ملاك الرحمة

24

من شافه اتجاوبت وياه
.. هي مكدرت ترفضه وضعفت كدامه لطالما حلمت بي الانه تعشقة وبجنون .. بس هو أخذه بغير شي وصدك اهوامه ظغط على شفاهه بقوة وهي فجاء حسته ديأذيه صارت تحاول دفعه عنه ومكدرت ..الى ان هو وخره ودفعه عنه وكال: هسة تأكدت انت حالج حاله!!! كلجن نفس الطينة ورخيصة وهز براسي ..وهي ضلت صافنه عليه وشفته تنقط دم!
وطلع وعافه بوحده مصدومه ما مصدكه الي صار مشت بخطوات متثاقله لغرفته كوة وصلت لفراشه انطرحت عليه وضلت تباوع للسكف . وره ساعه الا كامت للحمام فتحت الماي وضلت تغسل بوجه بقوة وخاصه شفايفه مردتهن مرد ما خلت بيهن وكعدت بنص الحمام تندب حظه معقوله هذا عباس الي حبته واعتبرته مثله الاعلى!!!!
معقولة هيج يسوي بيه ويظن بيه هذا الظن . بس بعدين كالت استاهل كل الي صارلي اني غبره مشيت وره كلبي وضعفت كدامه المفروض ابد ماانطي مجال يفكر يتقرب. أني غبية وضلت طول الليل ما نايمة وتلوم بنفسه وحتى لطمت ع خدوده بهاي الليله حست كولشي راح حبه وشرفه!!
ثاني يوم مكدرت تطلع خابرت صديقته تطلب اله اجازة .. وبعده  طلعت جنطه صغيره حطت بيه كم قطعه ملابس .. وخابرت غفران
هاجر : اشونج غفورة
غفران : هلا حبي اشونج كلبي
هاجر : غفورة اريد اجي يمج اقضي كم يوم عادي
هي: وج.عادي مو دوم اطلب منكم تجون يمي ومحد تجي تبات  .
اني: ميخالف دزين الي جاسم يجيبني الج ..
هي اي حب تدللي بس هاجر صوتج بي شي باجيه؟؟
اني: لا لا بس ضايجه احس بوحده واريد اجي يمج اذا مابيه احراج
هي: لا ولج هلاااا بيج والله فرحتيني ..
اني ما طلعت من غرفتي ضليت بيه منا من صار الضهر الان جاسم من يجي من الدوام الا يمر ياخذني .. نزلت لخالتيه واأخذت منه أذن وهي وافقت عباله ضايجه ع خواتي من سافرن . هذا الحجي ب 12 الضهر وجانت بس خاله بالبيت صدك من اجه جاسم  ب وحده ونص الضهر .دك الباب اهنا اجه عباس من الدوام وصادفه سلم عليه وكله تفضل ادخل اتغده يمنا
جاسم: لا والله مستعجل جاي أخذ هاجر واروح
عباس : سكت وكال اها .
اهنا طلعت هاجر ما باوعت بوجه عباس سلمت ع جاسم وكعدت بصفه وراوحووو وضل عباس يتبعهم بنظراته........
وصلت لبيت خالته ام جاسم .سلمت عليهم وراحت ويه غفران تسولف وتلعب وية بت غفران عسى ولعل تنسى الي صار وياهه ...
العصر .. الا طلعت هيفاء وسلمت ع هاجر بثكل ...
هاجر: هيوفة راح اصلين مبوزه هيج ترة ارجع من حيث اتيت
هيفاء: ها ولج لا بس اني بخاطري منج
هاجر: اها يعني مراح تستقبليني بغرفتج؟
هي باوعت بطرف عينه لهاجر وكالت
لا ولج اكيد تنامين ع كلبي قابل اعوفج تنامين بنص غفران وجاسم لو يم امي الي شخيره يشرد سابع جار
ضحكت هاجر من كلبه على كلام هيفاء بصوت عالي وبعده اجته هستريا بكاء مفاجاءة ضلت هيفاء صافن عليه ...
