رواية أما غرام يشرح الصدر طاريه و إلا صدود وعمرنا ما عشقنا / الكاتبة صدود/مكتملة

76

‎البارت الســـادس والسبعـــــــــون ..

‎من القمر

‎سيدتي

‎أقسم بأنني جننت

‎ظننت هذا الحسن

‎مخلوقاً لنا

‎نحن البشرْ

‎ما كنت أدري أنه

‎على انتظار عاشقٍ

‎من القمر...

‎المرحوم بإذن الله تعالى ..غازي القصيي ,,,

‎سدحها على فراشها وقبلها على جبينها..
‎قرب لها العلاج وشربها إياهـ ..
‎وبعدها ضمها له بحنية..

‎ألف بسسمْ الله على مترِفْ زمآنَه !
‎آلمَرض مثلَه مثلْ غيرهـِ ، يبيكْ . .
‎وآلمرض معذور لو إنّي مككآنَه . .
‎كآن أخلّي كلْ هآلعآلمْ وأجيييك...
‎قرب شفايفه لها وقبل يقبلها..
‎همست بكلمة أجبرته ينسى كل وعودهـ لنفسه ولها..
‎كيف بعدها تفكر بهذا الشيء..
‎هديل\أنـ...ـا رســـل..
‎غازي يهزها بقهر\لا أنتي مو رسل..
‎أنتي روحي وذنبي..أنا مو ابوك وأنتي مو بنتي..
‎رسل ماتت ويمامتي حية..إنسي طعوني..
‎هديل\انا رسل سامحني..سامحني..
‎غازي بحدة\لا أنتي زوجتي..
‎لاتخليني أسوي شيء يزعلك مني..
‎يدري إنها تتكلم من غير وعي..
‎لكن هذا مامنعه من الغضب..
‎هي تعيش لحظات إغتصابه لها..
‎كانت تردد انا رسل سامحني..
‎تترجاه يتركها ويرحمها..
‎غاااضب من اللي سواه فيها..
‎وغاضب أكثر من ذاكرتها اللي مستحيل تنسى..
‎قبلها وكأنه يطلب منها ماتذكر اسم بنته..
‎بس قبلاته وضمه لها مامنعها تكمل هذيان وترتجيه يرحمها..
‎رفعها من على فراشها ودخلها دورة المياهـ ..
‎مسح على وجها ورقبتها بالماء..وهي شهقت برجفة..
‎غازي بحنية\هشششش إهدي ماعليك شر..
‎هديل\لاتضربني..خلاص سامحني خلاص..
‎بعدت وجها عن يدهـ المبلولة..
‎وخبته في صدره..
‎ضمها له بقوووة..
‎غازي\إذا مابطلتي حركاتك رجعتك البحر وصحيتك..
‎من بين كلماتها نطقت اسمه واسم شخص ثاني..
‎شخص يكرهه لانه كان بحياتها أيام موتها المزعوم..
‎..مسفر..
‎منقذها مثل ما ادعت أيام إيطاليا..
‎اللي مستحيل تنسى وقفته معها ومساعدته لها..
‎يدري بعدم وجود مكان لمسفر في حياتها..
‎بس هي ماتدري إن لها مكان كبييير عند مسفر..
‎هو زوجها لاحظ إنهزام مسفر في حرب مابداها..
‎لاحظ حسرته في فقدان شيء ما ملكه ومستحيل يملكه..
‎بس اسمه لازم ينمحى من لسانها من حياتها كلها..
‎تملك أو حق أوجنون..
‎مايهم وش مسمى طلبه المهم ينمحى من حياتها..
‎خرجها من الحمام ولفها بفراشها..
‎غازي بوعد\إرجعي الرياض..
‎والله اليوم اللي بترجعين فيه ماتمسين الا في بيتي..
‎قبلها وهو يودعها..وحب انه يترك لها علامة..
‎لانه واثق إنها مستحيل تتذكر شيء من اللي صار..
‎لوكان علي بعيد عنهم..
‎لوكانت الظروف بصالحه..
‎يقدر ياخذها غصب عنها..بمعنى يختطفها..
‎بس هذا بيزيد عنادها..
‎وبترجع تتأمل ترجع لاهلها..
‎هي شكت له مالها مكان عندهم..
‎هي قالت تحس بغربة..
‎وهذا نفس احساسه لما رجع من غربة السجن..
‎حس ان الوطن ما يبيه..
‎وهله وناسه متغيرين عليه..
‎لازم تدرك إن التغير ماهو من الناس..
‎والرفض ماهو منهم..
‎هي اللي تغيرت وصار كل شيء عكس حقيقته..
‎مايبيها تضيع سنين لحتى توصل لنفس النتيجة اللي وصلها..
‎خرج من غرفتها وقابل علي..
‎كان باين عليه العصبية والقلق..
‎فاهم شعورهـ..وابتسم بخبث..
‎هم بكل مرة يحاولون يقهرونه فيها ويغيضونه..
‎غازي بشطانة\مشكور يا ابو عبدالله..
‎أصلحت بين راسين بالحلال..
‎علي بقهر\بكرهـ أفرق بينهم وبعد بالحلال..
‎غازي بتحدي\والله ما تطول..
‎وترى الرياض مشتاقة لكم..
‎إرجعوا بدري..
‎علي\أعجبتنا الشرقية والغربية..
‎وشكلنا والله اعلم بنستقر هنا..
‎غازي\ولو رحتوا الجنوبية جايتكم الجاهة وبترجع هديل..
‎علي ببرود\وحتى لو جات الجاهة..
‎وطلبتوها وتعنيتوا..مابترجع الا اذا كان برضاها..
‎جاتك بالرخص والسهولة قبل سنين..
‎وشكلك لا صنتها ولا عرفت قدرها..
‎لاتظن إنا أنا مصدق ملحمتها عنك..
‎لو كانت صادقة وإنك طيب ومراعيها كان رجعت لك مبسوطة..
‎غازي\بترجع..
‎غصب عنكم غصب عنها بترجع..
‎برضاها ورضاكم بترجع..
‎أنا راعي حق وهي زوجتي..
‎وماتركتها طول هذا الوقت الا عشان خاطرها..
‎ولا من اول يوم وصلت فيه لامها كنت اقدر اخذها..
‎علي بحقد\دامك قوي وراعي حق مثل ماتقول..
‎انصفها عند اخوها..وقول وش سويت فيها..
‎غازي\هي مارضت تقول لكم لغاية في نفسها..
‎وانا ما بأقولك عشانها..
‎بس تقدر تشغل مخيلتك ..
‎وأي شيء مايطرى على بالك أنا سويته معها..
‎شال أغراضه وطلع من الشاليه..
‎ركب سيارته ورجع الرياض..