—مصطفى
في ذلك اليوم بدل ان أحقق هدفي و انتقم من منتظر بإيذاء زهراء اصبح هدفي هو ان أنقذها من عذابه بعد ان علمت انه لا يحبها فما ذنبها لتتحمل خطأه و هو حتى لا يكترث ان كانت تتألم ام لا!
لقد كذبت عليها و قلت لها انني نسيت رقية كي لا ازرع اليأس في قلبها و تقول انها من المستحيل ان تنسى منتظر. صحيح ان النسيان صعب و لكن هي يجب ان تنساه لانني اعلم من خلال كلام منتظر عنها انها تتصرف بقلبها و ليس بعقلها رغم انها ذكية و تعلم انه خطأ و لكن تفعله .. هذا هو سن المراهقة
—نور
أخبرتني زهراء ان مصطفى الذي تتكلم معه هي ابن خالة منتظر هو نفسه ابن عمي لا اصدق .. من خلال كلامها عنه سابقاً كنت احس انها ستحبه و بعد ان علمت انه ابن عمي فرحت
(يوم 2011/12/10)
—زهراء
اليوم في العمل قال لي الاستاذ سامي: اليوم راح تجي بنتي رقية هي و خطيبها عماد خو انتي تعرفيه عود دخليهم للمكتب اني راح اروح للاجتماع
زهراء: اوك أستاذ
انا متلهفة حقاً لأراها تلك الفتاة التي يحبها مصطفى و بعد قليل جاءت فتاة بيضاء شعرها اسود و عيناها سوداء ملامحها جميلة و لكن هذا الفتاة اعرفها .... هذه الفتاة ..... انها نفسها رقية التي معي في الصف كانت تمشي مع عماد..
عماد: هلو
زهراء: هلو بيك ... شلونج رقية؟
رقية:!! انتي السكرتيرة مال ابوية؟
زهراء: ليش مستغربة؟
رقية: ما شاء الله بكلشي انتي منضبطة ، ابوية شكد يمدح بيج
زهراء: ها شكراً
عماد:تعرفيها رقية! عبالي اول مرة تجين للشركة
رقية: اي بس هي وياية بالصف
عماد: هاا .. اي زهراء ان شاء الله ناوية متدخلينا اليوم هم!
زهراء: ههه لا لا ادخلوا
—مصطفى
في الليل تحدثت مع زهراء
مصطفى: هلو
زهراء: هلو شلونك
مصطفى: زين و انتي
زهراء: الحمد لله زينة بس دقايق أغير ملابسي لان هستوني دخلت للبيت
مصطفى: ياا اسف غيري ملابسج و ارتاحي و تعشي و تعاي
زهراء: لا عادي معندي شي بس أغير ملابسي
مصطفى: اوك
بينما ذهبت تغير ملابسها خطر سؤال على بالي
زهراء: اجيت
مصطفى: شنو دتسوين هسة؟ انتي وين؟
زهراء: اني بغرفتي دا اكل و احجي وياك
مصطفى: ولج روحي آكلي
زهراء: عادي هي لفة دا اكلها و احجي وياك
مصطفى: شبسرعة كدرتي تسوين لفة
زهراء: بيبيتي مسويتها و حاطتها ع الطاولة و رايحة نايمة
مصطفى: هاا
زهراء: اي خطية تتعب علمودي
مصطفى: ممم عندي سؤال
زهراء: اسأل
مصطفى: شنو الي يعجبج بمنتظر؟ يعني ليش تحبيه؟
زهراء: والله ما ادري
مصطفى: هههه شلون يعني متدرين
زهراء: يعني احبه بس ما ادري ليش رغم اخلاقه الي محلوة بس احبه و بدون ما أسيطر ع نفسي يعني اريد أنساه و ادري حبي اله غلط بس ما اكدر
مصطفى: تدرين مصطفى بس وياج اخلاقه محلوة ... المهم انتي اذا تريدين تنسي من صدك اني اعرف شلون بس لازم تكونين مستعدة حتى تنسي يعني متتراجعين
زهراء: صدك تعرف طريقة حتى أنساه؟
مصطفى: اي
زهراء: شلون
مصطفى: لازم تُحبين واحد ببداله
زهراء:مستحيل بعد احب من جديد التوبة
مصطفى: شوفي لازم تقنعين نفسج انه انتي تُحبين شخص معين و انه انتي نسيتي منتظر و من تنسيه نهائيا تحاولين تبتعدين عن هذاك الشخص
زهراء: بس اني ما احجي وية اي ولد بس انت و كان منتظر
مصطفى: اوك اسمعي لا تفتهمين غلط بس اني اريد أساعدج يعني اعتبري انه انتي تحبيني يعني صح ماكو مقارنة بيني و بين منتظر بس يعني اني دا احاول أساعدج لان اني مريت بهاي الحالة حتى أنساها و نسيتها الحمد لله بس يمكن انتي متكدرين وحدج و اذا متريدين عادي كولي لي
زهراء: ممم راح اجرب أنساه
مصطفى:اوك هسة امسحي الرسائل الي بيني و بينج حتى نبدي من جديد و بعد لا تدخلين ع الرسائل الي بينج و بينه و لا تشوفين صوره او اي شي يذكرج بيه
زهراء: اي
—زهراء
منذ ذلك اليوم أصبحت أتكلم مع مصطفى جيداً ربما احس في قلبي انني اكذب على نفسي و انني احبه و لكن احس فعلاً انني بدأت احبه و كان يذكرني بين فترة و اخرى ان مهمته ستنتهي عندما انسى منتظر و انه سيرجع صديق لي ... انا لم اخبره الى الان انني رأيت رقية و انها نفسها معي في المدرسة و انها مخطوبة ... احس فعلاً انني بدأت انسى منتظر
الغريب في الموضوع
انني اهرب من الحب لأقع فيه من جديد
الغريب في الموضوع
انني اريد ان انسى الحب لأتذكره
.
