Red Strings

Chapter 1: Red string

RANI

Nandito kami ngayon sa cafeteria at lunch na. Kasalukuyan kaming nakapila hindi parin nawawala sa isip ko yung lalaking di ko man lang nakilala.

Ilang araw ko na rin siyang iniisip. Ano kayang degree niya?

Umalis na yung nasa harap at ako na yung oorder. Ewan pero nung biglang may lalaking dumaan sakin may naramdaman ako kaya napalingon ako sakanya at pinagmasdan ang kanyang likod na gumagalaw dahil tumatawa siya kasama ng iba pang lalaki. Pamilyar.

"Rani! Gising! sino ba tinitignan mo naghihintay si Ate!" Nabalik naman ako sa wisyo ko ng sigawan ako ni Pey. Ingay talaga niya.

"Pasensya na po isang order na lang nito, nito at nito-- ay wait eto pa po tsaka hmmmm ice cream at isang tubig!" feeling ko kasi kailangan kong kumain ng madami para di ako ma-stress.

"Salamat po!" Nakuha ko na yung tray ko napangiwi naman sila sa dami ng laman ng tray ko. Isang mushroom steak, adobo na may kanin syempre! At isang slice ng chocolate cake at large fries , ice cream na nasa cup at tubig panulak. Oha! Sasabak ata ako giyera kaya napangiwi din ako hehe.

Agad akong pumunta sa pwesto nila Lendel at Nial na napanganga sa kinakain ko once in a blue moon lang kasi ako maging ganito kapag may iniisip lang. Nag snap ako ng fingers sa mga mukha nila at natawa, nagkibit balikat lang sila. Nagsimula na akong kumain hmm ang sarap talaga ng pagkain kapag stress ka naappreciate mo sila. Dumating na sila Cloe , Kylie at Pey.

"Ran ano nga pala nangyari dun sa booth na pinasukan mo? Nakahanap ka ba ha? Pogi ba? Asan?" naku nagtanong pa si Kylie! Ako naman subo ng subo dito dahil naalala ko ang pagka dismaya ko.

"Oo nga malungkot ka pag labas mo at maya maya naman ay ngumingiti ka! Anong nangyare sayo dun ha? Umamin kana!" Medyo pabagsak kong nilapag kutsara sa plato ko at napabuntong hininga kahit nakalobo ng konti ang aking pisngi dahil nginunguya ko.

"Mukhang alam ko na kung bakit ang dami niyang pagkain ngayon! Ano ba kasing nangyare? Magkwento ka!" Isa pa tong si Nial eh.