حبي مثل المتاهه

البارت السادس

الكل قام وبدا يرحب ب نادر الا شمس اول ما سمعت كده بدا يظهر علي وشها ملامح الحزن
نادر بيسلم علي الناس وهو مش معاهم اصلا وعمال بيبصلها وكانه زعل لما عرفت انه خاطب بنت المدير
شمس حست باحساس غريب لما عرفت انه خطيب بنت المدير ونادر حس باحساس غريب لما هي عرفت
رنا:هههههه وده مين الي اتهف في عقله وخطب بنت بسيوني خليفة
شمس......شمس....شمـــــــــــــــس
شـمــس:ايه خضتيني؟
رنا:بكلمك من الصبح وأنتِ مبترديش
شـمـس:مسمعتكيش ياستي
رنا:انا مش فاهمة أنتِ عمالة تبصي عليه كده ليه ؟؟هو أنتِ تعرفي المهندس ده قبل كده
شـمـس:هاااا لاطبعا ولا عمري شفته قبل كده
فجأة نادر يجي عندها
"انسة شمس"
رنا:هو ده الي متعرفيهوش!!!
شمس بصتله ومنتبهتش ل رنا
"ايوة افندم"
نادر:انا ....يعني ...صدفة غريبة بصراحة مكنتش اعرف ان انا وأنتِ ممكن نبقي مع بعض في نفس الشركة
شـمـس بجفاء:اديك عرفت ممكن تسبني اكمل شغلي بقي
نادر يحس انها احرجته
"احم احم تمام اتفضلي انا قولت بس اسلم عليكي"
ويحط ايده علي عينه علشان يفكرها بالي عملته وهو مبتسم وهي هتبصله باحراج ويمشي ويسيبها
شـمــس:اووووووف انا مش عارفة ايه ده بس ياربي؟
رنا:مهو طلع يعرفك اهو امال بتقولي متعرفيهوش ليه؟
شـمــس:مهو هو ده
رنا:هو ده ايه؟
شـمـس:هو ده الي انا.............
رنا:هييييييييييه هو ده هههههههههه
شـمـس:وطي صوتك هو أنتِ كل حاجة هاهاهاهاهاها ياساتر
رنا:اعمل ايه مهو أنتِ مسخرة يا شمس .......أنتِ ايه دايما طايحة في الناس كده ولا همك؟؟
شـمــس:طب اتكتمي بقي
نادر هيكون قاد في مكتب قريب منهم ومشلش عينه من عليها وهي هتعمل نفسها مش واخدة بالها
رنا:ايه النظام هااا؟
شـمـس:نظام ايه؟
رنا:نظامك أنتِ والباشمهندس الجديد؟
شـمـس:اتلمي ده يبقي خطيب بنت المدير وصاحب الشركة
رنا:آآآآآآآآآه اوووك
مرة واحدة ونادر قاعد واحد يجيله عند المكتب ويهبد قدامه ملفات كتير
نادر:بسم الله الرحمن الرحيم ايه ده؟
الشخص:معلش انا اسف خضيتك اصل ده شغل علينا ومتاخر وبما انك جيت بقي شيل عننا شوية
نادر:وهو انت اسمك ايه؟
الشخص:اسمي اكرم زميلك هنا في السكرتارية
نادر:اهلا بيك وانا
اكرم مقاطعا:ايوة ايوة اسمك نادر وخطيب بنت المدير...هنيالك ياعم
نادر:مش اوي يعني
اكرم:معقولة؟؟؟
نادر:اه ياسيدي اقعد وانا هحكيلك الي حصل يوم الخطوبة

سلمي وماجد في الجامعة
ماجد:تعرفي انك وحشتيني اوي
سلمي:ياسلام لو كنت وحشتك بجد كنت اتصلت بيا بقالك فترة مبتكلمنيش ممكن اعرف ليه؟
ماجد:معلش شوية ظروف
سلمي:ظروف؟؟؟ظروف ايه؟
ماجد:يعني ظروف عائلية وكده
سلمي:آآآآآآآه قولتلي بقي
ماجد:معلش يا سلمي عندي محاضرة... هشوفك بعدها؟
سلمي:اكيد...يلا باي
ماجد:باي

