Ayaw niyang madisappoint si Daddy at Mommy sa kanya.
But now…
Itinaas ko ang kamay kong may suot ng singsing na bigay ni Jahann noong birthday namin ni Aly.
Ngumiti ako ng malungkot.
Ngayon lang siguro ako magpapasalamat na nasa malayo si Jahann. Alam kong kung nandito lang siya, ipipilit nito ang gusto nito.
Masisira ko lang ang buhay niya.
Itinakip ko sa mga mata ang braso at pumikit.
Ayokong isiping totoo ang hinala ni Kol. Malabo. Imposible. Hindi pwedeng totoo ang bagay na iyon.
Kahit pa masama ang pakiramdam ko at gusto kong uminom ng gamot para makatulog, mas pinili kong huwag gawin ang bagay na iyon.
What if I am really pregnant?
Naging mailap ang antok sa akin nang gabing iyon. Kinailangan kong pilitin ang sarili ko na matulog. Hindi ko mapigilang isipin ang mga possibilities.
Nang lumabas ako ng banyo ay tsaka ko lamang binuksan ang cellphone ko. Sunod-sunod ang text na nanggaling kay Jahann. Napangiti ako ng malungkot.
Since sinabi ni Aly ang nangyari sa akin, nag-alala ng husto si Jahann.
Hawak ko pa ang cellphone ko nang magring ito. Pangalan ni Jahann ang rumehistro sa screen ng cellphone ko. Nanginig ang kamay kong may hawak ng cellphone.
Tila may mga naghahabulan sa dibdib ko habang nakatingin sa pangalan ni Jahann.
“Cherinna? Gising ka na?” kumatok si Aly sa kwarto ko. Mabilis kong inilagay sa bag ko ang cellphone ko at naglakad papunta sa pinto.
“Yes, I’m up…” binuksan ko ang pinto at lumabas. Kumunot ang noo ni Aly sa akin. “Okay ka lang? Maaga kang natulog kagabi?” tanong niya sa akin at hinawakan ang kamay ko. Tumango ako at ngumiti. “Yeah. Nagbawi ako ng tulog, eh. Bakit?” tanong ko sa kanya bago isinara ang pinto ng kwarto ko.
“Tumawag kasi sa akin si Jahann, sayang lang. Maaga kang natulog…” ani Aly habang sabay kaming naglalakad. Tumango ako sa kanya. “Next time na lang,” sagot ko sa kanya.
“Good morning,” bati ni Aly sa mga magulang namin. Nakaupo na silang dalawa at hinihintay kami.
Bigla naman tila ayaw kumilos ng mga paa ko.
I might be pregnant.
Hindi pa naman sigurado, eh. Pilit kong pinapalakas ang loob ko.
“Cherinna, ano pang hinihintay mo diyan?” tanong sa akin ni Mommy. Napaangat ako ng tingin sa kanya. Ngumiti siya sa akin. “Come on, para makapag-breakfast na tayo…”
Marahan akong umiling at saka naglakad papalapit.
“Dad, ‘yung promise mo kahapon, ha?” masiglang sabi ni Aly habang naglalagay ng pagkain sa plato nito.
“You don’t have to remind me everyday, Alyanna…” he replied. Tumawa naman si Aly dito at sinabing mabuti na ang nakakasiguro siya.
Nakatingin ako sa pagkain na nasa lamesa.
“What’s wrong, Cherinna?” tanong ni Mommy sa akin habang naglalagay siya ng pagkain sa plato ni Daddy. Napatingin naman ako sa kanya at agad na umiling. “Nothing, Mom…” ngumiti ako bago kumuha ng pancakes. Iyon lang ang parang gusto kong kainin sa lahat ng nasa lamesa.
Tahimik lang akong kumakain. Si Mommy ay nagtatanong kay Daddy kung may mga bibilhin ba para sa pagpunta sa New York pagkatapos ng klase.
Makakasama pa ba ako sa kanila?
-44-
Magsimula sa umpisa
