—منتظر
بعد تلك المحاولات ان لا احب فتاة اي فتاة لم انجح و وقعت في حب فتاة اخرى اتذكر ذلك اليوم
(يوم 2011/6/6)
رِن هاتف المحل (محل اخي الذي اعمل فيه) أجبت انا لان اخي ليس موجوداً
منتظر: الو
الفتاة: الوو محل شهرزاد للملابس النسائية؟
منتظر: نعم تفضلي اختي
الفتاة: أ أ اريد منتظر
منتظر: شنووو!😳
الفتاة: حباب لا تفتهمني غلط بس اريد احجي ويا
منتظر ببرود: احجي
الفتاة: انت منتظر؟
منتظر: هفف ممم احجي
الفتاة: منتظر والله اني مدا اكدر انام الليل بس افكر بيك والله احبك
منتظر:😳😏
الفتاة: ممكن تنطيني رقمك او اسم الفيس او اي شي
منتظر: أممم شسمج؟
الفتاة: لبنا
منتظر: منين عرفتي اسمي؟ منين تعرفيني؟
لبنا: اني اخت صديقك محمد و اني اشوفك بالمحل ف اعرفك
منتظر: منو محمد؟
لبنا: محمد امير
منتظر: هههه ها اوك هذا رقمي سجلي
لبنا: اوك
منتظر:......0781
لبنا: شكراً
منتظر:اريد اشوفج
لبنا: شوية و اجي للمحل
منتظر: شلون اعرفج
لبنا: عود تشوف بعدين
منتظر: اوك
لبنا: باي أ أ
منتظر: شكو
لبنا: ما اريد أغلق التلفون
منتظر: هههه
لبنا: أ أ
منتظر: شنو بعد
لبنا: احبك
منتظر: هههه يلا باي
لبنا: باي
ههههه كم هذه الفتاة مجنونة .... سأراها ان اعجبتني سأبقى معها .... محمد امير جميل إذاً اكيد انها جميلة ايضاً
كلما دخلوا الزبائن كمت انظر في وجه الفتيات كي ارى ربما تكون هي
بعد قليل جاءت مجموعة من الفتيات ام و ابنتها و اختها كانت الفتاة جميلة اما اختها كبيرة يعني يبدو انها متزوجة كانت نظراتها لي جميلة جداً
امام امها و اختها و امام اخي و الزبائن الذين في المحل جاءت الي و قالت: احببببك
ههههه عرفت انها هي ابتسمت لها كم هي جريئة اعجبني جنونها ،ههه تمنيت فعلاً ان تكون زهراء هنا اريد ان ارى ما ردة فعلها
افقت من ذلك اليوم على صوت محمد أمير: منتظر بيمن تفكر؟
منتظر: هههه بأختك
محمد: شبيها؟
منتظر: دا اتذكر اول يوم من تعرفت عليها
محمد: ها هههه مخبلة هاي
منتظر: هههه اموت عليها
محمد: والله خابصتنا بيك
منتظر: الله يجمعنا
محمد: اميين
—زهراء
(يوم 2011/12/31)
كنت افتح فيس و اتحدث مع نور قالت لي انها تتحدث مع مصطفى و قالت ان عيد ميلاده اليوم و انها ستحضر له هدية
نور: زهراء عود اريد انطيج الهدية انتي تنطيها له
زهراء: ليش؟
نور: تعرفين ماكو علاقة قوية بين عائلتنا و عائلتهم يعني هو خلي يجي لشركة الاستاذ سامي و انتي انطيها له
زهراء: نور راح انهي علاقتي مصطفى
نور: ليش؟ لا تتسرعين
زهراء: بديت احبه و اني ما اريد احبه ما اريد أعيد نفس الخطأ مرتين و يصير نفس الي صار وية منتظر هو كال اني ما احب عراقية
نور: خاف ضجتي لان راح اوديله هدية
زهراء: لج خبلة لا
نور: هههه أصلاً انتي صايرة تحجين مثله
زهراء: اي😔
—مصطفى