نادر في الشركة مع اكرم
نادر:جينا ندخل القاعة لقيتها بتقولي هنقف بره وانت تدخل وبابا يسلمني ليك تسلم عليه وانت تسلم عليه وتبوس ايده
اكرم: ههههههههههههههههه .....اه وبعدين
نادر:ولا حاجة اخواتي هدوني وعدينا اليوم بس حاسس ان ماجد بني ادم وصولي اوي وعايزني ابقي وصولي واقبل بالكلام ده
اكرم:تصدق بقي اخوك ماجد ده طلع ناصح عنك
نادر:نعم؟؟؟
اكرم:ايوة طبعا حد يطول... ما تبوس ياعم
نادر بغضب:ليه حد قالكوا عليا اني عبد
اكرم:طب بس متتحمقش كده ...ده انت خاطب بنت بسيوني خليفة
نادر:وايه يعني؟
اكرم:ايه يعني؟؟؟علي ظروفك المهببة دي واحدة عادية متوفقش بيك انما دي ابوها مليونير ووافق بيك علشان مهندس كمبيوتر وهيبقي ليك مستقبل
نادر:آآآآه قولتلي بقي طيب امشي بقي من وشي علشان ورايا شغل مش من اولها كده هنقصر وهنقعد نرغي
اكرم:ماشي ياعم
ويذهب اكرم الي مكتبه
كل ده شمس بتبص لنادر مشلتش عنيها من عليه بغيظ غير مفهوم ونادر ياخد باله ويبصلها ويبتسم فا هتحود نظرها الناحية التانية
رنا:ايه مالك؟من ساعة ما جه وأنتِ عمالة تبصيله
شـمـس:مفيش بملي نظري بس من الي جري ورا الفلوس وخطب بنت مدير الشركة
رنا:وأنتِ ايش عرفك ما يمكن بيحبها؟؟
شـمـس بغضب وصدمة:لا بيحبها ايييه!!!لا طبعا
رنا:ومالك اتحمقتي كده ليه؟
شـمـس:علشان ...علشان...انا بتكلم معاكي ليه اصلا!! انا اشوف شغلي احسن
رنا بتنهيد:طيب براحتك أنتِ حره
رنا في سرها:هي مالها متغاظة كده ليه؟
مرة واحدة وهما قاعدين نيرة تدخل
باعلي صوت
"حبيبي الف مبروك علي الشغل الجديد"
نادر بارتباك وهو بيبص لشمس:هاااا أنتِ ايه الي جابك؟
نيرة:ايه مكنتش عايزني اجي اباركلك ولا ايه؟
نادر:لا بس من فضلك ده مكان شغل
نيرة هتحضنه
شمس هتقوم تقف مرة واحدة
"ايه ياانسة ده؟؟احنا بنشتغل من فضلك ميصحش كده"
نيرة بغيظ:وأنتِ مالك أنتِ الشركة دي شركة بابا وأنتِ حتة سكرتيرة من ضمن السكرتارية فيها
نادر هيتغاظ اوي من طريقة كلامها مع شمس خاصة انها مش غلطانة
نادر:من فضلك يا نيرة مفيش داعي للكلام ده
شـمـس في سرها:يا حنين
شـمـس:بقلكوا ايه؟؟ده مكان شغل عايزين بقي تعملوا راندفو و مواعدات غرامية تبقي بره
رنا تقوم تقف
"خلاص يا شمس مش كده دي بنت المدير"
شـمـس:ان شالله تكون بنت رئيس الوزراء.. ساعة الجد الشغل ميزعلش حد
نيرة:سامع يا ندورتي بتقول ايه؟
نادر:خلاص يا نيرة تعالي نطلع بره
شمس هتفرقع من الغيظ
نيرة:ماشي هنطلع بره بس لازم اقول لبابا علي السكرتيرة دي علشان يخصملها
نادر:خلاص يا شمس
نيرة:ايييييييه مين شمس دي؟
نادر:اقصد خلاص يا نيرة الي حصل حصل وهي عندها حق
نيرة بتوعد:ماااشي
نيرة هتحضنه
"انت وحشتني اوي"
نادر وهو بيبعدها
"نيرة معلش الكلام ده مينفعش احنا لسه مخطوبين معلش"
نيرة بغيظ:ماشي انا همشي مع السلامة
نادر:مع السلامة
نادر هيرجع تاني لاوضة السكرتارية وهيروح لمكتب شمس
نادر:انا اسف اوي ياانسة شمس علي الي حصل
شـمـس بسخرية:مجراش حاجة ياباشمهندس اهم حاجة بس تكون صالحتها لتكون زعلت ولا حاجة
الجميع:هههههههههههههه
نادر بيبص عليهم وهما بيضحكوا:تقصدي ايه؟
شـمـس بسخرية:اقصد ان بنت المدير مينفعش خطيبها الي بيشتغل سكرتير هنا يزعلها ولا رايك ايه؟
نادر:ملوش لازمة كلامك وتلميحاتك دي قولي تقصدي ايه علي طول؟
شـمـس بسخرية:مش بردو حضرتك اتخطبتلها علشان بنت المدير وبسم لله ماشاء الله جت هنا نزلت احضان في حضرتك
نادر بتحذير:لاحظي ان كلامك في نوع من الاهانة
شـمـس بتحدي:لاحظت يا استاذ
نادر بغيظ:ماااشي...اولا انا مكنتش اعرف ان ابوها مدير شركة بسيوني خليفة للكمبيوتر ثانيا مكنتش اعرف انها جاية انهارده ثالثا سيادتك بقي مضايقة نفسك وتاعبة روحك ليه انا حرررر محدش ولي امري ولا علشان حضرتك واااضح من ايديكي انك لسه مرتبطيش هطلعي عقدك علينا....عن اذنك يا انسة شمس
نادر يروح علي مكتبه
شمس هتفرقع من الغيظ وعنيها عمالة تحول وتغمز لوحدها
رنا:كان لزومه ايه تجيبي لنفسك التهزيق؟
شـمـس:انا يقولي بطلعي عقدك علينا ولسه مرتبطيش؟؟......مااااشي انا هوريه
رنا:هتعملي ايه.؟
شـمـس بفخر:هكلم خطيبي حبيبي هييييح..... فرغلي
رنا:ما بلاااش ههههههه
شـمـس:معلش مضطرة والمضطر يكلم فرغلي
رنا:ده كده هيفضحك
شـمـس:معلش مش مهم هكلمه يجي ياخدني انهارده واما كنت اوري الي اسمه نادر ده واعرفه اني مرتبطة مبقاش انا شمس
رنا:أنتِ حره بقي
شمس بتتصل ب فرغلي
شـمـس بسخرية:ايوة يا حبيبي
نادر ياخد باله ويبص باهتمام
فرغلي:آآآه وحشتيني يا شموسة
شـمـس:انت اكتر....ينفع تيجي تاخدني انهارده من الشغل
فرغلي:طبعا
شـمـس:خلاص ماشي يا حبيبي اتفقنا...سلام

