ملاك الرحمة

21

رجعنا للبيت بالليل وطول الطريق  مبوز
هو: هاجر رجاء مني من تجين للعيادة البسي فضفاض بدون زعل مني واتعبري طلب ..
اني: هااا بس والله لبسي مابي شي!؟
بداخلي شي فرح ماعرف ليش حسيت اكو بصيص أمل ..
وصلنا للبيت تعشينا ونمت
......
ثاني يوم لبست من لبسي القديم جبة عريضه ومابيه اي زينه وطلعت ماحطيت شي ع وجهي صبحت ع خالتي تباوع اخبار من الصبح ورحت للمطبخ شفته كاعد يتريك كالعادة . صبحت عليه انطاني نظرة جانبيه وابتسم
اني فرحت كلت لعد اكيد جان ما عاجبه التغير همزين مالبست منه اليوم ..
مجنت كاعده الضهرية بغرفتي واجتني نور تركض فرحانه واخيرا تخرجت هي عاده سنته الاخيرة مرة واجت ميته من السعادة الان واخيرا حيتم زواجه وسرور هم فرحت وياه الان عرسهم متأخر لان احمد يريد مع حسين يزوج بنفس اليوم .. بعده خاله اقترحت ازوجهم كولهم بنفس اليوم حسين واحمد وحازم هم ازوجه خطيبته بنت عمته ... ...... وفعلا تم الزواج .....
من اجوي من الفندق باليوم الثالث الهم سافروا لأيران سياحه .......
يعني فضى عليه البيت بس اني وخالتي وعباس .. بهاي الفتره اشويه عباس صار زين وياي صح قليل الكلام بس عاد بعد ما يباوع عليه بهاي النظرات الي تموت واني هم ابد ما اتقرب منه ماريد اصير مثل هيفاء لزكه هي صدوك يمنا بهاي الفتره وبس تزعج بيه بتصرفاته اني ابصراحه كمت احترك حرك من اشوفه تتقرب منه وتتودد عليه. الغيره بدت تسري في دمي .. رغم هو ما معبره ويعتبره طفلة!!!
....
رحت وياه للعياده كالعادة اول ما دخلنا سلمت ع امير ورحت وانشغلت مع عباس بالحالات والي تحتاج ابرة وصرت اعرف للعلاج يرجعون الي المرضى اني احدد الهم الجرعات ....
اجاني امير وانطاني كلاص شاي حار ما رديته اجه بوقته كعدت اشرب ... بعدين كمت لأمير اريد كلاص ثاني وامير كالعاده بس اوكف يمه يستلمني بس يريد يفتح مواضيع وياي .. واني اختصر وياه بس هالمرة ضل يسأل عن بغداد و مناطق بغداد بما اني بغدادية ...
ضليت كاعده يمه واشرب الجاي وماحس على عباس غير وهو طالع من عيادته وصاحلي اني كبل كمت وراه ...
هو:: كعد روحي للمرة ساعديه دخلت لجوة وخلص اليوم بس هم رجع عباس عصبي ويخوووف ثاني يوم جان يوم عطله العياده .......
جنت كاعده بالمطبخ واكنك والبومة هيفاء وياي هم تكنك ما نسولف سوة . 
دخل عباس كعد يمنا وهم بيده موبايله ..
هيفاء : عبوسي تريد جاي
هو: لا
خنب عبوسي بعينج هو اني اكبر منج وما اصحيله غير دكتور وانت عبوسي الله يحركج ...
هيفاء : اي عباس شنو رأيك بالشعر القصير .. اليوم قصيت شعري
هو: بالعافية وما علق ..
هي:زين انت شنو تحب اكيد القصيرة لان مرة كولت ع توبا التركية حلوة ؟؟مو
هي: الو عباس دحجي وياك
عباااااااااس
هو: ها ها شنو
هي: لا هيج بس سالتك تحب الشعر القصير
هو:لا
اني اشمتت الان شعري طويل
هي : صدوك اكو كنافة تخبل تريد منه
هو: لا هيوفة ماريد
هي: لا ليش والله صايرة تخبل
هو:  اها شكرا عاشت اديج من اجوع اكل ..
هي :عفوا
اني كلت شنو عفوا ولج هو اني سويته انت بيضه متعرفين اتكلين كلته بنبرة غيرة بصراحه ضوجتني ...
هي: لا ليش اني كولشي اعرف اسوي بس انت لازكه بالطباخ 24 ساعه
اني :عا ولج اجي من دوام تعبانه وانت وحده محد يمج وما اسوين غده اني اسوي!
هي: اني خطار مجايه اخدم
عباس: كافي شنو تتعاركن كدامي؟؟؟!!!!!
هي: اشو ابسرعه طلعت دموع والله عباس  اني كولشي اسوي بس هي ما تخليني تكول تحركين الاكل
اني: عااا يمتى اني شعليه بيج صدوك تحجين انت
هو: هاجر كااافي
اني صدك ضجت كمت وعفتهم ... ...
ثاني يوم . رحت لدوام ومن رجعت ارتاحيت واجه عباس اخذني للعياده وبعد ماحجيت مع هيفاء مزاعلتني
دخلت انصدمت من شفت ابنية تطلع من عمري كاعده بمكان امير..
اني سلمت عليه وعباس كال هاي السكرتيرة الجديدة وياج ...
اني ضجت ع امير وسالته وينه اشو هو باوعلي صفح وماجاوب ع سؤال ودخل وبدة يشتغل ..... .................
........................
السلام عليكم ..
اني رفعت راسي وجان اشوفه هذا نفسه الشخص الي شفته بعياده عباس من تبده عليه العصير .. اني وعليكم السلام دكتور
هو: اشلونج هاجر!!
اني: الحمدلله ثواني انطي لدكتور خبر
هو:لا اني ما جاي ع عباس ممكن كلمتين برة
اني : استغربت منه كتله خير حضرتك شنو تريد مني!!!
هو:لا بس كلمتين بخصوص العمل ..
اني طلعت وياه من مكاني ورحت وكفت وياه يم المصعد بس ما نزلنا يم صاله الانتظار ...
من كتابات تراتيل حواء
هو دخل بالموضوع وعرض عليه أجر اكبر من الي أخذه اهنا حتى أشتغل عنده بعيادته بس اني رفضت واختصرت الحديث وهو بس يحجي طبعا الي واكف كدامي دكتور مكدر اعوفه وامشي وهو مايكول شي عيب بس بخصوص عمل ...
الراوية ؛: اهنا عباس طلب هاجر بس ماكانت بمكانه حتى تسمع طلع اله ما شافه بالمكتبه طلع لبره هم ماهيه يم السكرتيرة باوع لمحه يم المصعد وتحجي ويه نذيرررررر صديقه @!!!!!!!!!!!!!!!!!!!!@!@ يتبع