كنت اتحدث مع نور ابنة عمي و في نيتي ان اتحدث مع زهراء بعدها و لكن نور أرسلت لي صورة محادثتها مع زهراء كانت زهراء تقول انها بدأت تحبني
ف أرسلت الصورة لزهراء كي اخبرها انني علمت بما قالته و قلت لنور انني سأتحدث معها لاحقاً
زهراء: ممم
مصطفى: ليش مكلتي لي من البداية
زهراء: راح انسى مبقه شي و انت روح اني نسيت منتظر
مصطفى: حتلو نسيتي اني وياج نبقى اصدقاء
لم تجبني
مصطفى: زهراء
زهراء: ها
مصطفى: راح احب من جديد و هالمرة صدك
زهراء: ممم ... يلا راح اروح
مصطفى: بكيفج 😔
زهراء: الاستاذ سامي يريدني
مصطفى: روحي ... باي
عدت الى نور
مصطفى: اجيت
نور: شصار
مصطفى: راح اسولف لج شغلة بس مو تسولفين لأحد و خاصة زهراااء
نور: اي
مصطفى: اني منسيتها رقية و راح أبقى احبها و راح اروح لها اصالح وياها ... اني اعتبر زهراء مثلج كأختي والله احبها بس كأخت لي مو اكثر بس ردت أساعدها حتى تنسى منتظر لان منتظر يأذيها و اكيد هسة منتظر لو عرف اني احجي وياها يموتنا اني وياها والله اني ردت احبها من صدك بس بعدين الناس شراح تكول جانت تحب ابن خالته قبل
نور: اي صحيح ... لعد انت ليش عفت رقية؟
مصطفى: منتظر فرقنا
نور: شنووووو😱 .... منتظر!!!
مصطفى: اي ...(قلت لها القصة)
نور: عزززة اي مصطفى روح صالحها لرقية
مصطفى: هو هم هيج
في اليوم التالي
—زهراء
ذهبت الى المدرسة و أتت نور
نور: هلو زوز شلونج
زهراء: الحمد لله و انتي
نور: زينة ... زوزو شكلج مصطفى
زهراء: كلي راح احب من جديد
نور: يعني راح يحبج؟
زهراء: كمال هيج كال بس راح احب من جديد
نور: ها
انا لا احب ان أضيف كلام من عندي هذه طبيعتي فقد يكون القصد مختلف
زهراء: احس عندج شي تكولي
نور: اي والله
زهراء: احجي
نور: حاولي تنسين مصطفى زهراء
زهراء: ممم بس ليش
نور: راح اكول لج بس هو ميقبل كلي لا تكولين
زهراء: لا تخافين ما اكول له انتي كلتي احجي
نور: هو بعده يحب رقية و مراح ينساها
( نور لا تعلم ان رقية هي نفسها التي في الصف و انها مخطوبة)
زهراء: ها
نور: اي و عرفت شلون عافها
أصبحت أتكلم ببرود : شلون
نور: منتظر فرقهم
زهراء: شنووووو؟؟؟؟؟ شلووون؟؟؟؟؟😱😱😱
نور قالت لي القصة
زهراء: ها اني رايحة اريد ارتاح
ذهبت و جلست على رحلتي تذكرت كلام منتظر عنها عندما قال لي انه احبها و انها تركت الكلان
بعد خروجي من المدرسة ذهبت الى الشركة و في الليل عدت الى البيت اليوم اول يوم في 2012 و لكنه سيّء كنت أظن انه جيد لانني بقيت اتحدث البارحة مع مصطفى و لكنه ليس كذلك
جدتي: تعالي آكلي حبيبتي
زهراء: شكرًا بيبي ما أشتهي وين جدو؟
جدتي: راح نام تعبان
زهراء: ها خطية يلا اني هم راح اروح ارتاح و انام تصبحين ع خير
جدتي: و انتي بخير
كم مرة قلت لك يا قلبي لا تحب احد
فمصيرك و مصيرهم الفراق و لكن
لا جدوى ها انت يا قلبي تتألم من جديد
اسفة يا قلبي لا استطيع ان اجد لك اشخاص
بقائهم دائم ...
.