نادر في سره:هو مين حبيبها ده الي كانت بتكلمه ؟؟معقولة يكون في حد في حياتها
نادر قلقان جدا بيكون في حد في حياتها ومش فاهم اصلا ايه سبب قلقه؟؟
رنا:هااا
شـمـس:كلمته وهيجيلي انهارده ياخدني
رنا:علي خيرة الله ههههههههه
شـمـس:اما نشوف بقي ياانا ياانت يا نادر
بعد انتهاء العمل
فرغلي جي ياخد شمس من قدام باب الشركة ونادر واقف عمال يبصلها
فرغلي جه
"حياتي روحي عمري"
شـمــس بسخرية:قوووول كمان
فرغلي:أنتِ حبي الوحيد
نادر مسمعش ولا كلمة وافتكره باباها فا قال يروح يسلم
نادر:اهلا اهلا اهلا يا استاذ
فرغلي:مين ده يا شمس؟
نادر:انا زميل شمس في الشغل وكنت جي اسلم علي حضرتك
شمس خايفة جدااا
فرغلي بابتسامة:يبقي لازم شمس حكتلك عني
نادر:لا بصراحة بس واضحة زي الشمس مش حضرتك باباها بردو؟
فرغلي:ايييييييييه؟انا خطيبها يا استاذ!!!!
نادر فضل مبرق 😶وشمس ساكتة خااالص بس وشها كله كسوف😍