حبي مثل المتاهه

البارت الثالث والعشرون

شـمــس بتنهيد:الجرس بيكهرب ولازم الكهربائي يجي يصلحه ونادر جي الساعة 8 وخايفة يتكهرب منه
سلمي:ما تكلميه تقوليله طيب
شـمــس:قافل تليفونه
سلمي:معلش شوية وهيفتحه وابقي قوليله
الساعة 8 نادر قدام الباب ومعاه معتز وماجد!!!!!
نادر جي يرن الجرس
نادر جاله تليفون
"يووو معلش نسيت اقفل التليفون"
ماجد:طيب يلا اقفله
ماجد رن الجرس واتكهرب ووقع في الارض ونادر ومعتز اتفزعوا وشالوه
نادر بفزع:يانهار ابيض اخوك ماله مبينطقش ليه؟؟
معتز:طب يلا نشيله نوديه للمستشفي
نادر بتردد:طب و....وشمس؟
معتز:ياعم نبقي نجيلها وقت تاني يلا شيل معايا
ويروح نادر ومعتز وهما شايلين ماجد علي المستشفي

شمس في بيتها ومعاها خالها واخواتها
شمس قلقانة لان نادر لسه موصلش
شـمــس بقلق:يووووو هما ليه اتاخروا كده؟؟انا قلقانة اوي
مصطفي:معلش يابنتي الغايب حجته معاه
شـمــس:لالالا انا هتصل بيه اشوفه اتاخر ليه؟؟
نادر في الوقت ده كان بيحاول يتصل ب شمس
شـمــس وهي بتشيل التليفون من علي ودنها
"يوووو بردو مشغول"
مصطفي:طيب اصبري شوية يمكن يتصل هو
شـمــس:ياااا رب ميكنش حصل حاجة
نادر وهو في المستشفي مع ماجد وجنبه معتز
معتز:ايه؟؟بتعمل ايه؟
نادر:بحاول اكلم شمس من الصبح مشغول
معتز:طيب حاول تاني
نادر اتصل بيها واخيرا كان جرس وشمس ردت
نادر بلهفة:الووو ايوة يا شمس
شـمــس بقلق:ايوة يا نادر مجتش ليه؟
نادر:معلش يا شمس ماجد اخويا جه يرن الجرس و....
شـمــس مقاطعة:بس متكملش...اتكهرب صح؟؟
نادر باندهاش:اه...انتي كنتي عارفة؟
شـمــس:ايوة وكنت بتصل بيك علشان اقولك بس كان تليفونك مقفول
نادر:معلش قدر الله وماشاء قعل...انا دلوقتي مع اخويا في المستشفي لو ينفع نحدد معاد تاني لاني مش هقدر اجي انهارده
شـمــس:ثواني اسئل خالي
شـمــس:خالي نادر بيقول ان اخوه اتكهرب من الجرس ودخل المستشفي ومش هيعرف يجي انهارده...ممكن معاد تاني؟
مصطفي بتنهيد:لا حول ولا قوة الا بالله ...خلاص خليها بكرخ في نفس المعاد
شـمــس:ايوة يا نادر خالي بيقولك بكره في نفس المعاد
نادر بفرحة:اتفقنا....وحشتيني
شـمــس بابتسامة وخجل:وانت كمان
نادر:هيييييح معلش مليش نصيب اجي اخطبك انهارده بس متقلقيش جايلك بكره يا حبيبتي
شـمــس بفرحة:تيجي بالسلامة
مصطفي كان واقف ورا شمس
مصطفي:انتو بتقولوا ايه؟؟؟؟؟يلا اقفلي ...مفيش الكلام ده الا بعد الخطوبة
شـمــس بخضة:احم احم حاضر يا خالي
نادر بنتهيد:اوووووف معلش بكره هخطبك ومحدش هيقولنا تلت التلاتة كام
شـمــس بحزن:سلام يا نادر
نادر:سلام يا روح نادر
نادر قفل الخط وفضل باصص للموبايل واخده بالحضن
معتز مناديا ببرود:انت يا سي نادر....انتي يا عم روميو
نادر بقرف:ايه يابني حرام عليك قليت مزاجي مش كفاية خالها
معتز:يابني سيبك من شمس دلوقتي وخليك في اخوك المتكهرب ده
نادر:ماشي اما نشوف الدكتور هيقولنا ايه

