدت يمه واخذت صورة واختي اصلا ما منتبه اله ومن رادت تطلع من الغرفه اخذت لختي صورة بوحده و طلعت من الغرفه .
ضلينا عدهم شهر زمان.. جنا كاعدات العصريه نسولف ونضحك اني واخواتي وجان يدخل عمي ومرته اجه لغفران زوركه ازورك دك كتل ودفرات واني واخواتي نحاول نبعده عنه رادت تموت البنيه ومنعرف السبب ومرته تتفل عليه ودعي اني ضليت احاول اوخره عنه وخواتي يدكن ويلطم كالن هاي هي ماتت غفران من الكتل . اني كتله عمي كافي ماتت ترة ماتت كلته بحركه هو رجعله وعيه وخر عنه وطلع وهاي مرته تفلت عليه وطلعت اني جبت ماي وحاولت اخليه تسترد وعيه . وانوب جبت عدت الضماد وضليت اضمده وخواتي متكومات علينه ويبجن وينوحن عليه همزين عدي عده بكصته جرح يحتاج خياط من الركع والدوس كصته انفتحت خيطته وجبت مسكنات شربته ونامت تون اهنا نهارت سرور وراحت لغرفه عمي دخلت واني و نور ركضنا وراه خفنا عليه
سرور: بعصبيه ليش كتلت اختي شنو سوت
هو :ولي منا لا اطلع حركتي بيج
سرور : شنو ولي انت كتلت اختي بدون سبب كالته بحركه وكل جزء منه يرجف من العصبيه وتبجي واني ونور واكفات وراهه ومرته مدده ع الجربايه وهو كام كعد ع طرفه من دخلت اختي عليه
كال اختج سساقطه دزدز صوره للولد هاي الطايحه الحظ
ضلينا صافنات شنو هذا شنو دا يخربط
سرور : شنو شنو غفران اشرف من الشرف وعمره ما اسوي هيج شي
جان تنبز مرته هههههه وهذا الولد الي يهدده بصوره منين جابهن
بعد يومين عرفنا السالفه بته طايحه الحظ مطيه صور غفران لواحد من المزعطه مالته ومن ضل يهدد بيه الكلبه طلبت فون غفران وفتحت الحساب مالته الوهمي من فيس اختي وراحت راوت المحادثه لامه وامه ركضت لعمي ومايرضى يصدك اصلا غفران ابنيه واعية مصليه صايمه وملتزمه بناته يطلعن بطرك ملابسهن وهاي فيكات الشال مال سنام البعير ومكياج صارخ وبناطير اني واخواتي عباية راس ومحتشمات من كل النواحي . ضل عمي يعاملنا بسوء وضرب ومهانه ومن قرر يوقفنا عن واضائفنا خابرت غفران خالتي الكبيرة وهي منهارة وتشكي اله .. ورة يوم اجت خالتي وحجت مع عمي وقنعته تاخذنا نستقر بالحلة ومرته ضلت تقنع بيه اقتنع وره يومين هو اخذنا ورحنا للحلة وبدت قصتي بدايه جديده.....
من كتابات تراتيل حواء
دخلنا للحديقة مجان بيت جان قصر احنه عمرنا ما رايحين للحله ولا لبيت خالاتي لان جان بينهم خلاف ومانعرف شنو السبب . دخلناواحنه منبهرات استقبلتنا خالتي بوجه مرحب هي وبته مزوجه بس جانت جايه خطار تعرفنا عليه بفاتحه امي . كان قصرهم يخبل يدل ذؤق صاحبه خالتي ارملة . وعده اربع ولد وبنت وحده . احنه عمرنا ما شايفين ولده دلونا على غرفنا كل اثنين بغرفه اني نور بغرفه وغفران و سرور بغرفه كان عده أربع ولد وبنت
.... تعرفنا على ولده الثلاثه كانو خريجين وموضفين بس استغرب ليش ممزوجين الكبير اسمه عباس ما شفناه لان دكتور ومسافر تعرفون الاطباء كثيرين السفر عمره 35 سنه وممزوج جراح مشهور وهو سبب غنائهم واخوه احمد 32 سنه مهندس واختهم نرجس 30 مدرسة وعده اثنين بنات و حازم 28 عمره موظف . وحسين 24 مترجم ..... مضت الايام واحنه عايشات احلى عيشه برفاهيه وحنان خالتي عوضنا عن مأساتنا... والولد كولش طيبين ويانه وكولهم مثقفين وابد ما شفنا منهم شي .. اني تم نقلي الى الحله واختي سرور عافت المدرسه لانه كانت اصلا ممتعينه ادوام بمدرسه اهليه وغفران وعدته خالتي تفتح مكتب اله . ونور تم نقلها هم واستقرينا شهر كامل اني ما شايفه هذا الي أسمه عباس ..... بس الباقين كولهم عرفناهم وجانو خوش ناااس.
سرور.....
نزلت وجان اشوف احمد كاعد يتريك خجلت جنت اريد اخدر شاي من شفته اتراجعت وردت اروح جان اسمع صوته وهو ياكل تعرفون الشخص من يحجي وياكل اشون يصير صوته 😂😂
احمد::تعاي يمعوده ان حضرت الشياطين غابت الملائكة
سرور:: بكلبي عزه شون عرفني هو منطي ضهره وكاعد ع الطاوله اشعرفه اني؟؟؟
احمد: تفضلي مسويه بيض وطماطه يخبل
سرور ضحكت :صباح الخير 😂 انت تعرف تسوي؟!!!@
احمد: صباحك ورد .ههههه اي اكيد من كنت بالقسم الداخلي حتى تمن اركب
سرور بصدمه : صدوك
احمد: اي احب الطبخ هههههههه سهل تره
سرور:: بيني وبينك اني ولا طكه بالطبخ فاشلللله 😂😂😂
احمد: اني اعلمج وكام غسل اديه واستأذن
يلا مع السلامة بعدين ادخلج دورة تأخرت ع الدوام وراح جان حاط عطر يخبل ..
#هاجر
اما اني نزلت لبست ورحت للدوام جان عندي شفت صباحي .. طلعت من البيت اتمشى للشارع الرئيسي جانت الدنية ماطرة قبل يوم والشارع مطين دا اريد اعبر ووكع جزلاني بالشارع دنكت اريد اشيله وماحس غير سيارة اجت تدعمني رجعت لورة وانخطف لوني وضجت حيل شنو هذاالأعمى منين اجه عليه وطيني اطين
وكفت السيارة ونزل منه شاب لابس مناظر كال ارجوا المعذره ماشفتج اختي
اني عصبت حيل من بروده
هاجر: اشبيك ليش ما شفتني اجيت تموتني وتعتذر بساطه اذا موكد السياقه اشعدك اسوق حجيته بستهزاء وصياح وعفته حتى مالحك يحجي شي رحت للدوام وعباتي كله طيان وجان ابد مو يوم حضي خابرتني خالتي كالت تعاي من وقت اليوم عازمه خالاتج وعباس اجه من السفر اني كتله احاول....
يتبع اسفه اذا حطيت حزن بالبداية انشالله الاحداث الجايه اقوى واحلى .......
تراتيل حواء