Bad-ass Teacher

BT 18 : Protect Sensei

Saktong 6:20 ng makarating ako sa HO. Medyo nalate ako ng dating dahil sa mild traffic. Tsaka kahit naman mga gangsters kami ay sumusunod pa rin kami sa mga patakaran sa kalsada.

Pagbukas ko ng pinto ay tumambad sa akin ang dilim. Teka akala ko ba late na ako? Mukhang mas late pa ata ang mga mokong na yun.
Swinitch- on ko ang ilaw at unti-unting nanlalaki ang mga mata ko.

A-anong nangyari?

" Misaki!" Tawag ko sa kanya pero wala pa rin siyang malay. Tinignan ko ang iba at ganun din ang kalagayan nila. Pare-parehong walang malay at nakagapos sa upuan habang may busal sa bibig.

" g-Glenn."

Napalingon ako at nilapitan si Lexter.

" anong nangyari sa inyo?" Tanong ko.

" tanga lang dude? Kita mong nakagapos tatanong ka pa." Nanghihinang sabi ni Ivan. Tong bwesit na to,kahit mahina na nagawa pang mangasar.

" umalis ka na dito." Lexter

" ano bang pinagsasabi mo? Sa tingin mo ba makakaya kong iwanan kayo sa kalagayan niyong yan?" Sabi ko na nakakunot-noo.

" sino ang may gawa nito sa inyo?" Tanong ko habang sinusubukang alisin ang pagkakatali kay Lexter.

" s-sa likod mo." Lexter

Ha?

Lilingon pa sana ako ng maramdaman ko ang pagpindot nila sa ugat malapit sa batok ko at unti-unti ng nandilim ang paningin ko.

Nagising ako dahil sa mahinang pagsipa sa akin.

" psst dude gising." Bulong ng sumisipa sa akin, si Misaki

" buhay pa kaya siya dude?" Dex na nakaani ng batok mula kay Ivan.

" tanga ka ba o tanga ka talaga? Alin sa dalawa?" Ivan

" alin ba maganda sa dalawang choices na yun? Di ba wala? Tanga mo din Ivan eh." Sagot naman ni Dex sa kanya

" ang ingay niyo." Ako at dahan-dahang bumangon. Kinapa ko naman ang batok ko at bahagyang minasahe. Urgh ! Kung sino man ang gumawa sa akin nun ay humanda na.

Bumukas naman ang pinto at iniluwa nito ang mga lalaking nakaninja suit at ang iba ay naman ay nakapang tuxedo. Sosyal naman nitong mga to. Ilang sandali pa ay nahati sila sa gitna at mula sa pinto ay natanaw ko ang isang lalaki. Hindi ko makita ang mukha niya dahil sa dilim sa may bandang pwesto niya.

Nang makapasok na siya ay kita kong may peklat sa kanyang kanang pisnge. Ang peklat na ito ay mula sa ibaba ng kanang mata niya pababa,vertically hanggang sa may tapat ng kanyang labi. Parang luhang umagos mula sa kanyang mata ang peklat na to. May matipunong pangangatawan at blonde ang buhok nito.
Base sa itsura nito ay mukhang nasa edad 47-49 na siya. Nakakakilabot kung titignan ang lalaking nasa harapan namin ngayon. Presensya at tindig pa lang niya ay alam mo ng may ibubuga siya.

" gising na pala kayo." Nakangiting sabi nito. Nakangiti nga siya pero nakakakilabot naman. Tsk

" hindi,tulog pa kami." Bulong ni Ivan kaya sinipa siya ni Lexter ngunit nagkibit balikat lang ang mukong.

" hindi na ako magpapaligoy pa." Panimula niya

" dalhin niyo si Nica Yashiro sa akin kapalit ng malaking halaga." Seryosong sabi niya

Dalhin sa kanya si Sensei?

" bakit naman namin siya dadalhin dito?" Ivan

" Magandang katanungan. Bakit nga ba?" Nakangising sabi niya

" isa lang naman ang gusto naming mangyari eh. Ang mamatay ang kaisa-isang tagapagmana ni Kusanagi, at makuha ang microchip sa kanya."

What? Papatayin nila si Sensei? Pero hindi ba't may kambal si Sensei at si Nico yun? How come na sinabi ng lalaking ito na siya ang kaisa-isang tagapagmana ? Sino si Kusanagi?
At lalo na, anong microchip ang pinagsasabi niya?

" anong kailangan niyo sa Microchip na yun?" Tanong ni misaki

" Ang microchip na yun ay naglalaman ng codes na pwede naming magamit sa paghack ng lahat ng bangko sa buong mundo. Hindi ba't masaya yun? Kahit magkano ang gusto niyo basta't dalhin niyo sa akin si Nica Yashiro." Gigil na sabi niya

" at sa tingin mo dahil sa pera ay ibibigay namin siya sayo?" Ako,napatingin naman siya sa akin at kumunot-noo
Ngumisi naman ako at ipinagpatuloy ang sasabihin ko

" hindi namin ipinagbibili si Sensei. Hindi siya isang bagay na pwedeng bilhin niyo lang ng basta basta. At kung pera lang naman ang usapan meron kami niyan. Hindi man kasing laki ng perang meron ka. Mahalaga sa amin si Sensei at Hindi mo siya makukuha. Ako at ng mga kaibigan ko. Hindi namin ipagkakanulo si Sensei. Kami muna ang makakalaban mo bago mo siya makita. Ganoon siya kaimportante sa amin na kaya naming makipaglaban maprotektahan lang siya." Mahaba at seryosong litanya ko. Nakita kong seryoso din sila Misaki at kita mo sa kanilang itsura na sumasang-ayon sila sa sinabi ko.

Napatawa naman siya at umiling iling

" matapang ka. I like that, pero payo ko lang sayo iho. Huwag kang papakasiguro na lahat nga kayo ng kaibigan mo ay hindi ipagkaknulo ang Sensei na pinoprotektahan mo." Nakangising sabi niya at tumalikod na. Pero bago pa siya umalis ay may sinabi pa siya sa amin

" huwag masyadong malaki ang tiwala mo sa kaibigan mo. Malay mo isa pala sa inyo,inialay na kayo sa demonyo."

" alam niyo na ang susunod na gagawin." Dagdag pa niya

A-anong ibig niyang sabihin?

Mayroon bang traydor sa amin? Sino?

Nang makalabas siya ay nakita kong nagsikuha ng mga tubo ang mga tauhan niya at inumpisahan kaming bugbugin. And the rest is history.

-end of flashback-

Hindi ko alam kung sino sa amin ang traydor.
Pero isa lang ang masasabi ko. Kahit anong mangyari,kahit anong rason ng traydor sa amin. Poprotektahan ko si Sensei...

Kahit buhay ko pa ang kapalit

I will protect you Sensei

--------------------------------

Comment and Vote :)

Just tell something you want to say about this chapter hahahaha