هيفاء : عزه اشبيج يا عود صدك
غفران اجت شكو شكو شنو كولتي اله هيفاء ؟؟
هيفاء؛؛ يا اني شعليه هي مادري اشبيه طاكه وايراته ...
غفران حظنت هاجر وربتت ع كتفه وتأكدت اكو شي صاير وراء جيته مو خالية... ....كالت اعوفه تهدأ وأساله .
ثاني يوم هاجر داومت وما قبلت تحجي شي لغفران وجاسم يوصله بطريقه  ..
ضلت أيام بيت خالته ام جاسم وام عباس استغربت منه ..بس كالت احسن خليه اهناك مناك من يجن اخواته اني دوم تعبانه ونايمه وهي وحده خطية ...
انتهى وقت العمل عند هاجر وخابرت ع جاسم . رد عليه وكال اعذريني وديت سيارتي للتصليح بس خابرت عباس هسه يجي ياخذج؟؟!!!!!!!!!!!!!!!!!!!!!!!
تخبلت هاجر سدت التلفون ابسرعه وشالت جنطته ولبست عبايته وطلعت من الموستصف بيت ام عباس قريب عليه بس بيت ام جاسم بغير حي وهي تستحي تاخذ تكسي وتعرفون بعادات العراقيين ماتصعد تكسي ابنيه ممزوجه وشابه بوحده . كالت خل امشي يم خاله ام عباس اكعد يمه منا للعصر واشوف بلكت جاسم يجي ياخذني اهم شي ما شوف وجه عباس صدك كامت تمشي ابسرعه بس الي ضايقه وجود شباب من عمره ع ماطور او دراجه صاعدين أثنينهم وبس يذبون اله كلام ويمشون ع البطيئ وياه .. احتارت شنو اسوي حتى يولون عنها يااربي . غلست وحاولت تسرع بس شافت من بعيد ع الشارع سيارة عباس ياربي تطلع مو هي بكلبه كالت ... واحد من الود أجرئ  وتقرب منه و حاول ينطيه ورقه يمكن بيه رقمه ... بهاي الاثناء نزل عباس والغيرة وصلت حده من شافه مرتبكه وخايفه منهم وهمه واحد منهم تقرب عليه ودينطيه شي . كبل من غير سابق انذار نزع جاكيته جان لابس جواه تي شيرت اسود قصير الاكمام ولزم الشاب مرعده تمرعد بالبوكسات والثاني من شاف واحد معضل كتل صاحبه خل وشرد بالماطور !
فقد عباس ع الولد هاجر من شافته هيج رادت تتقرب تهدي خافت يموت الشاب بين ادية .(ملاحظه جانت الدنيا ضهر والشارع الخدمي ماعليه هلكد رجل والشارع يصفر وخاصه الدنيا صيف وموت حر) نرجع للاحداث باوعله عباس بنظرة غاضبة وكال لروحي للسيارة .  هي كولش خافت منه طلعت كبل ومشت ركض للبيت ماركبت السيارة فتحت اله خالته
هاجر:  وهي ترجف خوف اشونج خاله
خالته : هلا هجورة!!!!!!!
هاجر : جاسم سيارة عطلانه واجيت لهنا العصر اروح ..
الام بعد ما دخلته راح للمطبخ وهاجر رادت تصعد لغرفته اهنا دخل عباس للبيت من شافته كبل ركضت للدرج وهو ركض وراهه .
وصلت لغرفته وهو وراهه رادت اسد الباب بوجه . هو ما خلاهه دفعه ودخل وهي وكعت من قوة الدفعه
تراجعت لورة وهي واكعه . 
هو: كومه ..هاجر أشبيج؟!
هي: وخرت اديه وكالت لا تلمسني امشي اطلع بره
هو: هاجر ليش ترجفين شنو سولوج ذوله الحقراء
هي :: خافت منه اكثر من اذكرت شنو عمل بيه اخر مرة... يتبع.....
زهراء العراقيه
تراتيل حواء