__مصطفى
كنت اجلس في الصالة مع امي و ابي .. انا افكر في زهراء حيث اخذ اخبارها من نور .. افكر كيف ستعيش بمفردها .. يا ليتني لم اتركها ..كم كنت اتمنى ان لا تكون تلك الوصية موجودة ..... قاطع تفكيري كلام امي
ام مصطفى: خطية زهراء
ابو مصطفى: اي هسة شلون تعيش وحدها؟
ام مصطفى: خلي تجي تعيش يمنا... يعني احنا مو غرباء عليها لان هي متعودة علينا ..واني احبها كلش
ابو مصطفى: اي والله و امي هم كلش احبها و عدنا غرفة فارغة ..بس طبعا هذا الحجي ورا ما يتزوج مصطفى
مصطفى: بعد باجر اتزوج
ابو مصطفى: شلووون؟
مصطفى: نتزوج بالمحكمة و بعدين نسوي حفلة و هالشغلات
ابو مصطفى: مو رغد تريد تكمل دراستها
مصطفى: خلي تكمل منو لازمها الفرق انه ببدال ما تدرس ببيتهم تدرس هنا
ام مصطفى: و اذا صارت حامل؟
مصطفى: مراح تصير
ابو مصطفى: راح اخابر عمك اسأله
كنت متأكد انهم سيوافقون ..كيف لرغد ان ترفض شيئا كهذا!
(في اليوم التالي)
ذهبنا الى المحكمة و تزوجنا يعني فقط كلام على ورق و الاختلاف هو ان رغد ستعيش معي في البيت و ستشاركني غرفتي
رغد: بعدين نسوي حفلة مو؟
مصطفى: الله كريم
__زهراء
بدأت استوعب فكرة انني ان ارى جدي و جدتي ثانية و بدأت اتعود على غيابهم.. سمعت طرق الباب و ذهبت نور لكي تفتحها ..كانت ام مصطفى.. ادخلتها نور الى غرفتي و جلسنا
ام مصطفى: سلام عليكم
زهراء: عليكم السلام خالة تفضلي
و بعد ان جلست قالت: شلون صرتي؟
زهراء: الحمد لله على كل حال الله يصير الانسان بمرور الوقت و نور وياية خطية ابد ما عافتني وحدي
ام مصطفى: اني اجيت اريد احجي وياج بموضوع
زهراء: تفضلي خالة
ام مصطفى: حبيبتي انتو بنات و ميصير تعيشون وحدكم بالبيت و نور هم عدها اهل لازم ترجعلهم و اني و ابو مصطفى كلش نحبج و نريدج تجين تعيشين ببيتنا
زهراء: 😳لا خالة شلون يصير
ام مصطفى: لا تكولين شلون انتي اصلا كنتي راح تصيرين وحدة من عدنا بس لو ما الوصية... . و بعدين انتي متعودة علينا و كأنما كنتي عايشة ويانا يعني هسة شنو الفرق !! و طبعا اني مو شفقة عليج لا والله بالعكس اني كلش افرح اذا اجيتي يمنا اني كلش احبج ..الله شاهد حالج حال سارة (ابنتها)
نور: لعد و مصطفى شلون يصيرون بنفس البيت؟
ام مصطفى: اليوم مصطفى راح للمحكمة و تزوجوا علمود تجي زهراء
نور: لعد اذا هيج ميخالف
ام مصطفى: يلا كومو خلي نرتب البيت زهراء روحي رتبي غراضج و غرفتج و اني و نور الباقي
زهراء: ممم
رتبنا البيت و اخذت اغراضي و النقود التي في البيت و اوصلت نور الى بيتها و ذهبنا الى بيت مصطفى
رحب الجميع بي... كانت غرفتي هي نفسها غرفة مصطفى لكنه هو ذهب في غرفة اخرى اكبر لانه تزوج .. جيد فهذه الغرفة فيها ذكريلتي مع مصطفى.. مرت الايام و انا ادرس بجد ..لم اكن اشعرهم بوجودي ..حيث في الصباح انا في المدرسة و عندما اعود اتناول معهم الغداء و اذهب الى الغرفة ادرس و في العصر اذهب الى العمل و اعود مساءا و اتناول العشاء معهم و اذهب للغرفة ادرس ..كانت رغد تحبني في البداية و لكنها رأت انني لا اعيرها اهتمام و اهل مصطفى يهتمون بي اكثر منها بدأت تحقد علي ..بدأت الامتحانات و انتهت .. نجحت بمعدل 98 اما مصطفى فقد كان معدله 95 و رغد معدلها 80 و معدل نور 97