في اليوم التالي
شمس في بيتها واقفة مع رانا
شـمــس:هااا تفتكري فستاني كده حلو؟؟
رانا:يوووو دي رابع مرة تساليني واقولك زي القمر يا شمس خلصينا بقي
شـمــس بقلق:انا خايفة خايفة اسمعي قلبي كده....فرقة مزيكا
رانا:ههههههههه طبيعي يابنتي مهو بردو انا وياسر كنا قصة حب ولما جه يتقدملي حصلي كده بردو ...بس كنت اعقل شوية
شـمــس:يعني تقصدي ان انا مجنونة؟؟؟
رانا:يا حبيبة قلبي انتي ست العاقلين اخلصي بقي واجهزي علشان زمانه علي وصول وانا همشي بقي
شـمــس بارتباك:ما تخليكي ونبي يا رانا عايزة تسبيني في لحظة زي دي
رانا:يا حبيبتي مهو لو كان جه امبارح يتقدملك مكنتش هبقي موجودة بردو....معلش انا لاز امشي....سلام
شـمــس:سلام
وتذهب رانا
شمس خرجت من اوضتها وكان مصطفي قاعد
مصطفي:اهدي شوية لسه نص ساعة علي المعاد
شـمــس بترجي:ونبي يا خالي ما تشدد عليه في الطلبات
مصطفي بابتسامة:هههههه متقلقيش مش هشد عليه في حاجة
سلمي خرجت من اوضتها
شـمــس بفزع:ايه رايحة فين؟
سلمي باستعجال:معلش يا شمس عايزة اروح اذاكر عند صحبتي علشان حبة حاجات واقعة مني كده
شـمــس بحزن:وهتسبيي في يوم زي ده؟؟
سلمي:معلش بقي يا شمس الامتحانات قربت وبعدين مهو خالي موجود معاكي هو ورضوي
شـمــس بتحذير:ماشي ...خلي بالك علي نفسك هااا وحاولي تشفطي بطنك شوية
سلمي:حاضر يا شمس....يلا سلام
شـمــس بحزن:سلام
وتذهب سلمي
مصطفي:متقلقيش علي اختك بطنها لسه صغيرة....خليكي دلوقتي في موضوعك
شـمــس:ماشي...يا مسهل
الباب يخبط وشمس تفتح الباب
تلاقيه نادر
شـمــس بابتسامة:اهلا اهلا اتفضل يا نادر
نادر:احم ده ماجد اخويا خريج كلية اداب وده معتز اولي ثانوي السنادي
شـمــس باندهاش:اداب؟؟انا اختي سلمي تانية ادب
ماجد بحزن:سلمي؟
شـمــس باندهاش:اه....نادر ادخل بقي اعرفك علي خالي واقعدوا علشان تتفقوا
نادر:حاضر
ويدخل نادر يسلم علي خالها
ويقعد نادر واخواتها وشمس جت تقعد جنب نادر خالها شاورلها بمعني لا
نادر:انا اسف اوي اني مجتش امبارح بس خضرتك اكيد عرفت الي حصل ل ماجد اخويا
مصطفي:ولا يهمك الف سلامة عليه
ماجد:الله يسلم حضرتك
مصطفي:طيب مش ندخل في الموضوع
نادر بخجل:احم احم طبعا حضرتك عارف انا جي انهارده ليه؟
مصطفي:طبعا وانت شرفتنا بزيارتك دي
نادر بفرحة:ربنا يخليك...حضرتك انا كنت جي اطلب ايد شمس فا كنت عايز اعرف طلبات حضرتك ايه؟
مصطفي:يعني الطلبات مش طلباتي الي هي هتقول عليه اهم حاجة طبعا الشقة انت عارف
نادر:انا الحمدلله عندي شقة تحت الشقة الي ساكن فيها مع اخواتي بالنسبة للمهر والشبكة معنديش اي مشكلة
مصطفي:تمام....اهم حاجة موافقتها هي
شـمــس:يوووو يا خالي بقي ...انا موافقة يلا بقي نقرا الفاتحة
مصطفي:يابنتي استني
شـمــس:يلا يا نادر
نادر وشمس واخواته قراوا الفاتحة ورضوي طلعت بسرعة تقراها معاهم فا خالها ملقاش غير انه يقراها معاهم هو كمان
وبعد الفاتحة نادر طلع الدبل ولبس شمس دبلتها ولبسته هي دبلتها واخواته كانوا فرحانين اوي ومصطفي كان مستغرب من السرعة الي هما فيها ومن استعجالهم بس ملقاش غير انه لازم يبقي فرحان علشان الخطوبة تمت
شـمــس بخجل:نادر ...تسمحلي؟
نادر باندهاش:بايه؟
شـمــس:لووووووووووووووووووولي
نادر:ههههههههههه يا مجنونة
مصطفي:ياااا ده انتو مجهزينها سوا بقي
شـمــس بفرحة وخجل:يا خالي انا موافقة عليه وشايفة اننا نعرف بعض كفاية علشان نلبس دبل علي طول
مصطفي بفرحة:الف مبروك ليكوا انتو الاثنين
رضوي مازحة:خووونة كنتوا هتقراوا الفاتحة من غيري
الجميع:هههههههههههه
شـمــس بحزن:ياااا لو كانت سلمي معانا...معلش اصلها عندها امتحانات
نادر:ربنا معاها
بعد ما نادر قعد مع شمس و خالها ورضوي شوية
نادر قام هو واخواته وسلم علي مصطفي وكان بيبص لشمس بابتسامة وهي كمان ومشي نادر هو واخواته
بعد ربع ساعة
سلمي وصلت البيت
"معلش يا شمس حقك عليا والله كان لازم اروح لصحبتي ضروري"
شـمــس بابتسامة:خلاص يا حبيبتي ولا يهمك...بصي علي ايدي
سلمي بفرحة:ايه؟؟اتخطبتي؟؟؟لووووووووووولي
شـمــس:هههههههه يخربيت جنانك اه يا ستي
سلمي:علي طول كده من اول مرة يتقدملك خطوبة في نفس اليوم ...مالكوا مستعجلين كده ليه؟
شـمــس بفرحة:ياستي خلينا نخلص بقي وقريب باذن الله كتب الكتاب بس بعد امتحاناتكوا
سلمي:باذن الله ....يلا انا ادخل بقي علشان اراجع علي شوية حاجات
شـمــس:طيب يلا ادخلي
سلمي دخلت اوضتها
نادر بيتصل ب شمس وتجيب شمس علي الهاتف
نادر:حبيبة قلبي
شـمــس بفرحة:خير بتتصل بيا ليه؟
نادر:مكنتيش عايزاني اتصل بيكي؟
شـمــس بخجل:هااا لا ابدا اتصل براحتك
نادر:مقدرتش مقولكيش تصبحي علي خير
شـمــس:وانت من اهله يا حبيبي...سلام
نادر بابتسامة:سلام
في اليوم التالي في الصباح الباكر
باب شقة شمس يخبط
تروح تفتح الباب هتلاقي.................................................