Lipstick Lullaby

Chapter Ten

SASKIA

Nag-aayos na ako para sa sayaw ko mamayang gabi. Hangga't hindi pa lumalaki ang tiyan ko tuloy pa rin ako sa pagkayod ko. Makaipon man lang pandagdag sa panganganak ko at sa mga pangangailangan ng bata. Hindi naman ako pwedeng umasa lang sa pangako ni Migs. Paano kung hindi na magpakita ang gagong iyon?


"Ate!" Dumungaw si Yuka sa pinto ng kwarto namin at sumigaw. Naglalagay ako ng eyeliner nun kaya sa gulat ko lumagpas ang eyeliner.

"Yuka naman! Nakita mong nagmemeykup ako!" Singhal ko.

"Ate, may bisita ka! Dali!" Sabi niya.

"Sino ba yan?" Kunot noong tanong ko. "Ano'ng oras na o? Kailangan ko pang mag-ayos, papasok na ako sa club!"

"Ate! Maraming dalang mga bag ng grocery!" Sabi niya.

Lalong lumalim ang kunot ng noo ko. Sino naman magdadala sa amin ng mga yun? Lumabas ako at nakita sina Nanay at Cosme na nakatayo sa pinto ng bahay. Naririnig ko na may kinakausap sila.

"Ikaw ba yung nakabuntis sa anak ko?" Narinig kong tanong ni Nanay.

"Um... yes, ma'am." Sabi ng pamilyar na boses ng lalaki.

"Para sa amin ba yan?" Tanong ni Cosme.

"May dala rin akong donuts para sa inyo." Sagot niya.

Agad akong lumapit sa may pintuan at hinawi ang mag-ina. Nakatayo si Migs sa paanan ng hagdan paakyat sa pinto. May dala itong isang katutak na paper na galing sa grocery. Nagtama ang mga mata namin at pumamewang ako.

"Ano'ng ginagawa mo dito?" Tanong ko sa kanya.

"I just brought you some food and vitamins." Nagkibit-balikat siya.

"O, ngayon? Gusto mong magpasalamat ako?" Tumaas ang isang kilay ko.

"Kuya, sabi ni Cosme may donut ka daw." Si Yuka.

"Meron. Gusto niyo?"

"Ako gusto ko!" Sagot ni Cosme.

"Krispy Kreme ba yan o JCo?" Tanong ni Yuka.

"Tara, pogi! Pasok ka, kainin natin yan!" Aya ni Mammy.

"My!" Lumingon ako sa kanya at pinandilatan ko siya.

"Ate, mukhang masarap eh." Sabi ni Cosme.

"Hindi naman tayo mga patay gutom! Donut lang magpapauto kayo? Bibilan ko na lang kayo mamaya sa 7eleven!" Galit na sabi ko.

"Halika na nga kayo, pumasok na lang tayo. Hayaan niyo na ang ate niyo diyan." Saway ni Nanay sa dalawa.

"Kuya, wait! Amin na lang yan. Sayang!" Bumaba si Yuka sa hagdan at kinuha ang dalawang kahon ng donut mula sa lalaki pagkatapos ay pumasok ang tatlo.

"Um... I just want to apologize for how I acted..." Nagbaba siya ng tingin na para bang nahihiya. Kung may hiya nga ang tarantadong ito.

"Inuuto mo pa pamilya ko." Galit na sabi ko.

"I just thought it would be impolite to visit and not bring anything for your family. Pwede bang mag-usap tayo, Saskia?"

"Nag-uusap na tayo." Humalukipkip ako.

"Can I come in? Gusto kong pag-usapan natin ng maayos ang tungkol sa bata..."

Napapikit ako ng mariin bago muling tumingin sa kanya. Para sa anak ko, makikipag-usap ako sa gagong ito. Makaraan ang ilang sandali ay tumalikod ako papasok sa bahay. "Pasok."

Narinig ko ang tunog ng kahoy na hagdan habang umaakyat siya. "Saskia..."

"Upo." Ngumuso ako sa bagong bili na sofa namin mula sa perang binigay niya sa akin. Sumunod naman siya at umupo. Tahimik na nagtitigan kami.