نادر:يلا ندخل بقي
نيرة:استني ايه هندخل كده؟
نادر:امال هندخل ازاي؟
نيرة:لا انت هتستني بره وانا وبابا هندخل مع بعض انت تدخل وهو يسلمني ليك وبعدها تقوم واخدني منه ومسلم عليه وبايس ايده
نادر بتعجب وغضب:نعم؟؟؟؟؟؟؟؟؟؟؟؟؟؟؟؟؟؟؟؟؟؟
نيرة:نعم ايه؟؟ايه عندك اعتراض؟
نادر بغضب:طبعا... انتي فاكراني ايه؟بصي من الاخر كده انا مقدررش اتنازل عن كرامتي دلوقتي بتقوليلي بوس ايد بابا واحنا في الخطوبة امال في الفرح بقي هتقوليلي بوس رجلين بابا
نيرة:انت ؟؟؟وهو انت تطول اصلا...انت بتتكلم كده ليه؟
نادر:امال عايزاني اكلم جنابك ازاي وانتي بتقوليلي كده؟
بدا صوتهم يعلي والمعازيم اتلمت وماجد ومعتز قاموا وقفوا ومسكوه علشان يهدوه
ماجد:اهدي يااخي مش كده؟؟حصل ايه بس؟؟وانتو داخلين القاعة بداتوا خناق؟
معتز:صلي علي النبي يانادر حصل ايه بس؟
نادر:الهانم بنت الحسب والنسب بتقولي هتبوس ايد بابا
ماجد ومعتز:هههههههه
نيرة واقفة حاطة ايديها في جنبها ومتغاظة جدا وفاجاة بسيوني يجي
بسيوني:في ايه؟؟ايه الدوشة دي؟
نادر:اسئل بنتك يا عمي
نيرة وهي بتعيط:يابابا ده عمل كل ده علشان بقوله انه هيبوس ايدك
نادر:ليه حد قالكوا عليا عبد؟
بسيوني:خلاص اهدي شوية حصل خير...يلا ندخل بقي القاعة
نادر بزهق:يلا
الخطوبة تمت علي خير انما نادر مكنش طايق نفسه ومكشر طول الوقت وماجد ومعتز عمالين يضحكوا
نادر بعد ما رجع من الخطوبة
نادر:ياساتر ايه ده؟؟انا مشوفتش كده في حياتي
ماجد:ههههههههه
نادر:انا مش فاهم انت عمال تضحك من الصبح ليه؟
ماجد:صحيح هم يضحك وهم يبكي وانت ماشاء الله كل همومك تفطس من الضحك ههههههههههه
نادر:اعمل ايه قسمتي كده حظي ملطش علي طول كاني من الكفار
ماجد:معلش بكره تروق وتحلي وبعدين انت نسيت انت خاطب مين؟؟
نادر بسخرية واستهزاء:اه طبعا نيرة بسيوني خليفة
ماجد:ههههه لا انت خاطب بنت صاحب اكبر شركة كمبيوتر في مصر ومش عارف وافق بيك ليه؟
نادر:تلاقي بنته مش لاقية من طبعها المغرور
ماجد:هما عارفين ظروفك؟؟
نادر:اه بس الراجل قالي كلام كده الي هو احنا بنشتري راجل والحاجات دي
ماجد:آآآآآآآآآآآآه طب حاسب بقي يا حلو وتبت فيها بايدك وسنانك دي الي هتعملك مستقبل وتنشلك من الفقر
نادر:ما تتادب يا واد...وانا من امتي بتاع الكلام ده؟
ماجد:هتبقي يا خويا هتبقي.....لما تشوف العز والفلوس والنغنغة ومش بعيد كمان يوظفك في شركته وتاخد مرتب اضعاف الي بتاخده في الشركة الي انت فيها
نادر يفكر شوية:لا انا مش بتاع فلوس وبعد الي حصل انهارده لازم ارجع افكر تاني انا كملت بس الخطوبة علشان شكلنا ادام الناس والفضايح الي هتحصل
ماجد:بكره تفتكر كلامي ده وتعرف انك مهما قولت...غصب عنك بردو هتتحمل علشان الفلوس
نادر:ممكن سؤال؟
ماجد:نعم؟
نادر:هو مين الكبير انا ولا انت؟
ماجد بسخرية:تصبح علي خير عندي كلية الصبح
نادر:وانت من اهله يا فيلسوف زمانك......مش عارف ليه ساعات بخاف منك يا ماجد..حاسس انك في اي وقت هيجي من وراك مصيبة
ماجد:المصايب الي بتيجي من وراها منفعة متبقاش مصايب يا نادر
STAI LEGGENDO
حبي مثل المتاهه
Storie d'amoreفكرة مختلفة ونوع مختلف من الرومانسية الواقعية الاجتماعية وبعض الصدف والمفارقات الكوميدية الطبيعية التي يمكن ان يتعرض اليها اي شخص ولكن التعامل مع هذه المواقف يختلف من شخص لاخر!!!! شخصيات القصه شمس بنت جميلة في اوئل العشرينات توفت امها وابيها منذ فت...