RoseBlood (..one drop fulfills a lifetime..)

~ † One Step Closer † ~

“Hindi biro yun anak… pwede kang mamatay dun. Pero proud ako…dahil isa sa mga mahusay na warrior ang nanay mo…” Ikinagulat ni Julia ang narinig nya. Ang Mama nya? Vampire warrior?

“Pero bakit napatay sya ng isang bampira?” Gulat na tanong nya. Akala nya pinakanakakagulat at mahirap paniwalaan ang nalaman nya kanina pero mayroon pa palang mas hihigit pa.

“Malakas ang nakalaban nya… madami sila at pinagtulung tulugan ang nanay mo… wala naman akong magawa dahil mas iniisip namin na ingatan ka… kya tayo nagtago nun at pinanood na lang kung pano mamatay ang nanay mo..” May pumatak na luha sa mga mata ng tatay nya.

~~~Flashback~~~

“Nagustuhan mo ba Julia ko?” nagniningning ang mga mata ng batang si Julia habang inaabot ang kwintas na regalo ng nanay nya.

“Wow Mama para na talaga kong prinsesa! Ang ganda nito! Salamat po! I love you!!!” Yumakap ng mahigpit si Julia sa nanay nya.

“Oo naman anak! Isuot mo toh lagi ah..kapag nalulungkot ka, isipin mo nasa loob nang pendant na yan lahat ng pagmamahal sayo ni Mama at Papa.” Tinulungan sya ng nanay nya na isuot ang kwintas na may pendant na maliit na glass bottle na may lamang transparent liquid at nakapalood ang isa maliit na kulay pulang hugis rose petal.

“Syempre hindi kumpleto ang birthday ng prinsesa namin kung wala ang chocolate cake!” Mula sa kusina pumasok sa living room ang tatay nya na may birthday cap sa ulo at dahan dahang naglalakad hawak ang cake na may kandila na nakahugis ng number 5.

“Happy na…birthday pa…!” Kinantahan pa ni Julia ang sarili nya at nagkatawanan ang masayang pamilya nang biglang may bumato sa  bintana at nabasag ito.

“Mama!” Napatakip sa tenga si Julia at napapikit ng madiin.

“Franco! Itago mo si Julia bilis!” Nagkatinginan ang mag-asawa. Nalaglag sa sahig ang cake na para kay Julia nang bitawan ito ng ama para buhatin sya.

Pagdilat ni Julia itinatakbo na sya ng tatay nya sa basement ng bahay nila.

“Anak wag kang iiyak…wag kang maingay madidinig tayo ng mga bampira…wag kang matakot nandito si Papa..” Sinusubukan syang kalmahin ng ama dahil nagsisimula na syang umiyak. Pilit namang sinunod ni Julia ang ama kahit na takot na takot.

“Pano si Mama…” Tanong nya nang mapansing inilock ng tatay nya ang entrance sa basement.

“Shhh…wag maingay anak. Eto..nandito si Mama.” Nagpunta sila sa isang maliit na table na may parang maliliit na tv screen. Binuksan ito ng tatay nya at nakita nila ang nangyayari sa bahay nila. Sa isa sa mga screen makikita ang living room kung nasan ang Mama nya.

Nakita ni Julia na may mga taong nakaitim na nakapalibot sa nanay habang sinusubukan nitong lumaban pero kahit bata pa alam nya na hindi kaya ng isang tao lang ang ganung karami.

“Mama!” Napasigaw sya ng mabuwal sa sahig ang nanay nya dahil sa isang malakas na sipa.

“Shhh anak wag…wag maingay magagalit si Mama pag nakita ka ng mga kaaway nya.” Mabilis na tinakpan ni Franco ang bibig ng anak.

Walang nagawa ang mag-ama kundi umiyak ng tahimik habang nakikita kung anong ginagawa kay Rose…ang nanay ni Julia…asawa ni Franco.

Hindi malilimutan ni Julia kung anong klaseng takot at kilabot ang bumalot sa katawan nya nang saksakin ng isa sa mga kalaban ang nanay nya sa dibdib nito. Bumagsak ulit sa sahig ang nanay nya at tuluyang nawalan ng malay habang dinumog ito ng mga kalaban at sa gulat ni Julia, parang mga gutom na nagppyesta sa pagkain na kinagat ng mga ito ang katawan ng nanay nya.