ELF

Chapter 6

Chapter 6

Nang matapos ang klase namin ay nagkayayaan na nga na pumunta kami doon sa sinasabi nila Peter at Grace na food stand which is street foods daw ang mga nandoon. Tutal Lunch time na rin naman at uwian na nga. Wala rin naman akong gagawin sa bahay kundi magbabasa lang edi sasama na rin ako sa kanila. Kung 'yon ang way para maging socialize person na rin ako at mag-iba ang turing nila sa akin.

            Ayoko na kasing magpa-api. Sawang sawa na ako na lagi ako na lang 'yong kinukumpulan ng pangungutya at pang-aasar kaya ngayon, babawi ako sa mga ginawa nila sa akin. Hindi man sa pisikal kundi ipapakita ko sa kanila kung paano umunlad ang isang kagaya ko. Kaya kahit ganito pa ako, kailangan ko na talagang mag-adust na makihalo kung anong ginagawa nila. Gaya nga ng sabi ko, hindi ako active sa kung anong mga bagay kaya ngayon, gagawin ko 'yong mga bagay na minsan hindi ko man lang nagawa.

            Kailangan ko ring i-improve ang self-comfidence ko sa sarili ko na kahit 0.0001 lang ang madevelop ko bawat araw ay ayos na sa akin 'yon atleast nagagawa ko.

            "Ano, Jacob? Tatayo ka lang diyan?" pambabara sa akin ni Grace.

            Umiling naman ako sa kanya at sumunod na rin sa kanila sa paglalakad. Medyo nahihiya pa rin ako sa kanila dahil hindi pa naman gano'n kami kasyadong close pero I know naman kapag nakasayanan ko na sila ay hindi na gano'n. Nahuhuli ako sa kanilang tatlo na nauna nang naglalakad sa akin.

            "Hoy! Ang bagal mo." Erika glared at me.

            "B-bakit naman?" utal ko pang sabi sa kanya.

            "Dalian mo kaya, ang baga bagal mo maglakad."

            Napakamot naman ako sa batok ko, "pasensya naman."

            At binilisan ko naman ang lakad ko hanggat sa makasabay ko na silang tatlo sa paglalakad. Kakaiba ang feeling. Hindi ako sanay. Noon nakikita nila ako na walang kasama, ika nga loner nga ako, boring at walang ka-sense of humor pero lahat nang 'yon natatago lang kasi ayokong makisalamuha. Nangingibabaw ang hiya at takot na baka ipahiya rin nila at pagtripan. Maraming nabubuong konklusyon sa utak ko. Lahat 'yon hindi naman nagkakamali. At ngayon na tinatawag nila akong kaibigan, hindi ko alam kung anong mangyayari.

            Dahil dati, ang pokus ko lamang ay ang pag-aaral at pagbabasa ng mga libro pero ngayon na kasa-kasama ko na sila. Mas magkakaroon kaya ng pagbabago ang daily routine ko?

            Nang makarating naman kami doon sa sinasabi nilang foods stand ay hindi nga ako nagkamali dahil puro food streets nga ang mga binebenta dito. Napalunok laway naman ako dahil sa nakita ko. Kung mag-iikot ka pa ay may makikita kang may mga karinderya and such na akala mo may fiesta dito kasi may mga estudyante rin na dumadayo.

            "Tara! Doon tayo kila tita!" sabi ni Grace.

            Hinigit naman ni Grace si Peter at hinigit naman ni Peter si Erika at hinigit naman ni Erika ay ako. Ayon, naghilain kami papunta doon sa tinutukoy na kila tita daw niya.

            Maya-maya din naman ay narating na namin 'yon at una ko agad napansin na isa 'tong street foods din, fish balls, kikiam, cheese sticks at may buy one take one pang burger.

            Nag-unahan naman silang tatlo doon sa isang table na may four seats pero ako nakatanga lang sa kanila at pinapanood ko silang nagtatawanan pero natigil ang halakhakan nila at napatingin sa akin.

            Tinaasan ko naman sila ng kilay ko na may halong pagtataka.

            "B-bakit?"