ملاك الرحمة

17

اني: فتحت عيوني على وسعه
هو: احم.اليوم حجزت الج عند مركز تخصصي للأسنان
اني: شنو
هو: ابصراحة انت شخص عزيز علية لهذا اني يتوجب عليه مساعدتج اجيت احجي هو سكتني اوكفي خل اكمل كلامي ..: شوفي هاجر انت تعنين الي من شافني صفن عليه وضح وياريته ما وضح من كال كأبنت خاله وأخت وانسانة طيبة جدا وتستاهلين الافضل لهذا اني قررت اساعدج وانت دوم تكولين مابيه شي اذا شخص ساعد أخية بالاسلام حط ايده ع فكة السفلي وكال مو صحيح كلامي
اني: اندهشت وكلت اي بس انت ما...
قبل لا اكمل قاطعني وكال صحيح اني كذبت من كلت الج نسافر كمساعده اسفة بس اعرفج مراح ترضين..
اني : اي بس اني مو
هو: هاجر اذا رفضتي عرضي نرجع باجر العراق اني خلصت شغل بس ثقي بالله بعد مراح الساني يخاطب لسانج
اني: انصدمت وسكتت كالعادة كام وكف وكال بصيغه امر يال تأخرنا ع الموعد واني كمت وراه ...
كشف عليه الاخصائي وأسمعه ماعرف شنو يكول لعباس وعباس هم يرد عليه كانت يمكن لغتهم أنكليزية بس اني ما افهم افهم بس فرنسي
كملوا كلام وطلعنا ..
عباس باجر حتسوين عملية بسيطه 
اني: اوك
هو: ليش ضايجه
اني : لا ما ضايجه رحنا للسينما وكان فلم رومانسيه كووولش ومن طلعنا طلعت منهارة لان نهايته حزينه  وعباس يسكت بيه مثل الطفلة
ثاني يوم رحنا ووخلصنا .. طلعت عباره عن قلع جميع أسناني واعادة زرعه من جديد الله اليعلم أشكد كلفته العمليه المهم .. بعد ثلاث أيام اشويه ارتاحيت ..
وهم طلب مني اغير ملابس وطلعنا وطول الطريق هو ساكت الى ان وقف بينا التكسي يم مجمع مدري مركز مبين مركز تجميلي  وماحجة وياي كولشي دخلنا ...
بعده عرفت انو هذا مركز ليزر تخصصي .. وعملت اول جلسه ليزر للوحمه جنت مثل الي عايشه بحلم بصراحه ابد مصدكت هذا واقع ودا اعيش معقوله حلمي تحقق وخلصت من  مشاكلي .....
......
ضلينا كل يوم نطلع بمكان وتونست وياه بس الي يضوجني معاملته الي كاطفلة ...
عباس: يلا جاهزة ...اني: يس
هو : اليوم مراح انروح لمكان ترفيهي حنروح لمركز صحي
اني : يبوو بعد شنووو
هو: مفاجاةء ورحنا طلع مركز تخصصي للعيون وعملت عملية لصق عدسات بالليزر بصراحه ربع ساعه وخلصت العمليه وطلعنا مناك بعد كم ساعه للفندق ..
بس المصيبة لازم أضل مقطبه عيوني بقطن يوم كامل واه مصيبتااااه اشون بيه
وصلنا للفندق واني ايدي ب ذارع عباس اشون العرسان شايفين العروس من تلزم ايد العريس مثلهم بالظبط بس اني مو الان عروس لا الان عمية
عباس دخلني لغرفتي ونمت بملابسي لان مكدر اغير أبصراحه ما متعوده ع الظلام ..
ظل عباس طول الوقت يمي مراح لغرفته اخاف احتاج شي اني كتلني العطش
اني: عباس
هو : نعم  هجورة 
اني : عطشانه . هو رأسا جابلي كلاص ردت اهذه منه وماحس غير الكلاص قريب ع حلكي وشربني هو ومن اجه وجبة العشاء كعدني ووكلني مثل الاطفال ..
اني: شبعت
هو: اها الحمدلله هاجر حتنامين بملابس ؟ وحط الصينية ع صفحه
اني لعد شسوي مكدر اغير عمياوي
هو: احضرلج الملابس وانت غيري هاجر ملابسج غير مريحه وانت تعبانه وطالعه من عملية
اني : هاا لا هيج مرتاحه
هو كام ماعرف شنو سوة
وانوب رجع جايب اله ثوب وكال هاج هذا البسي حتى لو بالمقلوب  وانني انتظرج بره  وسمعت صوت الباب . ردت انزع البدي جان ابو الرقبة وصعب متت خفت انزعه والقطن مال عيوني يروح و موزين عليه هنوب البنطرون ماواشوف حباسيه الحزام وضليت اهواي وقت احاول اغير وطنكرت حطيت الثوب ع صفحه وصحت لعباس
عباس : ها كملتي
اني : لا عباس روح نام اني حنام
هو دخل من شافني بملابس قطب عيونه واتقرب عليه : ليش هاجر
اني: مكدر اخاف بلوزي يوخر القطابات
هو من غير سابق انذار تقرب علية ورفع البلوز اني شهكت
هو: اني طبيب هاجر!!! وعن ميت جسد مرأة  اكشف لا تخافين مني وطبعا قبل لا اعترض كالعادة اصرف بتسلط ونزعني البلوز طبعا اني وحجابي وضليت بطرك الاتك يبووووو وابسرعه جاب الثوب وسترني بيه ونزعني البنطرون من جوه الثوب ايده خفيفه خلص وكال تصبحين على خير وحسيته نام ع القنفه
ما حجيت شي كنت منحرجه منه كووولش وضايجه بنفس الوقت منه ما احترم خجلي ..
كعدت الفجر كولش محصوره أجلكم الله مكدر اتحمل كمت من مكاني وحاولت اروح للحمام خجلت اكعد عباس خفت يتسلط اكثر ويدخل وياي للتواليت
يتبع