Hell University (PUBLISHED)

Chapter 59

Kumunot ang noo ko. Hindi ko alam kung nananakot lang sya o nagsasabi talaga sya ng totoo pero bakit ganon? Kinakabahan ako ng husto. Shit! Tama na.. Sana wala ng kasunod.

"What do you mean?" Tanong ni Angel.

"Ginto... May napulot akong gintong maskara..." Humalakhak ito. "Posibleng may iba pang gang maliban sa inyo." Wika nito.

Nagsigawan ang lahat ng palibutan kami ng napakaraming naka kulay gold na maskara. Shit! What's this?!

Napatingin ako sa isang dako kung saan pumunta sila Zein.

Pumatak ang luha sa mata ko sa hindi malamang kadahilanan... Zein.

"Hanggang dyan na lang kayo..." Wika sa amin ng isa sa kanila ng aktong pupuntahan na namin sina Zein. "Hayaan nyong makuha ni Boss ang gusto nya." Wika pa nito.

"Aalis kayo sa daan o papasabugin ko ang bungo nyo..." Malamig na banta ni Raze. Gaya ko ay ramdam ko ang kaba at galit sa kanya. "Kailangan ako ng kapatid ko at ang sino mang magtangkang pumigil sa akin ay mamamatay." Ngumisi ito.

Naglakad ako papunta sa gilid ni Raze. "Kailangan ako ng kaibigan ko." Malamig ko ring wika.

Tumabi rin sa amin sina Jerome, Dave, Vanessa at Mia na nakangiti.

"Nangako kami sa kanya..." Nakakalokong wika ni Vanessa. "Mamamatay kami ng sama-sama." Dugtong pa nito.

Humigpit ang hawak ko sa baril dahil habang tumatagal ay mas nanganganib ang buhay nila. Hindi na kaya pang manlaban ni Supremo at kahit na naroon sina Sir Alvarez , Nicky at Roxane ay alam kong hindi nila kakayanin.

They need us.

"Hindi kayo maaring dum-" Isang putok mula sa baril ni Raze ang nagpatigil sa kanyang magsalita.

Isang putok na hindi kalauna'y nagsunod-sunod na... Zein, hintayin mo kami. Pakiusap.

---

Zein's Point of View

Patuloy pa rin kami sa paglalakad na parang walang katapusan. Nanghihina na ang tuhod ko at alam kong ganon din si Supremo.

Hindi nagsasalita sila nagsasalita na mas nagpapadagdag sa kabang nararamdaman ko. I hate it.

Tumigil sa paglalakad si Supremo ganon din si Nicky at Roxane.

"Hindi namin alam na may tryador pala." Wika ni Roxane kay Sir Alvarez na nanatiling nakatalikod sa amin.

"Sinong traydor?" Tanong ni Sir Alvarez na unti-unting humarap sa amin. Nakangisi ito na nagpatayo ng balahibo sa katawan ko.

Hindi ko na makita ang gurong itinuring kong ama sa kanya.

Naluluha ako hindi sa katunayang traydor sya kundi dahil hindi ko inakalang ang pinagkatiwalaan kong tao ay mali. Nagkamali ako ng pinagkatiwalaan.

"You are our real enemy... Hindi talaga lahat ng kaibigan mo ay kaibigan din ang turing sa sa'yo." Nakakalokong wika ni Nicky na nasa harap na namin.

"Thank you for the trust..."

Nanghina ako nang palibutan kami ng mga nakakulay gintong maskara kasabay ng pagbuhos ng malakas na ulan.

Kinilabutan ako dahil ang pakiramdam na ngayon ay nararamdaman ko ay maihahalintulad sa pakiramdam na naramdaman ko nong panahong naabutan kami ni Matt ng Bloody Night. Posibleng ang mga nakamaskarang ito ang nakamasid sa amin noon.

Mas nanghina ako nang mapagtanto na maaring sila rin ang nakamasid sa amin ni Celine nong nasa gubat kami.

"I am sorry for this, Miss Zein Shion."