—مصطفى
بدأت أتعلق شيئاً فشيئاً بزهراء أصبحت لا انام الا و انا اسمع صوتها او احادثها كانت تأتي بين فترة و اخرى الى بيتنا و تعرف كل العائلة و عائلتي كلهم يحبونها و انا ايضاً اذهب الى بيتهم و جدها و جدتها يحبونني و الجميع يعرف بحبنا سوف أتزوجها بعد ان تدخل الى الكلية
(يوم 2014/2/8)
ام مصطفى: مصطفى اليوم راح نروح ببيت جدك نريد نفتح الوصية مالته
مصطفى: اوك هسة أغير ملابسي
رِن هاتفي كانت زهراء
مصطفى:هلو
زهراء:شلونك
مصطفى: اليوم ما اكدر احجي هواي هسة دا أبدل حتى اطلع
زهراء: وين🙁☹️
مصطفى: ببيت جدي يريدون يفتحون الوصية مالته لان هو موصي لمن تصير 5 سنين على وفاته يلا نفتحها و اليوم هي السنة الخامسة
زهراء: هااا الله يرحمه اوك لعد من ترجع نحجي مراح انام الى ان تجي
مصطفى: اوك حبيبتي و اذا نعستي نامي و ان شاء الله ما أتأخر
زهراء: ان شاء الله يلا باي
مصطفى: باي
ذهبت الى بيت جدي و قرأنا الوصية و استنسخوها عدة نسخ بالنسبة لي انصدمت من الذي قرأته انزعجت من الوصية انا و اهلي عندما عدنا الى البيت
مصطفى: هسة شلون؟
ام مصطفى: هذا الي صار بعد لازم تنفذ الوصية حبيبي
مصطفى: ماما بكل برود تكوليلها
ام مصطفى:حبيبي لعد شنسوي
مصطفى: ماما اني ما احب رغد ما احبها و احب بس زهراء و ما اتزوج غير بس زهراء اما زهراء او ما اتزوج
ابو مصطفى: مصطفى حبيبي تحضر الأسبوع الجاي العقد مالتك و بلا حجي زايد
مصطفى: بابا يعني شلون الله عليكم تقبلوها لعد الي حسن اسوي صار سنتين شنو جان... علمود جدو هيج كتب اني بتليت على عمري ... اصلا منو كلكم مجان مخرف يعني يدري 100 مرة اني ما احب رغد شلون يخليني أتزوجها
ابو مصطفى: مصطفى مهما حجيت مراح تغير شي ف استسلم للامر الواقع و خلص عيش حياتك
تركتهم و ذهبت الى غرفتي و اتصلت بزهراء
زهراء: الو
مصطفى: حبيبتي
زهراء: خير شبيك
مصطفى: زهراء يريدون يفرقونا شلون
زهراء: شكو مصطفى على كيفك احجي من البداية
مصطفى: زهراء جدي كاتب بالوصية انه يريدني اتزوج بنت عمي رغد الي اموت منها
بعد ان صمتت طويلاً قالت: ممم الف مبروك بالتوفيق يلا اني نعسانة تصبح على خير
مصطفى: زهراء كل عقلج بهل سهولة هانت عليج
زهراء: مصطفى نعسانة
مصطفى: لج احجي شو كولي لي خلي نشرد فد شي
زهراء: تصبح على خير
مصطفى: و انتي بخير😔
—زهراء
لم أنم لقد بقيت طوال الليل ابكي ..بعد كل ذلك الحب ..بعد تلك السنين الان سيحرمونني منه ...سيحرمونني من شي أدمنت عليه.. من شي لا استطيع العيش من دونه ... من شي لم اكن اتخيل يوماً انني سأتركه .. لم استطع ان اقول له شي لانني اعرف ان حاله ليس افضل مني بل بالعكس نظرت للامر الواقع كي لا اجعله يشفق علي
—رقية
استيقظت صباحاً على صوت المنبه انها الساعة 5 صباحاً ذهبت و أعددت الافطار و سوف أوقظ عماد
